Student protest, laptop giving function postponed | மாணவர்கள் போராட்டத்தால் "லேப் டாப்' விழா ஒத்திவைப்பு| Dinamalar

சம்பவம் செய்தி

தமிழ்நாடு

மாணவர்கள் போராட்டத்தால் "லேப் டாப்' விழா ஒத்திவைப்பு

Added : டிச 27, 2012
Advertisement
 
 
Advertisement
 
 
 
Advertisement

ராஜபாளையம்: ராஜபாளையம் ராஜூக்கள் கல்லூரியில், இரண்டாம் ஆண்டு மாணவர்களுக்கான, "லேப் டாப்' வழங்கும் விழா நேற்று நடக்க இருந்தது. மூன்றாம் ஆண்டு மாணவர்களின் போராட்டத்தால், விழா ஒத்தி வைக்கப்பட்டது.
கல்லூரியில் இரண்டாம் ஆண்டு மாணவர்கள் 397 பேருக்கு, தமிழக அரசின் இலவச லேப் டாப் வழங்கும் விழா, நேற்று மதியம் நடக்க இருந்தது. மூன்றாம் ஆண்டு மாணவர்களுக்கு, லேப் டாப் கிடைக்காததால், அவர்கள் நேற்று காலை 10 மணிக்கு, ஊர்வலமாக தாலுகா அலுவலகம் சென்று, சிறிது நேரம் கோஷமிட்டனர்.
பின், காந்திசிலைக்கு புறப்பட்டனர். பணியில் இருந்த எஸ்.ஐ., மற்றும் ஏட்டு தடுத்தபோது, வாக்குவாதம் ஏற்பட்டது. பின், ஊர்வலமாக வந்த மாணவர்கள், "அரசு பிரசவ மருத்துவமனை எதிரே ஆர்ப்பாட்டம் செய்தனர். இதன் பின், மீண்டும் ஊர்வலமாக தாலுகா அலுவலகம் சென்று, ரோட்டில் அமர்ந்து மறியலில் ஈடுபட முயன்றனர்.
தாசில்தார் தனலட்சுமி, டி.எஸ்.பி., அசோகன் சமரசம் முயற்சியில் ஈடுபட்டனர். மதியம் ஒரு மணிவரை போராட்டம் நீடித்தது. கல்லூரி துணை முதல்வர் ரவிசந்திரன் மாணவர்களிடையே பேசுகையில், ""மாணவர்களை ஒதுக்கும் எண்ணம், அரசுக்கு கிடையாது. கல்வியின் தரம் உயரவே, லேப் டாப் வழங்கப்படுகிறது. தற்போது பிரச்னை ஏற்பட்டதால், விழா ஒத்தி வைக்கப்படுகிறது. மூன்றாம் ஆண்டு மாணவர்களின் பட்டியலை அரசு கேட்டுள்ளது. பிப்ரவரியில் உங்களுக்கும் லேப் டாப் கிடைக்கும்,'' என்றார். அதன்பின், மாணவர்கள் தங்களது கோரிக்கையை, மனுவாக தாசில்தாரிடம் கொடுக்க, மதியம் 1.30 மணிக்கு கலைந்து சென்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை