district news | விதவையிடம் திருட்டு :சிக்கினார் மாடி ஆசாமி| Dinamalar

சம்பவம் செய்தி

தமிழ்நாடு

விதவையிடம் திருட்டு :சிக்கினார் மாடி ஆசாமி

Added : டிச 27, 2012
Advertisement
 
 
Advertisement
 
 
Advertisement

திருச்சி: வீட்டில் தனியாக இருந்த விதவையிடம், மூன்று பவுன் நெக்லஸை திருடியவரை போலீஸார் கைது செய்தனர்.திருச்சி பெரியக்கடை வீதி சமஸ்பிரான் தெருவைச் சேர்ந்தவர் அப்துல் காதர். இவரது மனைவி ஷகிலா பானு, 48. கடந்த சில ஆண்டுகளுக்கு முன் அப்துல் காதர் இறந்துவிட்ட நிலையில், ஷகிலா பானு மட்டும் வீட்டில் தனியாக வசித்து வந்தார்.ஷகிலா பானு குடியிருந்த வீட்டுமாடியில், மோகன்ராஜ், 29, என்பவர் குடும்பத்துடன் வசித்தார். கடந்த, 5ம் தேதியன்று, ஷகிலா பானு, தன் கழுத்தில் அணிந்திருந்த, மூன்று பவுன் தங்க நெக்லஸை பீரோவில் வைத்தார்.கடந்த, 8ம் தேதி, மாடியில் துணி காயப் போட சென்றார். மீண்டும் வீட்டுக்கு வந்துபார்த்தபோது, பீரோ திறக்கப்பட்டு, உள்ளே இருந்த நெக்லஸ் திருடப்பட்டிருந்தது. இதுகுறித்து ஷகிலா பானு, கோட்டை குற்றப்பிரிவு போலீஸில் புகார் கொடுத்தார்.சிறப்பு எஸ்.ஐ., பழனிவேல் மற்றும் போலீஸார் வழக்குப்பதிந்து, விசாரணை நடத்தினர். அப்போது, மாடி வீட்டில் குடியிருந்த மோகன் ராஜ், ஷகிலா பானுவின், மூன்று பவுன் நெக்லஸை திருடி, அடகு வைத்து செலவு செய்தது தெரியவந்தது.அதையடுத்து, போலீஸார் மோகன்ராஜை கைது செய்து, மூன்று பவுன் நெக்லஸை மீட்டனர். போலீஸில் தற்போது சிக்கியுள்ள மோகன்ராஜ் மீது, ஏற்கனவே மாநகரப்பகுதியில், ஆறு திருட்டு, வழிப்பறி வழக்குகள் உள்ளது குறிப்பிடத்தக்கது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை