Police locks Ex MLA marriage hall | திருமண மண்டபத்துக்கு பூட்டு : மாஜி தி.மு.க., - எம்.எல்.ஏ., வெளியேற்றம்| Dinamalar

சம்பவம் செய்தி

தமிழ்நாடு

திருமண மண்டபத்துக்கு பூட்டு : மாஜி தி.மு.க., - எம்.எல்.ஏ., வெளியேற்றம்

Added : டிச 27, 2012
Advertisement
 
 
Advertisement
 
 
Advertisement

வேலூர்: அரசு நிதியில் கட்டப்பட்ட திருமண மண்டபத்தை, டவுன் பஞ்சாயத்திடம் ஒப்படைக்க, முன்னாள், தி.மு.க., - எம்.எல்.ஏ., மறுத்ததால், மண்டபத்துக்கு போலீசார் பூட்டு போட்டனர். வேலூர் மாவட்டம், நாட்றாம்பள்ளி தொகுதி, தி.மு.க., முன்னாள் எம்.எல்.ஏ., சூரியகுமார். தொகுதி மேம்பாட்டு நிதி, 2.50 லட்சம் மற்றும் நமக்கு நாமே திட்ட நிதி, 12 லட்ச ரூபாய் சேர்த்து, 14.50 லட்ச ரூபாய் மதிப்பில், அங்குள்ள முருகன் கோவிலில், பொது மக்கள் பயன்பாட்டுக்காக திருமண மண்டபம் கட்டினார். திருமண மண்டப நிர்வாகத்தை சூரியகுமார் பார்த்து வந்தார். அ.தி.மு.க., ஆட்சிக்கு வந்த பின், திருமண மண்டபத்தை நாட்றாம்பள்ளி டவுன் பஞ்சாயத்திடம் ஒப்படைக்க, சூரியகுமார் மறுத்து விட்டார்.
திருமண மண்டபத்தின் வரவு, செலவு கணக்குகளை அதிகாரிகளிடம் ஒப்படைக்காமல் இருந்து வந்தார். திருமண மண்டபத்தை டவுன் பஞ்சாயத்திடம் ஒப்படைக்கும்படி அத்தொகுதி, எம்.எல்.ஏ., வீரமணி கோரிக்கை விடுத்தும், சூரியகுமார் ஒப்படைக்கவில்லை. இந்த திருமண மண்டபத்தின் தற்போதைய மதிப்பு, 5 கோடி ரூபாய். திருமண மண்டபத்தை தன் பெயருக்கு மாற்றிக் கொள்ள, சூரியகுமார் முயற்சி செய்ததாக தெரிந்தது. பொது மக்கள் கொடுத்த புகார் படி, நாட்றாம்பள்ளி போலீசார், சூரியகுமாரிடம் மண்டபத்தை ஒப்படைக்கும்படி கேட்டனர். அவர் மறுத்ததால், நேற்று மண்டபத்தில் உள்ளவர்களை வெளியேற்றி, மண்டபத்துக்கு பூட்டு போட்டனர். இதை தடுக்க வந்த சூரியகுமார் மற்றும் அவரது ஆட்களை போலீசார் வெளியேற்றினர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை