district news | மருத்துவமனையில் நகை திருட்டு: போனில் பேசிய ஆசாமிக்கு வலை| Dinamalar

பொது செய்தி

தமிழ்நாடு

மருத்துவமனையில் நகை திருட்டு: போனில் பேசிய ஆசாமிக்கு வலை

Added : டிச 27, 2012
Advertisement
 
 
Advertisement
 
 
 
Advertisement

கோவை : கோவை, மேட்டுப்பாளையம் ரோட்டிலுள்ள தனியார் மருத்துவமனையில், நோயாளிகள் அறையில் இருந்த நகை, பணத்தை திருடிய வாலிபரை போலீசார் தேடுகின்றனர்.
கேரளா மாநிலம் அலப்பி, குமாரபுரத்தை சேர்ந்தவர் அனில்குமார், 38. அவரது மகனுக்கு காலில் எழும்பு முறிவு ஏற்பட்டதால், கோவை சா#பாபாகாலனியிலுள்ள தனியார் மருத்துவமனையில் சிகிச்சைக்கு சேர்த்துள்ளார்.
அறுவை சிகிச்சை முடிந்த நிலையில், மனைவி, குழந்தையுடன் அறையில் இருந்தார். அப்போது, மருத்துவமனை வரவேற்பாளர், இன்டர்காமில், அனில்குமாரை தொடர்பு கொண்டார். "உங்கள் உறவினர் போன் செய்துள்ளார்' என்று கூறி இணைப்பு கொடுத்துள்ளார். மலையாளத்தில் பேசியவர், மருத்துவமனைக்கு வெளியே நிற்பதாகவும், வந்து அழைத்து செல்லுமாறும் கூறியுள்ளார். அதனால், அறையில் இருந்து மருத்துவமனைக்கு வெளியே அனில்குமாரும், அவரது மனைவியும் சென்றனர்.
அங்கு யாரும் இல்லாததால், அறைக்கு திரும்பி சென்றனர். அப்போது, அறையில் இருந்து 2.5 பவுன் நகை, பணம் ஐந்தாயிரம் ரூபாய், மொபைல்போன், இரண்டு ஏ.டி. எம்., கார்டுகள் இருந்த பேக் திருட்டு போயிருந்தது.
அதிர்ச்சி அடைந்து, மருத்துவமனை வரவேற்பாளரை தொடர்ப்பு கொண்டு கூறியுள்ளார். அதன்பின், உறவினர் என்று கூறி போன் செய்தவரின் எண்ணை பெற்றார். அந்த எண்ணுக்கு தொடர்பு கொண்டபோது, பணத்தையும், நகையையும் திருடி விட்டேன். அதற்காகத்தான் போன் செய்து வெளியே வரவழைத்தேன் என்று கூறியுள்ளார்.
அதிர்ச்சியடைந்த அனில்குமார், சா#பாபாகாலனி போலீசில் புகார் கொடுத்தார். போலீசார் வழக்குப்பதிவு செய்து, திருட்டு ஆசாமியின் மொபைல்போன் எண்ணை கொண்டு விசாரிக்கின்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை