Tamil won't dead | ஐரோப்பா இருக்கும் வரை தமிழ்மொழி சாகாது: தமிழறிஞர் இங்கிலாந்து சிவப்பிள்ளை பேச்சு| Dinamalar

பொது செய்தி

தமிழ்நாடு

ஐரோப்பா இருக்கும் வரை தமிழ்மொழி சாகாது: தமிழறிஞர் இங்கிலாந்து சிவப்பிள்ளை பேச்சு

Updated : டிச 29, 2012 | Added : டிச 28, 2012 | கருத்துகள் (32)
Advertisement
ஐரோப்பா இருக்கும் வரை தமிழ்மொழி சாகாது: தமிழறிஞர் இங்கிலாந்து சிவப்பிள்ளை பேச்சு

சிதம்பரம்:சிதம்பரம் அண்ணாமலைப் பல்கலைக்கழகத்தில் நேற்று துவங்கிய 11வது உலக தமிழ் இணைய மாநாட்டை துணைவேந்தர் ராமநாதன் துவக்கி வைத்தார்.கணினி, இணையம் ஆகியவற்றில் தமிழின் பயன்பாடுகள், உலகில் தமிழும், தொழில் நுட்பமும் பல நாடுகளில் செய்துவரும் ஆராய்ச்சிகள் பயன்முறைகள் பலவற்றை உலக தமிழறிஞர்கள் கலந்தாய்வு செய்யவும், தமிழர்களிடையே பரப்பவும் 11வது உலக தமிழ் இணைய மாநாடு சிதம்பரம் அண்ணாமலைப் பல்கலைக் கழக குமாராஜா முத்தையா அரங்கில் நேற்று துவங்கி வரும் 30ம் தேதி வரை நடக்கிறது.

மாநாட்டை துணைவேந்தர் ராமநாதன் தலைமை தாங்கி துவக்கி வைத்தார். மொழியியல் உயராய்வு மைய புல முதல்வர் கணேசன் வரவேற்றார். உத்தமம் அமைப்பின் தலைவர் மணிவண்ணன் தலைமை உரையாற்றினார்.இங்கிலாந்து சிவப்பிள்ளை, சிங்கப்பூர் மணியம், மலேஷியா இளந்தமிழ், இலங்கை சிவ அனுராஜ், ஆஸ்திரேலியா முகுந்த் ராமமூர்த்தி, இந்தியா ராமமூர்த்தி வாழ்த்திப் பேசினர்.

உலக நாடுகளில் இருந்த 100க்கும் மேற்பட்ட தமிழ் அறிஞர்கள், ஆராய்ச்சியாளர்கள் வருகை தந்துள்ளனர். கருத்தரங்கம், கண்காட்சி, மக்கள் கூடம் என மூன்று முனைகளில் மாநாடு நடக்கிறது. கண்காட்சி காலை 10 மணி முதல் இரவு 8 மணி வரை நடக்கிறது. பொதுமக்கள் ஆர்வமுடன் வந்து பார்த்து பொருட்களை வாங்கிச் செல்கின்றனர்.மாநாடு ஏற்பாடுகளை உத்தமம் அமைப்பின் தலைவர் மணிவண்ணன், கணித்தமிழ் சங்க தலைவர் வள்ளி ஆனந்தன் செய்துள்ளனர்.

தமிழறிஞர் இங்கிலாந்து சிவப்பிள்ளை பேச்சு: ஐரோப்பா இருக்கும் வரை தமிழ்மொழி சாகாது'' என இங்கிலாந்து சிவபிள்ளை பேசினார். சிதம்பரம் அண்ணாமலைப்பல்கலைக் கழகத்தில் நேற்று துவங்கிய உலகத்தமிழ் இணைய மாநாட்டில் பல்வேறு நாடுகளைச் சேர்ந்த தமிழறிஞர்கள் கருத்துரை வழங்கினர்.

இங்கிலாந்து நாட்டைச் சேர்ந்த சிவப்பிள்ளை பேசுகையில்,"ஐரோப்பா இருக்கும் வரை தமிழ் சாகாது. இணையதளத்தில் ஐரோப்பியா, அமெரிக்கா நாடுகளில் தமிழ் இரண்டாவது இடத்தில் உள்ளது. இங்கிலாந்தில் 326 மொழி பேசப்படுகிறது. அவற்றில் தமிழ்மொழியும் ஒன்று. அதே போன்று பயிற்சி மொழிகளில் தமிழ் மொழியும் ஒன்றாக உள்ளது' என்றார்.

மலேசியாவைச் சேர்ந்த இளந்தமிழ் பேசுகையில்," மலேசியாவில் 523 தமிழ் பள்ளிகள் உள்ளன. இதில் ஒரு லட்சத்து 3 ஆயிரம் மாணவர்கள் படிக்கின்றனர். அரசு சார்பில் நிதி உதவி அளிக்கும் 60 தமிழ் பள்ளிகளில் 20 ஆயிரம் பேர் தமிழ் தொழில்நுட்பம் படிக்கின்றனர். மலேசியாவில் மலையா, சீனம் பேசுகிறவர்கள் யாரும் அந்த மொழி சோறு போடுமா என கேட்பது இல்லை. ஆனால் அடிப்படையில் தமிழ் உணர்வு இல்லாதவர்கள், "தமிழ்' சோறு போடுமா என கேட்கின்றனர். பேசுவதற்கும், கருத்துரை நடத்துவதற்கும் தமிழ் தொழில் நுட்பம் தேவைப்படுகிறது' என்றார்.

இலங்கை சிவ அனுராஜ் பேசுகையில்,"உலகத்தில் தமிழர்கள் அதிகம் வாழும் பகுதி தமிழ்நாட்டிற்கு அடுத்தது இலங்கை தான். உலகத்தமிழ் இணைய மாநாடு இன்னும் இலங்கையில் நடத்தப்படவில்லை. 2004, 2005ம் ஆண்டு உலக தமிழ் இணைய மாநாடு நடத்த முயற்சி எடுக்கப்பட்டது. அப்போது அமைச்சர் இறந்ததால் அந்த முயற்சி கைவிடப்பட்டது. தமிழிலே தொழில்நுட்பம் பெற வேண்டும் என தமிழ் ஈழ மக்கள் ஆர்வமாக உள்ளனர்' என்றார்.

இந்தியாவைச் சேர்ந்த ராமமூர்த்தி பேசுகையில்,"பத்து நாடுகளில் உலகத்தமிழ் இணைய மாநாடு நடத்தப்பட்டுள்ளது. அதில் ஏழு மாநாடு வெளிநாடுகளிலும், தமிழ்நாட்டில் மூன்று மாநாடுகள் அரசு உதவியுடன் நடந்துள்ளது. அரசிற்கு இணையாக அண்ணாமலைப் பல்கலைக் கழகம் உதவியுடன் இன்று சிதம்பரத்தில் உலகத்தமிழ் இணைய மாநாடு நடத்தப்படுவது பெருமையாக உள்ளது. மொழியியல் கணினி என்பது ஊடகம். அதை உள்ளடக்கமாக பார்க்கலாம். கணினி வழியாக தமிழ் தொழில்நுட்பம் உள்ளடக்கம் வளர்ந்தால் தமிழ் வளரும்' என்றார்.

உலகத் தமிழ் இணைய மாநாட்டில் 142 கட்டுரைகள் சமர்ப்பிப்பு: மாநாட்டில், வெளிநாட்டை சேர்ந்த 100க்கும் மேற்பட்ட கணினித்தமிழ் ஆய்வாளர்கள், தமிழ் அறிஞர்கள், தமிழ் ஆர்வலர்கள் கருத்துரை வழங்கினர்.பிற்பகல் மாநாட்டில் பல்வேறு நாடுகளைச் சேர்ந்த தமிழ் ஆய்வாளர்கள் 142 கட்டுரைகளை சமர்ப்பித்தனர். இதில் தொழில்நுட்பம் தொடர்பாக 48 கட்டுரைகளும், கல்வி தொடர்பாக 24 கட்டுரைகளும், பொதுவான தமிழ் கணினி சார்ந்த கட்டுரைகள் 70ம் அடங்கும்.


இன்று நிறைவு விழா:

உலகத் தமிழ் மாநாட்டின் 2ம் நாளான இன்று காலை தமிழ் ஆய்வாளர்கள் பேசுகின்றனர். பிற்பகல் நிறைவு விழா நடக்கிறது. அண்ணாமலை பல்கலைக்கழக பதிவாளர் மீனாட்சிசுந்தரம் தலைமையுரையாற்றுகிறார். மொழியில் உயராய்வு மைய புல முதல்வர் கணேசன் முன்னிலை வகிக்கிறார். அண்ணாமலை பல்கலைக்கழக தமிழியல்துறை பேராசிரியர் அரங்க.பாரி வரவேற்கிறார்.சென்னை தமிழ் வளர்ச்சித்துறை இயக்குனர் சேகர், உலகத் தமிழ் சங்க தனி அலுவலர் பசும்பொன், கணித்தமிழ் சங்க தலைவர் வள்ளி ஆனந்தன், மைசூர் இந்திய மொழிகளின் நடுவண் நிறுவனம் முன்னாள் தேர்வுக் கட்டுப்பாட்டு அதிகாரி நடராஜ பிள்ளை ஆகியோர் வாழ்த்துரை வழங்குகின்றனர்.எஸ்.ஆர்.எம்., பல்கலைக்கழக துணைவேந்தர் பொன்னவைக்கோ நிறைவுரையாற்றுகிறார்.

Advertisement

இதையும் தவறாமல் படிங்க ...



Advertisement

வாசகர் கருத்து (32)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
GOWSALYA - DENHEDLER,நெதர்லாந்து
04-ஜன-201302:06:00 IST Report Abuse
GOWSALYA CRV ,கணேஷ் உங்க கருத்தை மறுக்கிறேன்.ஏனெனில் ஐரோப்பாவில் வாழும் பிள்ளைகள்,பரதம்,சங்கீதம்,திருக்குறளைக் கூட அவர்கள் நாட்டு மொழியில் எழுதித் தான் படிக்கிறார்கள்.படிப்பிக்கும் ஆசிரியர்கள் தங்களுக்கு கிடைக்கும் சம்பளத்தைத் தான் பார்க்கிறார்களே தவிர அதைத் திருத்தும் வழியில் இல்லை....குருவே பிழை விடும்போது மாணவர்களை என்ன செய்வது ????...பின் எப்படித் தமிழ் வாழும் ?....உதாரணமா...சோமாலியர்கள்,அரபியர்கள் { இஸ்லாமியர்கள் } தங்கள் பிள்ளைகளுடன் வீட்டில் பேசுவது அவர்கள் தாய்மொழியில்,பள்ளிவாசல் ஏற்பாடுசெய்து,குரான்,அரபு மொழி படிப்பிக்கிறார்கள்.ஆனால், தமிழர்கள்,?????...என்பிள்ளை தமிழைப் படித்து என்ன செயப்போகிறது என்கிறார்கள்?இதை என்ன சொல்வது ஐயா????..........ஆசிரியர் ஐயா வணக்கம்.தயை செய்து இந்தக் கருத்தையும்,அந்தரங்கத்துக்கு இன்று எழுதிய கருத்தையும் பிரசுரிக்கவும்.மிக்க நன்றிகள்.
Rate this:
Share this comment
Cancel
Balagurunathan Sattanathan - Chennai,இந்தியா
03-ஜன-201304:04:41 IST Report Abuse
Balagurunathan Sattanathan அனைவருக்கும் வணக்கம்
Rate this:
Share this comment
Cancel
Balaji Krishnamoorthy - san hosay,யூ.எஸ்.ஏ
02-ஜன-201317:03:21 IST Report Abuse
Balaji Krishnamoorthy இந்த மாநாட்டு மேடையில் உள்ள பெரிய மனிதர்களின் உடைகளைப் பார்த்தாலே ஓரளவு ஊகிக்க முடிகிறது... தமிழ் சாகுமா சாகாதா என்பது... பெரிய பெரிய பேராசிரியர்கள் எழுதி, சரி பார்த்து வெளியிட்ட 'கலிபோர்னியா தமிழ்க் கழக' மழலையர் பாடப் புத்தகத்தில் உள்ள சந்திப் பிழைகளையும், மற்ற எழுத்துப் பிழைகளையும் பார்த்தால் ஒருவாறு தெரிகிறது... தமிழ் வாழுமா வாழாதா என்று... "நானும் என் மனைவியும் சிந்திப்பதே ஆங்கிலத்தில் தான்" என்று தமிழ் நண்பர்கள் சொல்லக் கேட்கும்போது தெளிவாகத் தெரிகிறது தமிழின் எதிர்காலம். தமிழர்கள் தங்கள் வாழ்விலிருந்து தூக்கியெறிந்தபின், ஐரோப்பாவிலும் அமெரிக்காவிலும், கூலிக்காரர்களின் மொழியாகத் தன் கடைசி நாட்களைக் கழிக்கவேண்டும் என்பதுதான் தமிழ்த் தாயின் தலிவிதியோ?
Rate this:
Share this comment
Cancel
R.Saminathan - mumbai,இந்தியா
31-டிச-201211:32:37 IST Report Abuse
R.Saminathan சிதம்பரம் அண்ணாமலைப் பல்கலைக்கழகத்தில் கூடிய அனைவருக்கும்,,,எனது மன மார்ந்த நன்றிகள்,,. தமிழ் மொழி உலகம் முழுவதும் வாழும்,,
Rate this:
Share this comment
Cancel
K.Sugavanam - salem,இந்தியா
29-டிச-201217:49:42 IST Report Abuse
K.Sugavanam நம்ம ஊரு தமிழ் குடி தாங்கி,மற்றும் ஐந்து தமிழ் காவலர் பற்றி கூறாது விட்டது ஏனுங்கோ?அப்புறம் வசை மாறி பொழிய போகிறார்கள்.
Rate this:
Share this comment
Cancel
Govind - Delhi,இந்தியா
29-டிச-201216:17:11 IST Report Abuse
Govind தமிழை வளர்க்க வேண்டும் என்று நாம் நினைக்கும் அதே வேளையில் எந்த எந்த துறையில் வளர்க்க வேண்டும் என்கிற சரியான வழி காட்டுதல் இல்லாததால் நாம் தடுமாறுகிறோம் என்பது உண்மை. உதரணத்துக்கு WIKIPEDIA போன்ற இணைய தளங்களில் தமிழ் வலை பக்கங்கள் மிகவும் கம்மி. அனைத்து BA BSC BCOM BE மாணவர்கள் குறைந்தது 5 பக்கங்களாவது தமிழில் கட்டுரை எழுதி வெளியிட வேண்டும் என்று கேட்டு கொள்கிறேன். நான் என்னுடைய சார்பாக வரும் 2013 வருடத்தில் 10 பக்கங்கள் எழுத வேண்டும் என்று உறுதி எடுத்துள்ளேன். நீங்கள் மற்ற மொழிகளில் படித்த விஷயங்களை தமிழில் மொழிமாற்றம் செய்து BLOGS என்றழைக்கப்படும் இணைய தளங்களில் வெளியிடுங்கள். மேலும் தமிழக அரசானது காவல் துறை முதல் ரேஷன் கடை வரை எங்கெல்லாம் தமிழ் பயன் படுத்த முடியும் என்பதை ஆராய்ந்து அனைத்து துறைகளிலும் தமிழிலேயே கணினியில் தகவலை பதிவு செய்து கொள்ளுவதை கட்டாயம் ஆக்கி அதை திறம்பட செய்வதற்கு தேவையா மென்பொருள் மற்றும் எனையா வசதிகளை செய்து தரவேண்டும். சும்மா நெஞ்சை நிமிர்த்தி குரலை உயர்த்தி தமிழ் வாழ்க என்றால் மட்டும் தமிழ் வாழ்ந்து விடாது. இதை அனைவரும் உணர வேண்டும்.
Rate this:
Share this comment
Cancel
Govind - Delhi,இந்தியா
29-டிச-201216:09:18 IST Report Abuse
Govind தமிழை வளர்ப்பதாக பேசும் பலரும் தமிழை சரியான திசையில் அழைத்து செல்லவில்லை. இதற்கு முக்கிய காரணம் தமிழ்நாட்டு மக்களுக்கு மொழி மீது உள்ள பற்று கம்மி. ஆங்கிலத்தில் பேசினால் அறிவாளி தமிழில் பேசினால் வெறி பிடித்தவன் என்று நினைக்கும் ஆனவபோக்கு உள்ளது. மற்ற மொழிகளை கண்டிப்பாக கற்றுல்கொள்ள வேண்டும் அதே நேரத்தில் நம் பிள்ளைகளுக்கு தமிழை கற்று தந்து அவர்கள் சரியாக பேசி வருகிறார்களா என்பதையும் பார்க்க வேண்டும்.
Rate this:
Share this comment
Cancel
தமிழ் குடிமகன் - போயஸ்கார்டன் ,இத்தாலி
29-டிச-201215:36:20 IST Report Abuse
தமிழ் குடிமகன் கொடுமைய பாருங்கய்யா தமிழ்நாட்டில் தமிழ் செத்துக்கொண்டிருக்கிறது ,ஐரோப்பாவில் வளர்ந்துகொண்டிருக்கிறது ,இதைதான் அன்று பாரதி சொன்னானோ தமிழ் இனி மெல்ல சாகுமென்று .
Rate this:
Share this comment
Cancel
Asokaraj - Doha,கத்தார்
29-டிச-201215:19:25 IST Report Abuse
Asokaraj இங்கிலாந்தில் 326 மொழி பேசப்படுகிறது. அவற்றில் தமிழ்மொழியும் ஒன்று. அதே போன்று பயிற்சி மொழிகளில் தமிழ் மொழியும் ஒன்றாக உள்ளது' என்றார்.-அப்போ சீக்கிரமா தமிழன் அங்கேயும் தனித் தமிழ் தேசம் கேட்டு போராட்டம் துவங்கி அங்கிருந்தும் தமிழர் எண்ணிக்கையை குறைத்து விடுவானா? நிதானமாக யோசிப்போம். அண்ட போன இடத்தில் கூடாரம் பிடிங்கியது போல இருக்கும்.
Rate this:
Share this comment
Cancel
N.Rajagopalan - Chennai,இந்தியா
29-டிச-201213:24:05 IST Report Abuse
N.Rajagopalan ஆல் OTHER states except TN are teaching the mothertoungue in school compulsorily. When will we do
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை