E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : டிசம்பர் 27,2012,23:19 IST
கருத்துகள் (165)  கருத்தை பதிவு செய்ய
எழுத்தின் அளவு:

பிரதமர் மன்மோகன் சிங் தலைமையில், டில்லியில் நேற்று நடைபெற்ற, தேசிய வளர்ச்சி குழும கூட்டத்திலிருந்து, தமிழக முதல்வர் ஜெயலலிதா, கோபமாக வெளிநடப்பு செய்தார். தன்னை பேச அனுமதிக்காமல், மணியடித்து நிறுத்தச் சொல்லி, அவமானப்படுத்தி விட்டனர் என, பகிரங்கமாக குற்றம் சாட்டினார்.

தேசிய வளர்ச்சி குழும கூட்டத்தில் பங்கேற்க, நேற்று காலை, சென்னையிலிருந்து தனி விமானம் மூலம் டில்லி வந்த ஜெயலலிதா, விமான நிலைய வரவேற்பை முடித்ததும், நேராக தமிழ்நாடு இல்லம் சென்றார். சில நிமிடங்கள் ஓய்வெடுத்த பின், கூட்டம் நடைபெற்ற, விஞ்ஞான் பவன் அரங்கத்திற்கு விரைந்தார்.

அங்கு, குஜராத் பா.ஜ., முதல்வர் நரேந்திர மோடி, மத்திய விவசாய அமைச்சர் சரத்பவார் மற்றும் உள்துறை அமைச்சர் சுசில் குமார் ஷிண்டே உட்பட, பலரும் அவரிடம் நலம் விசாரித்தனர். தேசிய வளர்ச்சி குழும கூட்டம் துவங்கியதும், மத்திய திட்டக் குழு துணைத் தலைவர், மாண்டேக்சிங் அலுவாலியா பேசினார்.

இதன்பின், பிரதமர் மன்மோகன் சிங் உரை நிகழ்த்தினார். இதையடுத்து, "ஒவ்வொரு மாநில முதல்வரும், 10 நிமிடங்கள் மட்டுமே பேச அனுமதிக்கப்படுவர்' என, அறிவிக்கப்பட்டு, முதல் நபராக, முதல்வர் ஜெயலலிதா பேச அழைக்கப்பட்டார்.ஜெயலலிதா, தன் பேச்சை ஆரம்பித்த சில நிமிடங்களில், அவரை நிறுத்திக் கொள்ளும்படி, மணி அடிக்கப்பட்டது. இதில், எரிச்சல் அடைந்த, அவர், தன் உரையை பாதியிலேயே நிறுத்தி விட்டு, கூட்ட அரங்கத்தை விட்டு, கோபமாக வெளியேறினார்.

வெளியில் வந்தவுடன், மிகுந்த கோபத்துடன் நிருபர்களிடம் கூறியதாவது:தேசிய வளர்ச்சி குழும கூட்டத்தில் பேச, முக்கிய விவரங்களோடு வந்திருந்தேன். தமிழகம் மற்றும் நாட்டு நலனுக்கு தேவையான விஷயங்களை பேசலாம் என, நினைத்திருந்த போது, "10 நிமிடங்களுக்கு மேல் பேசக் கூடாது, அவ்வாறு பேசினால் மணி அடிக்கப்படும்' என, நிபந்தனை விதித்தனர்.

நான் பேச ஆரம்பித்து, 10 நிமிடமாவதற்கு உள்ளாகவே, மணி அடித்து விட்டனர். எனவே, என் உரையை படித்ததாக, ஏற்றுக் கொள்ளும்படி கூறி விட்டேன். எதிரணியில் உள்ள, மாநில முதல்வர்களின் குரலை ஒடுக்கும் மத்திய அரசுக்கு, என் எதிர்ப்பை பதிவு செய்ய, கூட்டத்திலிருந்து வெளிநடப்பு செய்துள்ளேன்.இவ்வாறு ஜெயலலிதா கூறினார்.

உடன், தமிழ்நாடு இல்லம் வந்த முதல்வர், அங்கிருந்த நிருபர்களிடம், தன் எதிர்ப்பை, மீண்டும் விரிவாக பதிவு செய்யும் வகையில் கூறியதாவது:இன்று நடைபெற்ற, தேசிய வளர்ச்சி குழும கூட்டத்தில், மத்திய அரசை எதிர்க்கும் முதல்வர்கள், பேசுவதற்கு அனுமதி மறுக்கப்பட்டு, அவமானப்படுத்தப்பட்டனர். எடுத்த எடுப்பிலேயே,


"10 நிமிடம் தான் கால அவகாசம்' என்றனர்.நான் பேச ஆரம்பித்து, என்னவெல்லாம் சொல்லலாம் என, எண்ணியிருந்தேனோ, அதில், மூன்றில் ஒரு பங்கை கூட, சொல்லி முடிக்கவில்லை. அதற்குள், மணி அடித்து, நிறுத்திக் கொள்ளும்படி கூறினர்; இது மிகப்பெரிய அவமானம்.

எனக்கு மட்டுமல்ல; தமிழகத்திற்கும், தமிழக மக்களுக்கும் இழைக்கப்பட்ட அவமானம். மணியடிக்கும் பழக்கம், இதற்கு முன் இருந்ததில்லை. தேசிய வளர்ச்சி குழும கூட்டங்களில், இதற்கு முன், பலமுறை கலந்து கொண்டிருக்கிறேன். பிரதமர் தலைமையிலான, முதல்வர்கள் மாநாட்டிலும், கலந்து கொண்டிருக்கிறேன். அப்போதெல்லாம், மணி அடித்து நிறுத்தும் நடைமுறை கடைபிடிக்கப்படவில்லை.

முந்தைய பல கூட்டங்களில், மத்திய அரசை ஆதரிக்கும் முதல்வர்கள் எல்லாம், 30 முதல், 35 நிமிடங்கள் பேச அனுமதிக்கப்பட்டு உள்ளனர். கடைசியாக, நான் கலந்து கொண்ட முதல்வர்கள் மாநாட்டில், அசாம், காங்., முதல்வர் தருண் கோகாய், 35 நிமிடங்களுக்கு மேல் பேசினார். அப்போது, அவரை நிறுத்தும்படி, யாரும் கூறவில்லை; கட்டளையிடவில்லை; மணியடிக்கவில்லை.

ஆனால், இன்று நான் பேச துவங்கி, 10 நிமிடங்கள் ஆவதற்குள்ளாகவே, மணியடித்து, என்னை அவமானப்படுத்தி விட்டனர்; கேவலப்படுத்தி விட்டனர்.ஒரு மாநிலத்தின் பிரச்னைகளை எடுத்துரைக்க, எந்த முதல்வருக்கும், 10 நிமிடங்கள்
போதாது. 12வது ஐந்தாண்டு திட்ட அறிக்கை என்பது, நீண்டதொரு ஆவணம். அதிலுள்ள அம்சங்களை, நிச்சயமாக, 10 நிமிடங்களுக்குள் சொல்லி முடிக்க முடியாது. 10 நிமிடங்களுக்கு மேல், ஒதுக்க தயாராக இல்லை என்றால், மத்திய அரசு, ஏன் எங்களை அழைக்க வேண்டும்?

எங்களுக்கு, ஏராளமான பணிகள் மாநிலத்தில் உள்ளன. வெறும் சம்பிரதாயத்துக்காக அழைக்கிறார்களா... அழைத்து விட்டு, எங்களை பேச அனுமதிக்காமல், எங்களது குரல் வளையை நெரிப்பது ஏன்... எங்களை, ஏன் இப்படி கேவலப்படுத்த வேண்டும்; அவமானப்படுத்த வேண்டும்.

மத்திய அரசு, தனக்கு ஆதரவாக இல்லாத, எதிர்ப்பு தெரிவிக்கும் முதல்வர்களை, பேச அனுமதிக்காமல், அசிங்கப்படுத்த, இப்படியொரு, புதிய அடக்கு முறையை தொடங்கியிருக்கிறது. இவ்வாறு முதல்வர் ஜெயலலிதா கூறினார். இதையடுத்து, தன் டில்லி பயணத்தை, வெகு சீக்கிரமாக முடித்துக் கொண்டு, நேற்று மதியமே, சென்னை திரும்பினார்.

எம்.பி.,க்களை சந்திக்க மன்மோகன் மறுப்பு:
டில்லியிலிருந்து சென்னைதிரும்பியதும், விமான நிலையத்திலும், போயஸ் கார்டனிலும், நிருபர்களுக்கு ஜெயலலிதா பேட்டி அளித்தார்.

Advertisement

அப்போது, டில்லியில் கூறிய, விஷயங்களையே திரும்பக் கூறினார். போயஸ் கார்டனில் அளித்த பேட்டியின் போது, டில்லியில், ஜெ., சொல்லாத விஷயங்கள்:

தமிழக அரசின் கேபிள் நிறுவனத்துக்கு, டிஜிட்டல் உரிமம் வழங்க மத்திய அரசு மறுப்பது, "காவிரி நடுவர் மன்ற இறுதித் தீர்ப்பை அரசிதழில் வெளியிடுகிறோம்' என, சுப்ரீம் கோர்ட்டில் உறுதியளித்தும், காலம் தாழ்த்துவது மற்றும் தமிழகத்தின் கோரிக்கைகளை தொடர்ந்து புறக்கணித்து வருவது போன்றவற்றை, தேசிய வளர்ச்சி குழும கூட்டத்தில், நான் பேசியதால், ஆத்திரமடைந்து என்னை பேச விடாமல் செய்துள்ளனர்.

காவிரி நடுவர் மன்றத் தீர்ப்பை, மத்திய அரசின் அரசிதழில் வெளியிடுவது தொடர்பாக, பிரதமரை சந்திக்க, அ.தி.மு.க., எம்.பி.,க்கள் பல முறை நேரம் கேட்டுள்ளனர். ஆனால், நேரம் ஒதுக்காமல், எம்.பி.,க்களை சந்திக்க பிரதமர் மறுத்து வருகிறார். தமிழகத்தின் நியாயமான கோரிக்கைகளையே, மத்திய அரசிடம் தொடர்ந்து வலியுறுத்தி வருகிறோம். ஆனாலும், அதை கேட்கக் கூட மறுத்து, அவமானப்படுத்தி விட்டனர்.இவ்வாறு, ஜெயலலிதா கூறினார்.

முதல்வர் ஜெ., குற்றச்சாட்டு பிரதமர் மன்மோகன் மறுப்பு: தேசிய வளர்ச்சி குழும கூட்டத்தில், மின்னணு முறையில் அனுமதிக்கப் பட்ட, கால அவகாசப்படி, 40 பேர் பேசினர்,'' என, பிரதமர் மன்மோகன் சிங் கூறினார். இதன்மூலம், முதல்வர் ஜெயலலிதாவின் குற்றச்சாட்டை மறுத்தார்.இதுதொடர்பாக, பிரதமர் கூறியதாவது:

தேசிய வளர்ச்சி குழும கூட்டத்தில், முதல்வர்கள் பேச, மின்னணு முறையில், கால அவகாசம் வழங்கப்பட்டிருந்தது. அதன்படி பேசிய அனைத்து முதல்வர்களுக்கும், நான் நன்றி தெரிவிக்கிறேன். கால அவகாசம் நிர்ணயித்திருக்கா விட்டால், வளர்ச்சி குழும கூட்டத்தில், 40 பேர் பேசியிருக்க முடியாது.இவ்வாறு பிரதமர் மன்மோகன் சிங் கூறினார்.

இதன்மூலம், தன்னை, 10 நிமிடம் கூட பேச அனுமதிக்கவில்லை என்ற, முதல்வர் ஜெயலலிதாவின் குற்றச்சாட்டை மறுத்துள்ளார். இந்நிலையில், நேற்று நடந்த தேசிய வளர்ச்சி கவுன்சில் கூட்டத்தில், 12வது ஐந்தாண்டு திட்டத்திற்கு, ஒப்புதல் அளிக்கப்பட்டது. இத் தகவலை தெரிவித்த, திட்ட குழு துணைத் தலைவர்,

மாண்டேக் சிங் அலுவாலியா கூறியதாவது:ரிவான கொள்கை செயல் திட்டங்கள் அடங்கிய, 12வது ஐந்தாண்டு திட்ட ஆவணத்திற்கு, தேசிய வளர்ச்சி குழுமத்தின், முழு கூட்டத்தில் ஒப்புதல் அளிக்கப் பட்டது. கூட்டத்தில் முதல்வர்கள் பேசிய விவரங்கள் எல்லாம், திட்டக் குழுவால் கவனத்தில் கொள்ளப்படும்.

இந்த ஐந்தாண்டு திட்ட காலத்தில், வருடாந்திர சராசரி வளர்ச்சி வீதத்தை, 8 சதவீதமாக நிர்ணயித்துள்ளோம். 5 கோடி பேருக்கு புதிதாக வேலை வாய்ப்புகளை உருவாக்கவும், உள்கட்டமைப்பு துறையில், முதலீடுகளை அதிகரிக்கவும் திட்டமிடப்பட்டுள்ளது.இவ்வாறு மாண்டேக் சிங் அலுவாலியா கூறினார்.
-நமது டில்லி நிருபர்-




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (165)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Eswaran - Palani,இந்தியா
31-டிச-201212:29:30 IST Report Abuse
Eswaran வாழ்க அம்மா வின் துணிச்சல்.
Rate this:
0 members
0 members
0 members
Share this comment
Cancel
rahaman - 65461,சவுதி அரேபியா
29-டிச-201200:11:56 IST Report Abuse
rahaman அம்மா செய்தது வெரி குட்
Rate this:
1 members
0 members
0 members
Share this comment
Cancel
nsathasivan - mylapore,இந்தியா
28-டிச-201219:22:19 IST Report Abuse
nsathasivan பார்லிமெண்டரி தேர்தலில் பிஜேபி உடன் கூட்டணி வைக்க மணி அடித்தாகி விட்டது .
Rate this:
0 members
0 members
4 members
Share this comment
Cancel
Concorde express Courier - CHENNAI,இந்தியா
28-டிச-201218:53:03 IST Report Abuse
Concorde express Courier தமிழ் நாட்டை வஞ்சிக்கும் மத்திய அரசு நமக்கு எதற்கு தூக்கி எறிவோம்
Rate this:
6 members
0 members
6 members
Share this comment
Cancel
Concorde express Courier - CHENNAI,இந்தியா
28-டிச-201218:51:57 IST Report Abuse
Concorde express Courier மேடம் ஜெயலலிதா செய்தது சரி நாங்கள் மக்கள் எல்லோரும் உங்கள் பின்னாடி கவலை வேண்டாம் நாளை மத்திய அரசு நம்முடியது .பாலகிருஷ்ணன் கோன்கோர்டே எக்ஸ்பிரஸ் கொரிஎர்
Rate this:
7 members
0 members
11 members
Share this comment
Cancel
Rupan Charkaravarthi - ambur,இந்தியா
28-டிச-201217:34:34 IST Report Abuse
Rupan Charkaravarthi தமிழகத்திற்கும், தமிழக மக்களுக்கும் இழைக்கப்பட்ட அவமானம்.
Rate this:
14 members
0 members
20 members
Share this comment
Cancel
P. Kannan - Bodinayakkanur,இந்தியா
28-டிச-201217:08:21 IST Report Abuse
P. Kannan "தமிழக அரசின் கேபிள் நிறுவனத்துக்கு, டிஜிட்டல் உரிமம் வழங்க மத்திய அரசு மறுப்பது, 'காவிரி நடுவர் மன்ற இறுதித் தீர்ப்பை அரசிதழில் வெளியிடுகிறோம்' என, சுப்ரீம் கோர்ட்டில் உறுதியளித்தும், காலம் தாழ்த்துவது மற்றும் தமிழகத்தின் கோரிக்கைகளை தொடர்ந்து புறக்கணித்து வருவது போன்றவற்றை, தேசிய வளர்ச்சி குழும கூட்டத்தில், நான் பேசியதால், ஆத்திரமடைந்து என்னை பேச விடாமல் செய்துள்ளனர்- நிருபர்களுக்கு முதல்வர் அளித்த பேட்டியில் கூறியது.தமிழ் நாட்டை பொருத்தவரை இது தானே இன்றுள்ள முக்கியமான விஷயம் . பின் ஏன் நாம் எல்லோரும் கொதிக்க வேண்டும். மன்மோகன் சிங் எதையும் செய்யமுடியாதவர். ஆனால் ஒன்று பிரதமராக சர்தார்ஜி வரமுடியாது என்று வட இந்தியர்கள் நினைத்துக்கொண்டு இருந்ததை தகர்த்தவர், அதுவும் ஐந்தாண்டு ஆட்சியில் முழுமையாக இருப்பார்போல. இதுதான் சீக்கிய இனத்துக்காக அவர் செய்த சாதனை. முதல்வர் முக்கியமான விஷயங்களை சொல்லி திரியை கொளுத்தி போட்டுவிட்டு வந்துவிட்டார். நாம் யாரும் உணர்ச்சி வசபடாமல் ரிலாக்சாக இருக்கவேண்டிய நேரமிது.
Rate this:
11 members
0 members
18 members
Share this comment
Cancel
- Chennai,இந்தியா
28-டிச-201215:29:44 IST Report Abuse
 It is unfortunate that Central Government repeatedly ditching Tamil Nadu and does not give the respect to the TN state and its chief minister. Congress MPs from Tamil Nadu and also the Central Ministers from Tamil Nadu despite getting their votes from the people of Tamil Nadu, repeatedly betray the people here. People of Tamilnadu should spit on the faces of these "Dhrohis" when they beg for votes in the next parliament elections and teach them a good lesson. I request the Chief Minister to go on a hunger strike/fast against the injustice caused by the Central Government in Cauvery Water Dispute, Providing relief for power, allocation of output of Koodangulam thermal plant, allocation of funds for the state, providing license to the State's Cable corporation, passing of 12th Plan without hearing from TN, etc. "Dhrohis" should be suitably punished
Rate this:
4 members
1 members
11 members
Share this comment
Cancel
saravanan.p - erode,இந்தியா
28-டிச-201214:52:57 IST Report Abuse
saravanan.p எதற்கு எடுத்தாலும் centre goverment டை குறை சொலிட்டு இருந்த போதுமா தமிழ்நாட்டுல இருக்கறதா வச்சு என்ன பன்ட்டலாமுனு யோசிக்கணும் இல்லின 5 வருஷம் முடிசுரும்.
Rate this:
17 members
3 members
39 members
Share this comment
Cancel
ராம.ராசு - கரூர்,இந்தியா
28-டிச-201214:50:46 IST Report Abuse
ராம.ராசு "அதிகம் பேர் பேச வேண்டியிருப்பதால், கூட்டத்தில் 10 நிமிடங்களில் முடிக்கும் வகையிலான உரையை முன் கூட்டியே தயாரித்து அனுப்பினால் நன்றாக இருக்கும். கூட்டத்தில் பேசும் அனைவரும் 10 நிமிடங்களில் பேசி, கூட்டத்தை சுமுகமாக நடத்த ஒத்துழைப்பு அளிக்கும்படி கேட்டுக்கொள்கிறோம்" என்பதாக திட்டக் கமிஷன் செயலாளர் சிந்துஷ்ஸ்ரீ குல்லார் அனைத்து மாநில தலைமைச் செயலாளர்களுக்கும் கடிதம் அனுப்பியுள்ளார் என்பது பத்திரிகை செய்தி. குறிப்பிட்ட நேரத்திற்குள் பேசிவிட்டு மிதமுள்ளவைகளை பதிவேட்டில் பதிவு செய்வது நடைமுறை உள்ளது என்பதும் செய்தி. ஆக நமது முதல்வர் மத்திய அரசுடன் இணக்கமாக செயல்பட்டு காரியத்தை சாதித்துக் கொள்வதை விட, மற்றவர்களைக் காட்டிலும் வித்தியாசமாக் செய்து அதன்மூலம் தன்னை தனிமையாகக் காட்டிக்கொள்கிறார் என்பதாகத்தான் தெரிகிறது. சட்டசபையில் கூட ஒவ்வொரு உறுப்பினருக்கும் குறிப்பிட்ட நேரத்தில், குறிப்பிட்ட கால அவகாசத்தில் பேசவேண்டும் என்ற நடைமுறை உள்ளதாகத்தான் தெரிகிறது. அப்படி இருக்க, அனைத்து மாநில முதல்வர்கள் கூட்டத்தில் இது போன்ற நடைமுறை இருப்பதில் தவறில்லை. இதனால் மத்திய அரசுக்கும், மாநில அரசுக்கும் பாதிப்பு இல்லை. அரசியல் சதுரங்கத்தில், பாதிக்கப்படுவது மக்கள் நலத்திட்டங்களும், மக்களுமே .
Rate this:
18 members
3 members
50 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.