Accident kills 5 near vellore | டிரைவர்கள் தூங்கியதால் விபரீதம் : வேலூர் அருகே ஆம்னி பஸ் - கார் மோதி 5 பேர் பலி| Dinamalar

சம்பவம் செய்தி

தமிழ்நாடு

டிரைவர்கள் தூங்கியதால் விபரீதம் : வேலூர் அருகே ஆம்னி பஸ் - கார் மோதி 5 பேர் பலி

Added : டிச 28, 2012
Advertisement
 
 
Advertisement
 
 
 
Advertisement

வேலூர்: வேலூர் அருகே, ஆம்னி பஸ் - கார் நேருக்கு நேர் மோதியதில், ஐந்து பேர் பலியாயினர். டிரைவர்கள் இரண்டு பேரும் தூங்கியதால், விபத்து நடந்ததாக தெரிந்தது.

சொகுசு பஸ் : திருப்பூர் மாவட்டம், இடுவம்பாளையத்தைச் சேர்ந்தவர் முருகேசன். இவரது மனைவி மகாலட்சுமி, உறவினர்கள் மகேஷ், ராஜேஸ்வரி ஆகியோருடன் சிகிச்சைக்காக, வேலூர், சி.எம்.சி., மருத்துவமனைக்கு நேற்று முன்தினம் இரவு, 10:00 மணிக்கு, "டயோட்டா - இத்தியாஸ்' காரில் புறப்பட்டனர்; காரை, பல்லடத்தைச் சேர்ந்த டிரைவர் சுரேஷ் ஓட்டினார்.
சென்னையில் இருந்து, பெங்களூரு நோக்கி, "சர்மா' நிறுவனத்தை சேர்ந்த சொகுசு, "ஏசி' ஆம்னி பஸ் ஒன்று வந்து கொண்டிருந்தது. பஸ்சை, பெங்களூரைச் சேர்ந்த இஸ்மாயில், 34, ஓட்டி வந்தார்.
வேலூர் மாவட்டம், நாட்றம்பள்ளி, பங்களா மேடு அருகே, நேற்று அதிகாலை, 4:30 மணிக்கு காரும், ஆம்னி பஸ்சும் நேருக்கு நேர் மோதியது; கார் அப்பளம் போல் நொறுங்கியது. இதில், காரில் இருந்த முருகேசன், 50, மகாலட்சுமி, 40, மகேஷ், 30, ராஜேஸ்வரி, 25, ஆகியோர் பரிதாபமாக இறந்தனர்.

டிரைவர் கைது : படுகாயங்களுடன் உயி ருக்கு போராடிக் கொண்டிருந்த கார் டிரைவர் சுரேஷை, அப்பகுதியில் உள்ள மக்கள் மீட்டு, வாணியம்பாடி அரசு மருத் துவமனைக்கு செல்லும் வழியில், இறந்தார். கார் டிரைவரும், ஆம்னி பஸ் டிரைவரும் தூங்கி விட்டதால், விபத்து நடந்ததாக போலீசார் நடத்திய விசாரணையில் தெரிந்தது. நாட்றம்பள்ளி போலீசார் விசாரித்து, சர்மா பஸ் டிரைவர் இஸ்மாயிலை கைது செய்தனர். விபத்து நடந்த சர்மா பஸ்சில் இருந்த, 30க்கும் மேற்பட்ட பயணிறகளை பஸ் நிர்வாகத்தினர் கண்டு கொள்ளவில்லை. அதனால், அவர்கள் கொண்டு வந்த லக்கேஜுகளுடன் நாட்றம்பள்ளி மற்றும் பர்கூருக்கு நடந்து சென்று, மாற்று பஸ் பிடித்து பெங்களூரு சென்றனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை