3 arrested for idol theft | கோவில் சிலைகளை கடத்தி ஒரு கோடிக்கு விற்க திட்டம் : சிக்கிய மூவரிடம் விசாரணை| Dinamalar

சம்பவம் செய்தி

தமிழ்நாடு

கோவில் சிலைகளை கடத்தி ஒரு கோடிக்கு விற்க திட்டம் : சிக்கிய மூவரிடம் விசாரணை

Added : டிச 27, 2012
Advertisement
 
 
Advertisement
 
 
 
Advertisement
கோவில் சிலைகளை கடத்தி  ஒரு கோடிக்கு விற்க திட்டம் : சிக்கிய மூவரிடம் விசாரணை

நாகப்பட்டினம்: நாகை அருகே கோவிலில் கொள்ளையடிக்கப்பட்ட சிலைகள், சென்னையில் இருந்து வெளிநாட்டிற்கு, கடத்த வைத்திருந்தபோது சிக்கின. சிலைகளை கைப்பற்றி, மூன்று பேரை போலீசார் கைது செய்தனர். நாகை மாவட்டம் ஆயக்காரன்புலம், எழுமேஸ்வரமுடையார் கோவிலில், கடந்த, ஏப்ரல் 1ம் தேதி, 12ம் நூற்றாண்டைச் சேர்ந்த, ஆறு ஐம்பொன் சிலைகள் கொள்ளையடிக்கப்பட்டன. வாய்மேடு போலீசார் வழக்குப்பதிந்து விசாரித்து வந்தனர். இந்நிலையில், நாகை, ஏ.எஸ்.பி., சிபி சக்கரவர்த்தி தலைமையில் போலீசார், நேற்று முன்தினம், வேதாரண்யம் ராஜாஜி பூங்கா அருகில், வாகன சோதனையில் ஈடுபட்டிருந்தனர். அப்போது சந்தேகத்திற்கிடமான முறையில் சுற்றித் திரிந்த இருவரிடம், போலீசார் விசாரித்தனர். அவர்கள் பழமையான கோவில்களை நோட்டமிட்டு, ஐம்பொன் சிலைகளைக் கொள்ளையடிப்பவர்கள் என்பதும், ஆயக்காரன்புலம் கோவிலில் கொள்ளையடித்தவர்கள் இவர்கள் என்பதும், தெரிய வந்தது.
அவர்கள் கொடுத்த தகவலின்படி, சென்னை, மகாபலிபுரத்தில் உள்ள தனியார் சிற்ப கலைக்கூடத்தில் பதுக்கி வைக்கப்பட்டிருந்த, ஐம்பொன்னாலான, மூன்றரை அடி உயரமுள்ள லட்சுமணன், மூன்று அடி உயர பெருமாள், ஒன்றரை அடி உயர குருவாயூரப்பன், இரண்டு அடி உயரமுள்ள ஸ்ரீதேவி மற்றும் பூதேவி ஆகிய ஐந்து ஐம்பொன் சிலைகளை போலீசார் கைப்பற்றினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை