Generator facility for registration offices | தடையின்றி பத்திரங்களை பதிவு செய்ய ஜெனரேட்டர் : அனைத்து அலுவலகங்களுக்கும் வழங்கப்பரிந்துரை| Dinamalar

பொது செய்தி

தமிழ்நாடு

தடையின்றி பத்திரங்களை பதிவு செய்ய ஜெனரேட்டர் : அனைத்து அலுவலகங்களுக்கும் வழங்கப்பரிந்துரை

Added : டிச 26, 2012
Advertisement
 
 
Advertisement
 
 
Advertisement

மதுரை: மின்தடை நேரங்களில், தடையின்றி பத்திரப்பதிவு செய்ய, அனைத்து அலுவலகங்களுக்கும், ஜெனரேட்டர்கள் வழங்கப்படுகின்றன. அரசுக்கு வருவாய் ஈட்டும் துறைகளில் பத்திரப்பதிவு முக்கியமானது. சில மாதங்களுக்கு முன், புதிய வழிகாட்டி மதிப்பு அமல்படுத்தப்பட்ட போதிலும், பத்திரப்பதிவு செய்வதில் மக்கள் ஆர்வம் காட்டுகின்றனர். மின்தடை ஏற்படும் போது, அலுவல் பணி பாதிப்பதால், பதிவு செய்வதில் தாமதம் ஆகிறது. நல்ல நாளில் பதிவு செய்ய வேண்டும் என வருபவர்கள், "சென்டிமென்டாக' கருதுவதால், அரசுக்கு வருவாய் பாதிக்கிறது. இதை தவிர்க்க, முதற்கட்டமாக, அதிக பத்திரப்பதிவு நடக்கும் அலுவலகங்களுக்கு ஜெனரேட்டர்கள் வழங்கப்பட்டுள்ளன. இதேபோல், மற்ற அலுவலகங்களுக்கும் வழங்க வேண்டும் என அரசுக்கு பரிந்துரைக்கப்பட்டுள்ளது.

கிடப்பில் "வெப்கேமரா' : பத்திரப்பதிவின்போது நடக்கும் ஆள்மாறாட்ட மோசடிகளை தடுக்க, "வெப்கேமரா' திட்டம் அறிமுகப்படுத்தப்பட்டது. பத்திரப்பதிவு செய்பவர், வாங்குபவரின் பாஸ்போர்ட் சைஸ் போட்டோக்களுக்கு பதில், "வெப்கேமரா' மூலம் நேரடியாக படம் எடுக்கப்பட்டு, உடனடியாக பதிவு செய்யப்படும். மேலும், விரல் ரேகையும் பதிவு செய்யப்படும். மின்வெட்டால், இத்திட்டம் ஓராண்டாக கிடப்பில் உள்ளது. இதை முழுமையாக செயல்படுத்தினால் மட்டுமே பத்திரப்பதிவில் நடக்கும் மோசடிகளை தடுக்க முடியும். இது குறித்து, அரசு பரிசீலிக்க வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை