district news | தலைமை அரசு மருத்துவமனையில் சுகாதார பணியாளர்கள் பற்றாக்குறை| Dinamalar

பொது செய்தி

தமிழ்நாடு

தலைமை அரசு மருத்துவமனையில் சுகாதார பணியாளர்கள் பற்றாக்குறை

Added : டிச 27, 2012
Advertisement
 
 
Advertisement
 
 
 
Advertisement

திருப்பூர் : திருப்பூர் மாவட்ட தலைமை அரசு மருத்துவமனையில் சுகாதார பணியை மேற்கொள்ள போதுமான ஊழியர்கள் இல்லை. அதனால், சுகாதார சீர்கேடு ஏற்பட்டு வருகிறது.
மாவட்ட தலைமை அரசு மருத்துவமனையில், உள்நோயாளிகளாக தினமும் 150 பேர் அனுமதிக்கப்படுகின்றனர். பிரசவத்துக்கு 30 கர்ப்பிணிகள் அனுமதிக்கப்படுகின்றனர். குழந்தைகள் பகுதி, ஆண், பெண் பொதுப்பிரிவு செயல்படுகிறது. நோயாளிகளை பார்க்க 300க்கும் மேற்பட்டோர் தினமும் வந்து செல்கின்றனர்.
மருத்துவமனை வளாகத்தில் சுகாதார பணி படுமோசமாக உள்ளது. 30 பணியாளர்கள் இருக்க வேண்டிய இடத்தில் 18 பேரே உள்ளனர். இதில், மூவர் புறநோயாளிகள் பிரிவில் பணிபுரிகின்றனர். சுகாதார பணியாளர்கள் கட்டாயம் 15 பேராவது இருந்தால் மட்டுமே, குப்பை அள்ளுவது, கழிவுகளை சுத்தம் செய்வது உள்ளிட்ட பணிகளை மேற்கொள்ள முடியும்.
தற்போது, நான்கு பேர் மட்டுமே உள்ளனர். இதில், ஒருவர், துணிகளை சலவை செய்யும் பகுதியில் "டியூட்டி' பார்க்கிறார். இன்னொருவர் புறநோயாளிகள் பிரிவு செல்கிறார்; மீதமிருக்கும் இரண்டு பேர், ஒட்டுமொத்த மருத்துவமனை வளாகத்தை தூய்மையாக வைத்திருப்பது சிரமமான காரியம்.
அறுவை சிகிச்சை பிரிவு விரிவுபடுத்தும் பணி நடப்பதால், மேல் தளத்தில், இணை இயக்குனர் அறை அருகே இருந்த பிரசவ வார்டு, தீவிர அவசர சிகிச்சை பிரிவு அருகே மாற்றப்பட்டுள்ளது. குழந்தை பிறந்ததும், தாயையும், சேயையும், 200 மீட்டர் தூரத்தில் உள்ள சாதாரண வார்டுக்கு மாற்ற வேண்டும். அவர்களை, "ஸ்ட்ரெச்சரில்' அழைத் துச் செல்லக்கூட ஆளில்லாத நிலை உள்ளது.
பணியாளர்கள் கூறியதாவது:
மொத்தம் 16 சுகாதார பணியாளர்கள், 25 மருத்துவமனை பணியாளர்கள் இருந்தனர். தனியார் ஒப்பந்த நிறுவன ஊழியர்கள் நியமிக்கப்பட்டதால், பணிச்சுமையை குறைக்க, இங்கிருந்த சுகாதார பணியாளர்கள், உடுமலை, காங்கயம், தாராபுரம், பல்லடம் அரசு மருத்துவமனைகளுக்கு "டிரான்ஸ்பர்' செய்யப்பட்டனர். தற்போது தனியார் நிறுவன ஒப்பந்த பணியாளர்களும் குறைவாக உள்ளனர், என்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை