Debit" card Rs 3 crore scam: CBI on from Andhra Pradesh, case | "டெபிட்' கார்டுகள் மூலம் ரூ.3 கோடி மோசடி:ஆந்திராவை சேர்ந்தவர் மீது சி.பி.ஐ., வழக்கு| Dinamalar

"டெபிட்' கார்டுகள் மூலம் ரூ.3 கோடி மோசடி:ஆந்திராவை சேர்ந்தவர் மீது சி.பி.ஐ., வழக்கு

Added : டிச 29, 2012
Advertisement
 
 
Advertisement
 
 
Advertisement

புதுடில்லி:இந்தியன் ஓவர்சீஸ் வங்கியை ஏமாற்றி, மூன்று கோடி ரூபாய் மோசடி செய்ததாக, ஆந்திராவைச் சேர்ந்தவர் மீது, சி.பி.ஐ., குற்றப் பத்திரிகை தாக்கல் செய்துள்ளது.


சி.பி.ஐ., வெளியிட்டுள்ள அறிக்கை:ஆந்திர மாநிலம், விஜயவாடாவைச் சேர்ந்தவர், தேஜோ பாஸ்கர் யளவர்த்தி. இவர், ஐ.ஓ.பி.,யிடமிருந்து, இரண்டு, "டெபிட்' கார்டுகளை பெற்றார்.
தன் வங்கி கணக்கில், போதிய அளவில் பணம் இல்லாதபோதும், இந்த கார்டுகளை பயன்படுத்தி, 3,000க்கும் மேற்பட்ட பணப் பரிமாற்றங்களை மேற்கொண்டுள்ளார்.இந்த கார்டுகள் மூலம், ஏராளமான ஆடம்பர பொருட்களை வாங்கி குவித்துள்ளார். இந்தியா மற்றும் ஆஸ்திரேலியாவைச் சேர்ந்த, வர்த்தக நிறுவனங்களிடமிருந்து, இந்த பொருட்களை, "டெபிட்' கார்டுகள் மூலம், வாங்கியுள்ளார்.


இதுகுறித்து, சென்னை, ஐ.ஓ.பி., மத்திய அலுவலகம் சார்பில், புகார் செய்யப்பட்டது. விசாரணையில், தேஜோ பாஸ்கர், வேறு சிலருடன் சேர்ந்து, இந்த கூட்டுச் சதியில் ஈடுபட்டது, கண்டுபிடிக்கப்பட்டது.ஒட்டு மொத்தமாக, மூன்று கோடி ரூபாய் அளவுக்கு, அவர் மோசடி செய்துள்ளார். தோஜோ பாஸ்கரின் வீடு மற்றும் அவருக்கு சொந்தமான இடங்களில், சோதனைகள் நடத்தப்பட்டன. இதில், விலை உயர்ந்த, பல ஆடம்பர பொருட்கள் கண்டுபிடிக்கப்பட்டன.இதையடுத்து, அவர் கைது செய்யப்பட்டார். அவருக்கு எதிராக, விஜயவாடா கோர்ட்டில், குற்றப்பத்திரிகை பதிவு செய்யப்பட்டுள்ளது.இவ்வாறு, சி.பி.ஐ., அறிக்கையில் தெரிவிக்கப்பட்டுள்ளது.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை