district news | சிவன் கோவில்களில்நாளை காலைஆருத்ரா தரிசனம்| Dinamalar

பொது செய்தி

தமிழ்நாடு

சிவன் கோவில்களில்நாளை காலைஆருத்ரா தரிசனம்

Added : டிச 27, 2012
Advertisement
 
 
Advertisement
 
 
Advertisement

ஈரோடு: ஈரோடு மாவட்டத்தில் உள்ள சிவன் கோவில்களில், நாளை ஆருத்ரா தரிசன விழா நடக்கிறது.உலக அசைவுக்கு காரணமான ஆடலரசனை அடிப்படையாக கொண்டு கடைபிடிக்கப்படுவது திருவாதிரை திருவிழா. மார்கழி மாதம் திருவாதிரை நாளில் பகல் முழுவதும் அடியார்கள் விரதத்துடன், சிவ சிந்தனையுடன் இருந்து, இரவு நடக்கும் நடராஜர் மகா அபிஷேகத்தில் கலந்து கொள்வர். அபிஷேகத்துக்கு பின், கோவிலுக்கு செல்ல முடியாதவருக்கு, நடராஜர் புறப்பட்டு வீதி உலா வந்து, அவர்களுக்கு காட்சியளிப்பார். இதனையே ஆருத்ரா தரிசன விழாவாக கொண்டாடப்படுகிறது.ஈரோடு கோட்டை ஈஸ்வரன் கோவிலில் நாளை, ஆரூத்ரா தரிசன விழா கொண்டாடப்படுகிறது. அதிகாலை, 5.30க்கு ஆருத்ரா அபிஷேகத்துடன் விழா துவங்குகிறது. காலை, 7 மணிக்கு சிறப்பு அலங்காரம், தீபாராதனை, பட்டு வஸ்திரம் சாத்துதல் நடக்கிறது.தொடர்ந்து, பூமாலை, நகைகளுடன், நடராஜருக்கு சிறப்பு அலங்காரம் நடக்கிறது. காலை, 9 மணிக்கு நடராஜர் தரிசனமும், கோவில் உள்பிரகாரம், வெளிபிரகாரம் வலம் வருதலும், கும்மி, கோலாட்டம் நிகழ்ச்சி நடக்கிறது. காலை 10.30க்கு நடராஜர், சிவகாமி அம்பாள், மாணிக்கவாசகருடன் திருவீதி உலா நிகழ்ச்சி நடந்தது. மணிக்கூண்டு, அக்ரஹாரவீதி, கோர்ட் வீதி, மண்டபம் வீதி, மரப்பாலம் வீதி வழியாக ஸ்வாமி திருவீதி உலா நடந்தது. இதில், மாநகரின் பல்வேறு பகுதிகளில் இருந்தும் ஆயிரத்துக்கும் மேற்பட்ட பக்தர்கள் கலந்து கொண்டு, ஸ்வாமியை தரிசனம் செய்தனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை