Stone hurled in Communist party protest | "வால்மார்ட்' அலுவலக முற்றுகை போராட்டத்தில் கல்வீச்சு| Dinamalar

சம்பவம் செய்தி

தமிழ்நாடு

"வால்மார்ட்' அலுவலக முற்றுகை போராட்டத்தில் கல்வீச்சு

Added : டிச 27, 2012
Advertisement
 
 
Advertisement
 
 
Advertisement

திருமங்கலம்: மார்க்சிஸ்ட் கம்யூனிஸ்ட் கட்சியும், இந்திய கம்யூனிஸ்ட் கட்சியும் இணைந்து நடத்திய, "வால்மார்ட்' நிறுவன அலுவலக முற்றுகைப் போராட்டத்தில், அலுவலகத்தின் மீது கல்வீச்சு நடத்தப்பட்டதால், போலீசார் தடியடி நடத்தினர்.
சில்லரை வணிகத்தில், அந்நிய முதலீட்டுக்கு எதிராக போராடி வரும், மார்க்சிஸ்ட் கம்யூனிஸ்ட் கட்சியும், இந்திய கம்யூனிஸ்ட் கட்சியும், அண்ணாநகர் மேற்கு விரிவு வடக்கு பிரதான சாலையில் அமைந்துள்ள, பன்னாட்டு நிறுவனமான, "வால்மார்ட்' நிறுவன அலுவலக முற்றுகை போராட்டத்தை நேற்று நடத்தின. இந்திய கம்யூனிஸ்ட் கட்சி மாநில செயலர் தா.பாண்டியன், மார்க்ஸிஸ்ட் கம்யூனிஸ்ட் கட்சி மாநில செயலர் ஜி.ராமகிருஷ்ணன் ஆகியோர் தலைமையில் நடந்த இந்த போராட்டத்தில், கட்சி தொண்டர்கள், காலை, 11:15 மணிக்கு அண்ணாநகர் மேற்கு பஸ்நிலையம் அருகே இருந்து ஊர்வலமாக புறப்பட்டு, "வால்மார்ட்' நிறுவன அலுவலகம் அருகில் வந்தனர். அங்கு போலீசார் அமைத்த தடுப்புகளை தள்ளிவிட்டு, முன்னேறி அலுவலகத்திற்கு முன் வந்தனர். நூற்றுக் கணக்கில் குவிந்திருந்த போலீசார், போராட்டக்காரர்களை, அலுவலகத்தினுள் நுழைய விடாமல் தடுத்தனர். அப்போது, போராட்டக்காரர்கள் சிலர், அலுவலகத்தின் மீது கல்வீசி தாக்குதல் நடத்தினர். இதில் அலுவலகத்தின் மேற்பகுதியிலுள்ள, கண்ணாடியின் சிறுபகுதி உடைந்தது. இதையடுத்து, போராட்டக்காரர்கள் மீது, போலீசார், லேசான தடியடி நடத்தினர். பின், போராட்டக்காரர்கள் கைதாகி விடுவிக்கப்பட்டனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை