district news | கள்ளக்காதலியுடன் சென்றவர்மின்வேலியில்சிக்கி பரிதாப பலி| Dinamalar

சம்பவம் செய்தி

தமிழ்நாடு

கள்ளக்காதலியுடன் சென்றவர்மின்வேலியில்சிக்கி பரிதாப பலி

Added : டிச 27, 2012
Advertisement
 
 
Advertisement
 
 
 
Advertisement

கோபிசெட்டிபாளையம்: கடத்தூர் அருகே கள்ளக்காதலியுடன் சென்றவர் மின்வேலியில் சிக்கி பலியானார்.சத்தியமங்கலம் அருகே கோணமூலை அக்கரைநெகமத்தை சேர்ந்தவர் சுப்பிரமணி, 52. விவசாயி. வீட்டில் சிறிய கோவில் கட்டி, வாக்கு சொல்லி வந்தார். இவருக்கு, அங்கம்மாள் என்ற மனைவி, பாபு என்ற மகன், தனலட்சுமி என்ற மகள் உள்ளனர். நேற்று முன்தினம் இரவு பைக்கில் வெளியில் சென்ற சுப்பிரமணி, மீண்டும் வீடு திரும்பவில்லை. கடத்தூர் உக்கரம் மதிப்பானூர் சாலையில் சுப்பிரமணி மர்மமான முறையில் இறந்து கிடந்தார். அவரது அருகில் பைக் கிடந்தது.கோபி டி.எஸ்.பி., ராமசாமி, இன்ஸ்பெக்டர் தவமணி ஆகியோர் விசாரித்தனர்.தடயவியல் மற்றும் பிரேத பரிசோதனைப்படி, சுப்பிரமணி, விபத்தில் இறக்கவில்லை என தெரியவந்தது.தனது தந்தை சாவில் மர்ம இருப்பதாக சுப்பிரமணி மகன் பாபு, கடத்தூர் போலீஸில் புகார் செய்தார்.போலீஸ் விசாரணையில், "சுப்பிரமணியிடம் வாக்கு கேட்க அடிக்கடி ஒரு பெண் வந்துள்ளார். அவருக்கும், சுப்பிரமணிக்கும் இடையே கள்ளத்தொடர்பு ஏற்பட்டது. அடிக்கடி இருவரும் வெளியில் சென்று உல்லாசமாக இருந்துள்ளனர்.நேற்று முன்தினம் உக்கரம் அருகே மக்காசோள தோட்டத்துக்கு சென்ற இடத்தில், மக்காசோள தோட்டத்தில் அமைக்கப்பட்டு இருந்த மின் வேலியில் சிக்கி, சுப்பிரமணி பரிதாபமாக இறந்துள்ளார்.இதுபற்றி, அப்பெண் தனது கணவரிடம் தகவல் தெரிவித்துள்ளார். அப்பெண், அவரது கணவர், தோட்ட உரிமையாளர் ஆகியோர் சேர்ந்து கொலையை மறைக்க சுப்பிரமணியை தூக்கி வந்து சாலையோரத்தில்போட்டுள்ளனர்,' என தெரியவந்தது.தப்பி ஓடிய மூவரையும் போலீஸார் தேடி வருகின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை