HC postpones OPS brother case | ஓ.பி.எஸ்.,சகோதரர் தற்கொலைக்கு தூண்டியதாக வழக்கு : சி.பி.ஐ., விசாரணை கோரிய மனு: ஐகோர்ட் ஒத்திவைப்பு| Dinamalar

சம்பவம் செய்தி

தமிழ்நாடு

ஓ.பி.எஸ்.,சகோதரர் தற்கொலைக்கு தூண்டியதாக வழக்கு : சி.பி.ஐ., விசாரணை கோரிய மனு: ஐகோர்ட் ஒத்திவைப்பு

Added : டிச 28, 2012
Advertisement
 
 
Advertisement
 
 
Advertisement

மதுரை: தமிழக அமைச்சர் ஓ.பன்னீர்செல்வத்தின் சகோதரர் ஓ.ராஜா, டி.கள்ளிப்பட்டி நாகமுத்துவை தற்கொலைக்கு தூண்டியதான வழக்கை, சி.பி.ஐ.,க்கு மாற்றக்கோரிய மனுவை, மதுரை ஐகோர்ட் கிளை ஒத்திவைத்தது. பெரியகுளம், டி.கள்ளிப்பட்டி சுப்புராஜ் தாக்கல் செய்த மனு: என் மகன் நாகமுத்து. இவர், கைலாசநாதர் கோவிலில் பூஜை செய்து வந்தார். கோவிலை விட்டு வெளியேறுமாறு பழனிச்சாமி, வெங்கிடசாமி மிரட்டினர்; சிலர் தாக்கினர். மே 5ல், போலீசில் புகார் செய்தோம். வழக்குப் பதியவில்லை. புகாரை வாபஸ் பெறுமாறு, பெரியகுளம் நகராட்சி தலைவர் ஓ.ராஜா மிரட்டினார். அவர், தமிழக நிதி அமைச்சரின் சகோதரர். புகாரை வாபஸ் பெற, பெரியகுளம் டி.எஸ்.பி., மற்றும் உமா, தென்கரை இன்ஸ்பெக்டர் வலியுறுத்தினர். தமிழக முதல்வரின் தனிப்பிரிவு, தேசிய மனித உரிமைகள் கமிஷனிடம் புகார் செய்தோம். புகாரின் மீது நடவடிக்கை எடுக்க உத்தரவிடக்கோரி, ஏற்கனவே, ஐகோர்ட்டில் மனு தாக்கல் செய்தோம். தென்கரை இன்ஸ்பெக்டர் விசாரிக்க, கோர்ட் உத்தரவிட்டது. நாகமுத்து, டிச., 7ல் தூக்கிட்டு தற்கொலை செய்து கொண்டார். அவர், "தற்கொலை செய்து கொள்ள, ஓ.ராஜா தான் காரணம்' என, கடிதம் எழுதி வைத்துள்ளார். இவ்வழக்கை தமிழக போலீசார் விசாரிக்க, தடை விதிக்க வேண்டும்; சி.பி.ஐ., விசாரணைக்கு உத்தரவிட வேண்டும். இவ்வாறு மனுவில் குறிப்பிட்டுள்ளார்.
நீதிபதி, சி.எஸ்.கர்ணன் முன், மனு விசாரணைக்கு வந்தது. விசாரணையை ஜன., 4ம் தேதிக்கு நீதிபதி ஒத்தி வைத்தார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை