The two men decided to surrender to the U.S. | விடுதலை புலிகள் இருவரை அமெரிக்காவிடம் ஒப்படைக்க முடிவு| Dinamalar

விடுதலை புலிகள் இருவரை அமெரிக்காவிடம் ஒப்படைக்க முடிவு

Added : டிச 29, 2012
Advertisement
 
 
Advertisement
 
 
Advertisement

நியூயார்க்:ஆயுதங்களை கொள்முதல் செய்ய முயற்சித்ததாக, விடுதலை புலிகள் இருவர், கனடா நாட்டிலிருந்து, அமெரிக்காவிடம் ஒப்படைக்கப்பட உள்ளனர்.இலங்கையில், ராணுவத்துக்கும், விடுதலை புலிகளுக்கும் இடையே, 25 ஆண்டுகளாக மோதல் நிலவி வந்தது. 2009ல், பிரபாகரன் கொல்லப்பட்ட பிறகு, சண்டை முடிவுக்கு வந்தது.பல்வேறு நாடுகளில் தங்கியிருந்த விடுதலை புலிகள், இலங்கைக்கு பண உதவியும், ஆயுத உதவியும் செய்து வந்தனர்.


கடந்த, 2004-2006க்கு, இடைப்பட்ட காலத்தில், விடுதலை புலிகளுக்கு, நீர்மூழ்கி கப்பல் மற்றும் விமானம் தயாரிப்பது தொடர்பான தொழில் நுட்ப உதவிகளை அளித்தது; ஏவுகணை உள்ளிட்ட ஆயுதங்களை கொள்முதல் செய்ய முயற்சித்தது உள்ளிட்ட குற்றங்கள் தொடர்பாக, விடுதலை புலிகள் அமைப்பை சேர்ந்த, பிரதீபன் நடராஜா, 36, சுரேஷ் ஸ்ரீகந்தராஜா, 32, மீது, அமெரிக்க போலீசார் வழக்கு பதிவு செய்தனர்.


கனடாவில் தங்கியிருந்த இவர்களை ஒப்படைக்க, அந்நாட்டு கோர்ட், முதலில் மறுத்து விட்டது. தற்போது இவர்களை, அமெரிக்காவிடம் ஒப்படைக்க, கனடா அரசு ஒப்புக்கொண்டுள்ளது. இருவர் மீதான வழக்கு, புருக்ளின் கோர்ட்டில் நடக்கிறது. இந்த வழக்கில் குற்றம் உறுதி செய்யப்பட்டால், நடராஜாவுக்கு, 25 ஆண்டு, சிறை தண்டனை அல்லது ஆயுள் சிறை வழங்கப்படும். ஸ்ரீகந்தராஜாவுக்கு, 25 ஆண்டு, சிறை தண்டனை அளிக்கப்படலாம்.விடுதலை புலிகளின் முக்கிய தலைவர்களில் ஒருவரான, பொட்டு அம்மனின், தலைமையில் கீழ் இவர்கள் இருவரும் செயல்பட்டுள்ளனர்.


Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை