Case filed against 2 in cardamom theft | ராஜஸ்தான் சென்ற ஏலக்காய் மூடைகள் திருட்டு : நூதன மோசடியில் இருவர் மீது வழக்கு | Dinamalar

சம்பவம் செய்தி

தமிழ்நாடு

ராஜஸ்தான் சென்ற ஏலக்காய் மூடைகள் திருட்டு : நூதன மோசடியில் இருவர் மீது வழக்கு

Added : டிச 28, 2012
Advertisement
 
 
Advertisement
 
 
Advertisement

தேனி: ரயிலில் ராஜஸ்தானுக்கு அனுப்பி வைக்கப்பட்ட ஏலக்காய் மூடைகளை, இடையில் இறக்கி 11 லட்சத்து 40 ஆயிரம் ரூபாய் மோசடிசெய்த,இருவர் மீது குற்றப்பிரிவு போலீசார் வழக்கு பதிவு செய்துள்ளனர்.
தேனி மாவட்டம், தேவாரம் ரெங்கா ஸ்பைசஸ் நிறுவனம் வட மாநிலங்களுக்கு ஏலக்காய் மூடைகளை அனுப்பி வர்த்தகம் நடத்தி வருகிறது. இந்நிறுவனம் 11 லட்சத்து 40 ஆயிரம் ரூபாய் மதிப்புள்ள ஏலக்காய்களை 25 சாக்குகளில் கட்டி, ராஜஸ்தான் மாநிலம் ஜெய்ப்பூரில் உள்ள குப்தா டிரேடர்ஸ்க்கு அனுப்பி வைத்தது. தேவாரத்தில் இருந்து சென்னை வரை கூரியரில் சென்ற ஏலக்காய் மூடைகள், சென்னையில் இருந்து ஜெய்ப்பூருக்கு ரயில் மூலம் கொண்டு செல்லப்பட்டது. இந்த மூடைகளை இறக்க வேண்டிய நபருக்கு, ரகசிய குறியீட்டு எண்கள் வழங்கப்பட்டன. இந்த எண்களை ரயில்வே ஸ்டேஷனில் பதிவு செய்து, சரக்குகளை இறக்கி கொள்ள அனுமதி வழங்கப்பட்டிருந்தது. ஜெய்ப்பூர் சென்று சேர்வதற்கு சற்று முன்னரே, மர்ம நபர்கள் ரகசிய குறியீட்டு எண்களை கூறி, ரயிலில் இருந்து ஏலக்காய் மூடைகளை எடுத்துச் சென்று விட்டனர். ஜெய்ப்பூருக்கு சேர வேண்டிய இடத்திற்கு ஏலக்காய் மூடைகள் சென்று சேரவில்லை. இது பற்றி தெரியவந்ததும் ஸ்பைசஸ் நிறுவன மேலாளர் பாலசரவணன், தேனி மாவட்ட குற்றப்பிரிவு போலீசில் புகார் செய்தார். போலீசார் குறியீட்டு எண்ணை மர்ம நபர்களுக்கு தெரிவித்தாக, ஏலக்காய் அனுப்பிய ஏஜன்ட் பழனிவேல் மீதும், கூரியர் நிறுவன ஊழியர் செந்தில் மீதும் வழக்கு பதிவு செய்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை