district news | சிறுபூலுவப்பட்டி கிராமத்தில் தபால் பட்டுவாடா செய்வதில்லை::பொதுமக்கள் புகார்| Dinamalar

பொது செய்தி

தமிழ்நாடு

சிறுபூலுவப்பட்டி கிராமத்தில் தபால் பட்டுவாடா செய்வதில்லை::பொதுமக்கள் புகார்

Added : டிச 27, 2012
Advertisement
 
 
Advertisement
 
 
 
Advertisement

திருப்பூர் : சிறுபூலுவப்பட்டி கிளை தபால் நிலையத்துக்கு உட்பட்ட பகுதிகளில் வசிப்பவர்களுக்கு அனுப்பப்படும் தபால்கள் சென்றடையவில்லை என பொதுமக்கள் புகார் தெரிவித்தனர்.
திருப்பூர், சிறுபூலுவப்பட்டியில் கிளை தபால் அலுவலகம் உள்ளது. சிறுபூலுவப்பட்டி, எம்.ஜி.ஆர்., நகர், மகா சக்தி நகர், அத்திமரத்தோட்டம், மாஸ்கோ காலனி, சாமுண்டிபுரம் தெற்கு, காலேஜ் நகர், கருப்பராயன் கோவில் பின்புறம் உட்பட 15 குடியிருப்பு பகுதிகளில் வசிக்கும் மக்களுக்கு வரும் தபால்கள், இக்கிளை தபால் அலுவலகம் வழியாக, "டெலிவரி' செய்யப்படும். கடந்த ஆறு மாதமாக, தபால்கள், சரியாக வழங்கப்படுவதில்லை என, பொதுமக்கள் புகார் தெரிவித்தனர்.
மகா சக்தி நகர் மக்கள் கூறுகையில், "சமையல் காஸ் நிறுவனத்தில் இருந்து, அழைப்பு மற்றும் தகவல் கடிதம், 10 நாட்களுக்கு முன், தபால் அலுவலகம் மூலம் அனுப்பியுள்ளனர். ஆனால், எங்களுக்கு "டெலிவரி' செய்யவில்லை. விவரங்களை கேட்டு நாங்களே தபால் அலுவலகத்துக்கு சென்று, தபால்களை எடுத்து வந்தோம்.
"தனியார் கம்பெனிகள், அனுப்பிய நேர்முகத்தேர்வு தபால்கள் உட்பட பல கடிதங்கள் எங்களுக்கு வரவில்லை. அலுவலகத்துக்கு சென்று அதிகாரியிடம் கேட்டால், ஆள் பற்றாக்குறையாக இருப்பதால், இதுபோன்ற தவறுகள் ஏற்படுகின்றன என கூறுகிறார்,' என்று புலம்பினர்.
திருப்பூர் கோட்ட அஞ்சலக கண்காணிப்பாளர் சிதம்பரத்திடம் கேட்ட போது,""இதுபோன்ற தவறு, எனது கவனத்துக்கு வரவில்லை. உடனடியாக, சம்பந்தப்பட்ட கிளை தபால் அலுவலகத்துக்கு சென்று ஆய்வு செய்யப்படும். இனி, தவறு நடைபெறாமல் இருக்க
நடவடிக்கை எடுக்கப்படும்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை