DISTRICT NEWS | சாராயம் காய்ச்சிய இருவர் கைது| Dinamalar

சம்பவம் செய்தி

தமிழ்நாடு

சாராயம் காய்ச்சிய இருவர் கைது

Added : டிச 28, 2012
Advertisement
 
 
Advertisement
 
 
Advertisement

திருப்பூர் : திருப்பூர் மாவட்டம், ஊத்துக்குளியில், சாராயம் காய்ச்சிய இருவரை போலீசார் கைது செய்து, 3 லிட்டர் சாராயம், 30 லிட்டர் ஊறல் பறிமுதல் செய்தனர்.
ஊத்துக்குளி, பள்ளகவுண்டன்பாளையம் அருகிலுள்ள, குண்டுமல்ல நாயக்கனூர், வீரம்மன் தோட்டம் பகுதியிலுள்ள முட்காட்டில் சாராயம் காய்ச்சி, விற்பனை செய்யப்படுவதாக தனிப்பிரிவு போலீசாருக்கு தகவல் கிடைத்தது.
ஊத்துக்குளி இன்ஸ்பெக்டர் ஜெயபாலன் தலைமையிலான 20க்கும் மேற்பட்ட போலீசார் சோதனை நடத்தினர். அப்போது, சாராயம் காய்ச்சி, விற்பனை செய்து கொண்டிருந்த, அதே பகுதியை சேர்ந்த ரங்கசாமி மகன் சின்னசாமி, 36; சென்னிமலை நாயக்கன் மகன் தங்கராஜ், 41 ஆகியோரை பிடித்தனர்.
அவர்களிடம் இருந்து, காய்ச்சி வடி கட்டி விற்பனைக்கு தயாராக இருந்த மூன்று லிட்டர் சாராயம், சாராயம் காய்ச்சுவதற்காக இரண்டு பானைகளில் ஊறல் போடப்பட்டு, மண்ணில் புதைத்து வைக்கப்பட்டிருந்த 30 லிட்டர் சாராய ஊறல் மற்றும் தயாரிக்க பயன்படும் மூலப்பொருட்கள்; மூன்று பானைகளை பறிமுதல் செய்தனர். சாராயம் காய்ச்ச, பயன்படுத்திய அடுப்பை உடைத்து எறிந்தனர்.
சாராயம் காய்ச்சியவர்கள் மீது, ஆபத்தை விளை
விக்கும் விஷ சாராயம் காய்ச்சியதாக, வழக்குப்பதிவு செய்து, சிறையில் அடைத்தனர். ஊத்துக்குளியில் சாராயம் காய்ச்சி விற்ற சம்பவம், போலீசார் மத்தியில் அதிர்ச்சியை ஏற்படுத்தியுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை