man get life in moonar | கொலை வழக்கு நடத்த மீண்டும் கொலை வாலிபருக்கு ஆயுள் தண்டனை | Dinamalar

கொலை வழக்கு நடத்த மீண்டும் கொலை வாலிபருக்கு ஆயுள் தண்டனை

Added : டிச 29, 2012
Advertisement
 
 
Advertisement
 
 
Advertisement

மூணாறு: கொலை வழக்கை நடத்துவதற்கு பணம் தேவைப்பட்டதால், நண்பனின் மனைவியை கழுத்து அறுத்து கொன்று, நகைகளை திருடிய வழக்கில், வாலிபருக்கு ஆயுள் தண்டனை விதித்து, தொடுபுழா கோர்ட் உத்தரவிட்டது. மூணாறு அருகே மாங்குளம் 50 ம் மைல் பகுதியைச் சேர்ந்தவர் ரஷீத், 25. கடந்த 2006 டிச., 16 ல்,சீட்டு விளையாட்டின் போது ஏற்பட்ட தகராறில், பினோ என்பவரை, கத்தியால் குத்தி கொலை செய்தார். ஜாமினில் வந்த ரஷீத்துக்கு, வழக்கை நடத்த பணம் தேவைப்பட்டது. தனது நண்பரான சுரேஷின் மனைவி ஜிலுவிடம், 32, பணம் கேட்டார். ஜிலு, தர மறுத்துவிட்டார். மலை வாழ் மக்கள் வசிக்கும் கள்ளகுடி அங்கன்வாடியில் உதவியாளராக இருந்த ஜிலு, 2009 ஜூலை 6 ல், பணி முடிந்து திரும்பிக் கொண்டிருந்தார். இவரை பின் தொடர்ந்த ரஷீத், ஜிலுவை கழுத்து அறுத்து கொலை செய்து, நகைகளை எடுத்துச் சென்றார். இச்சம்பவம் குறித்து தெரியாதது போன்று, ஜிலுவின் கணவர் சுரேஷ்க்கு ஆறுதல் கூறினார். அப்பகுதியினரின் தகவல்படி, ரஷீத்தை, மூணாறு போலீசார் கைது செய்தனர். பறிமுதல் செய்த ஜிலுவின் நகைகளை ஆய்வு செய்தபோது, "போலி' என, தெரிந்தது. இவ்வழக்கு, தொடுபுழா கூடுதல் செசன்ஸ் கோர்ட்டில் நடந்தது. வழக்கை விசாரித்த நீதிபதி அரவிந்த்பாபு, ஆயுள் தண்டனையும், 25 ஆயிரம் ரூபாய் அபராதமும் விதித்தார். முதல் கொலை வழக்கில், ரஷீத்துக்கு öஏற்கனவே ஆயுள் தண்டனை விதிக்கப்பட்டு, தண்டனை அனுபவித்து வரும் நிலையில், மேலும் வழக்கில் தண்டனை விதிக்கப்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை