Stone embedded iat temple | "தினமலர்' செய்தி எதிரொலி : சந்திரன் ஸ்தலத்தில் கருங்கற்கள் பதிக்க முடிவு| Dinamalar

பொது செய்தி

தமிழ்நாடு

"தினமலர்' செய்தி எதிரொலி : சந்திரன் ஸ்தலத்தில் கருங்கற்கள் பதிக்க முடிவு

Added : டிச 28, 2012
Advertisement
 
 
Advertisement
 
 
Advertisement

சென்னை: திங்களூர் கைலாசநாதர் கோவில், வெளிப்பிரகாரத்தில் பதிக்கப்பட்ட கடப்பா கற்களை அகற்றி, கருங்கற்கள் பதிக்க, இந்து சமய அறநிலையத்துறை முடிவு செய்துள்ளது. தஞ்சாவூர் மாவட்டம், திருவையாறு அருகே உள்ள, திங்களூர் கைலாசநாதர் கோவில் புகழ்பெற்றது. தோஷங்கள் தீர்க்கும் நவகிரக கோவில்களில் இதுவும் ஒன்று. இந்த கோவில், சந்திரன் ஸ்தலம் என, அழைக்கப்படுகிறது. இங்கு, பவுர்ணமியில், பல லட்சம் பக்தர்கள் வந்து செல்வர். இந்த கோவில் வெளிப் பிரகாரத்தைச் சுற்றி, கடப்பா கற்கள் பதிக்கப்பட்டன. இதனால், தோஷம் தீர்க்க வரும் பக்தர்கள், கடப்பா கல்லின், சூடு தாங்காமல் தவித்து வந்தனர். கோவில் பிரகாரங்களில், நவீன கற்கள் பதிப்பது ஆகம விதிகளுக்கு எதிராகும்.
இது குறித்து, "தினமலர்' நாழிதளில் செய்தி வெளியானது. இதைத் தொடர்ந்து, அங்கு பதிக்கப்பட்ட கடப்பா கற்களை அகற்றி, கருங்கற்களை அமைக்க, இந்து சமய அறநிலையத்துறை முடிவு செய்துள்ளது. இந்து சமய அறநிலையத்துறை உயர் அதிகாரி ஒருவர் கூறுகையில், "கடப்பா கற்களை அகற்றும் பணி, இன்னும் இரண்டு மாதத்திற்குள் துவங்கும். அவற்றை அகற்றிய உடனே, கருங்கற்கள் பதிக்கப்படும்' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை