district news | மூதாட்டி கொலையான வழக்கு :வாலிபருக்கு 10 ஆண்டு சிறை| Dinamalar

கோர்ட் செய்தி

தமிழ்நாடு

மூதாட்டி கொலையான வழக்கு :வாலிபருக்கு 10 ஆண்டு சிறை

Added : டிச 28, 2012
Advertisement
 
 
Advertisement
 
 
 
Advertisement

புதுக்கோட்டை: மூதாட்டியை கட்டையால் தாக்கி, அவர் அணிந்திருந்த, 5 பவுன் நகைகளை பறித்துச் சென்ற வழக்கில் தொடர்புடைய வாலிபருக்கு, 10 ஆண்டுகள் சிறைத் தண்டனை விதித்து நீதிமன்றம் தீர்ப்பளித்துள்ளது.புதுக்கோட்டை மாவட்டம், திருமயம் அடுத்த நச்சாந்துப்பட்டி வாஞ்சிநாதன் குடியிருப்பைச் சேர்ந்தவர் மீனாள் ஆச்சி, 80. கணவர் இறந்துவிட்ட நிலையில், இவர் மட்டும் வீட்டில் தனியாக இருந்துள்ளார். கடந்த, 2011ம் ஆண்டு மார்ச் மாதம், 23ம் தேதி, இவரது வீட்டுக்குள் புகுந்த, அதே பகுதியைச் சேர்ந்த பாலகிருஷ்ணன் மகன் சசிகுமார், 27, திடீரென்று ரீப்பர் கட்டையால், மீனாள் ஆச்சியின் தலையில் ஓங்கி அடித்துள்ளார்.பலத்த காயமடைந்த அவர் சம்பவ இடத்திலேயே மயங்கி விழுந்துள்ளார். இதையடுத்து அவர் அணிந்திருந்த, 3 பவுன் மாலை, இரண்டு பவுன் காப்பு ஆகியவற்றை பறித்துவிட்டு சசிகுமார் தப்பிச் சென்றார். தலையில் பலத்த காயத்துடன் மயங்கிகிடந்த மீனாள் ஆச்சியை, உறவினர்கள் மீட்டு அருகில் உள்ள மருத்துவமனைக்கு கொண்டு செல்லும் வழியில், அவர் இறந்தார்.இதுகுறித்து வழக்குப்பதிவு செய்த திருமயம் போலீஸார், சசிகுமாரை கைது செய்து சிறையில் அடைத்தனர். இவர் மீதான வழக்கு, புதுக்கோட்டை மகளிர் நீதிமன்றத்தில் நடந்தது. வழக்கை விசாரித்த நீதிபதி சாம்பசிவம், குற்றஞ்சாட்டப்பட்ட சசிகுமாருக்கு, 10 ஆண்டுகள் சிறைத்தண்டனையும், 10 ஆயிரம் ரூபாய் அபராதமும் விதித்து நேற்று தீர்ப்பளித்தார். அபராதத் தொகையை கட்டத் தவறினால், மேலும் இரண்டு ஆண்டுகள் சிறைத் தண்டனை அனுபவிக்க வேண்டும் என்றும் உத்தரவிடப்பட்டது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை