Special training for ADMK cadre to increase mental strength | அ.தி.மு.க., இளைஞரணியினருக்கு மனவள பயிற்சி| Dinamalar

அரசியல் செய்தி

தமிழ்நாடு

அ.தி.மு.க., இளைஞரணியினருக்கு மனவள பயிற்சி

Added : டிச 29, 2012
Advertisement
 
 
Advertisement
 
 
Advertisement

அ.தி.மு.க., இளைஞர் அணியினருக்கு, மனவள பயிற்சி அளிக்கப்படுகிறது. 56 மாவட்ட, எம்.ஜி.ஆர்., இளைஞர் அணி மாவட்ட செயலர்கள், இதில் பங்கேற்றனர். அறநிலையத் துறை ஊழியர்களுக்கு பயிற்சியளித்த, மதுரை சமூக அறிவியல் கல்லூரி ஆசிரியர்கள், அ.தி.மு.க., இளைஞர் அணியினருக்கும் பயிற்சி அளிக்கின்றனர். வெள்ளி முதல் ஞாயிற்றுக்கிழமை வரை, மூன்று நாட்கள் இந்த பயிற்சி நடக்கிறது. பயிற்சியை கட்சியின் மூத்த தலைவர்கள், அமைச்சர்கள் துவக்கி வைத்தனர். இது தவிர, கேள்விக்கு பதில், எழுத்துத் தேர்வு போன்றவையும் நடத்தப்படுகிறது. தேர்வுகள் அனைத்தும், மனவளத்தை அறியவும், மேம்படுத்தவும், தெளிவுபடுத்தவும் நடக்கிறது. தன்னை பற்றி கூடுதலான எண்ணத்தை வைத்திருப்பது, தாழ்வு மனப்பான்மை ஆகியவற்றை போக்கும் வகையில், பயிற்சிகள் அமைந்துள்ளன. பயிற்சி குறித்து, இளைஞர் அணி நிர்வாகி ஒருவர் கூறியதாவது: எதையும் மிகைப்படுத்தாமல், மறைக்காமல் எதார்த்தமாக பயிற்சியில் பங்கேற்க வேண்டும் என, முன்கூட்டியே தெரிவித்தனர். கட்சி தலைமை சொன்னதால் பயிற்சிக்கு வந்துள்ளோம் என, இருக்க கூடாது. பயிற்சியில் முழுமையாக பங்கெடுக்க வேண்டும் என, முதல் நாளன்றே ஆசிரியர்கள் கூறினர். அதன்படி, இந்த பயிற்சியை மேற்கொண்டுள்ளோம். இந்த பயிற்சி, எங்களுக்கு தன்னம்பிக்கையை கூட்டியுள்ளது. இவ்வாறு அவர் தெரிவித்தார்.

- நமது சிறப்பு நிருபர் -

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை