Complaints accumulates to fraud agency | மோசடி நிறுவனம் மீது குவியும் புகார்கள்| Dinamalar

சம்பவம் செய்தி

தமிழ்நாடு

மோசடி நிறுவனம் மீது குவியும் புகார்கள்

Added : டிச 27, 2012
Advertisement
 
 
Advertisement
 
 
Advertisement

கோவை: சேலத்தில் செயல்பட்ட மோசடி நிதி நிறுவனம் மீது, கோவை பொருளாதார குற்றப்பிரிவு போலீசில் புகார் தெரிவிக்கப்பட்டுள்ளது. சேலத்தை தலைமையிடமாக கொண்ட, "கே.ஜி.ஆர்., மல்டிசேர் இந்தியா பிரைவேட் லிமிடெட்' என்ற நிறுவனத்தை, இரு ஆண்டுகளுக்கு முன், கோவிந்தராஜ் என்பவர் துவக்கினார். மனைவி கீதாலட்சுமி, உறவினர் அமுதா, நிர்வாக இயக்குனர்களாக செயல்பட்டனர். நிறுவனத்தில், "10 லட்சம் ரூபாய் முதலீடு செய்தால், பத்து மாதங்களுக்கு, மாதந்தோறும், ஒரு லட்சம் வீதம் வழங்கப்படும்; பத்தாவது மாத இறுதியில், முதலீடு செய்த 10 லட்சம் திரும்ப வழங்கப்படும்' என அறிவித்துள்ளனர். விளம்பரத்தை நம்பி, கோவை, திருப்பூர், ஈரோடு, சேலம் ஆகிய மாவட்டத்தை சேர்ந்தவர்கள், முதலீடு செய்தனர். முதல் இரு மாதங்கள், பணம் கிடைத்துள்ளது. இதற்கு பின், பணம் வழங்காமல் இழுத்தடித்ததால், சந்தேகமடைந்த முதலீட்டாளர்கள், சேலம் மாநகர குற்றப்பிரிவு போலீசில் புகார் செய்தனர். தலைமறைவான கோவிந்தராஜை, அக்டோபர் மாதம், போலீசார் கைது செய்தனர். இவ்வழக்கு, கோவை பொருளாதார குற்றப்பிரிவுக்கு மாற்றப்பட்டது.
கடந்த 6ம் தேதி, வாழப்பாடியில் பதுங்கியிருந்த அமுதாவை, கோவை பொருளாதார குற்றப்பிரிவு போலீசார் கைது செய்தனர். இந்நிலையில், சேலத்தை சேர்ந்த முதலீட்டாளர்கள், நேற்று கோவை பொருளாதார குற்றப்பிரிவு போலீசில் புகார் கொடுத்தனர். புகார் குறித்து, போலீசார் விசாரிக்கின்றனர். 800க்கும் மேற்பட்டோரிடம், 200 கோடி அளவுக்கு பெற்று மோசடி செய்துள்ளதாக கூறப்படுகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை