Deposit shocking news | நிதி நிறுவனங்கள் 12.5 சதவீதத்திற்கு மேல் வட்டி தருகிறதா : பொது மக்களின் "டெபாசிட்' போச்சு| Dinamalar

சம்பவம் செய்தி

தமிழ்நாடு

நிதி நிறுவனங்கள் 12.5 சதவீதத்திற்கு மேல் வட்டி தருகிறதா : பொது மக்களின் "டெபாசிட்' போச்சு

Added : டிச 28, 2012
Advertisement
 
 
Advertisement
 
 
 
Advertisement

மதுரை: வங்கி சாரா நிதி நிறுவனங்கள், பொதுமக்களின் "டெபாசிட்'களுக்கு, 12.5 சதவீதத்திற்கு மேல் வட்டி தந்தால், "டெபாசிட்' பணத்தை இழக்க நேரிடும் அபாயம் உள்ளது. பத்தாண்டுகளுக்கு முன், நாடு முழுவதும் நிதி நிறுவனங்கள் மழைக் காளான்கள் போல முளைத்திருந்தன. பொதுமக்களிடம் "டெபாசிட்' பெறுவது, அதற்கு பரிசு வழங்குவது, கூடுதல் வட்டி தருவதென, சத்தமின்றி பொதுமக்களின் பணத்தை கொள்ளையடித்தன. நிதி நிறுவனங்கள், மூட ஆரம்பித்த பின்தான், பொதுமக்கள் சுதாரித்தனர். நிதி நிறுவனங்களை நோக்கி, படையெடுக்க ஆரம்பித்தாலும், "டெபாசிட்' செய்த அனைவருக்குமே, இதுவரை பணம் கிடைக்கவில்லை. போலீசிலும் புகார் செய்யப்பட்டது.

மதுரை எஸ்.பி., பாலகிருஷ்ணன் கூறியதாவது: ரிசர்வ் வங்கியின் கீழ் பதிவு செய்யப்பட்டிருந்தாலும், ரிசர்வ் வங்கி நிறைய வழிகாட்டுதல்களை அறிவித்துள்ளது. அனைத்து வங்கி சாரா நிதி நிறுவனங்களும், ரிசர்வ் வங்கியின் கீழ் பதிவு செய்திருக்க வேண்டும். பதிவு பெற்ற நிறுவனங்களின் பெயர், முகவரி, போன் எண், ரிசர்வ் வங்கி இணையதளத்தில்(ணூஞடி.ணிணூஞ்.டிண) இடம்பெற்றிருக்கும். அனைத்து நிறுவனங்களுமே பொதுமக்களிடம் "டெபாசிட்' வசூலிக்க முடியாது. நிறுவனங்களின் நிதி நிலைமை, கையிருப்பைப் பொறுத்தே, "டெபாசிட்' பெறும் அதிகாரம் கொடுக்கப்பட்டிருக்கும். பொதுமக்களிடம் வாங்கும் "டெபாசிட்'களுக்கு, ஆண்டுக்கு 12.5 சதவீத வட்டிக்கு மேல்
வழங்கக்கூடாது. அதற்கு மேல் வட்டி கிடைக்கிறது என்றால், உங்கள் பணத்தை இழக்க நேரிடலாம். ஐந்தாண்டுகளுக்கு மேல் பணத்தை "டெபாசிட்' செய்யமுடியாது. பரிசுத்தொகை கொடுப்பதும் தவறு. ரசீது உடனடியாக பெறவேண்டும்.
பரிசு சீட்டு மற்றும் பணசுழற்சி திட்டம் தடைச்சட்டம் 1978ன் கீழ், பணச்சுழற்சி தடைசெய்யப்பட்டுள்ளது. கிராம, நகர்ப்புறங்களில் சீட்டுப் பிடித்தல், பணத்திற்கு பதிலாக பொருட்கள் தருதல் உட்பட பல்வேறு வகைகளில், பொதுமக்களிடம் இருந்து "டெபாசிட்' பெறப்படுகின்றன. இவற்றில் பணத்தை இழக்கக்கூடாது. அப்படி யாராவது ஏமாற்றியிருந்தால், உடனடியாக ஸ்டேஷனில் புகார் செய்யலாம், என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை