Low pressure belt : Rain cautioned in Seashore district | குறைந்த காற்றழுத்த தாழ்வுநிலை தீவிரம்: கடலோர மாவட்டங்களில் மழைக்கு வாய்ப்பு| Dinamalar

பொது செய்தி

தமிழ்நாடு

குறைந்த காற்றழுத்த தாழ்வுநிலை தீவிரம்: கடலோர மாவட்டங்களில் மழைக்கு வாய்ப்பு

Added : டிச 29, 2012
Advertisement
 
 
Advertisement
 
 
 
Advertisement
குறைந்த காற்றழுத்த தாழ்வுநிலை தீவிரம்:  கடலோர மாவட்டங்களில் மழைக்கு வாய்ப்பு

சென்னை: "குறைந்த காற்றழுத்த தாழ்வுநிலை, இலங்கை முதல் ஆந்திரா தெற்கு கடற்கரை வரை நீண்டு இருப்பதால், அடுத்த இரண்டு நாட்களுக்கு, தமிழக கடலோர மாவட்டங்கள் மற்றும் புதுச்சேரியில், மழை பெய்யக்கூடும்' என, சென்னை வானிலை மையம் தெரிவித்து உள்ளது. சில நாட்களுக்கு முன், தென்மேற்கு வங்கக் கடலில், இலங்கை அருகே உருவான குறைந்த காற்றழுத்த தாழ்வுநிலை தீவிரமடைந்ததால், கடந்த, 24 மணி நேரத்தில், தமிழகத்தில் பரவலாக மழை பெய்தது. சென்னை மற்றும் புறநகர் பகுதியில், நேற்று முன்தினம் இரவு முதல், விட்டு விட்டு மழை பெய்தது.

சில இடங்களில், கனமழை பெய்தது. அதிகபட்சமாக, காரைக்காலில், 4, நன்னிலம், நாகையில், தலா, 3, அண்ணா பல்கலை, சென்னை விமான நிலையம், திருவாரூர், கொள்ளிடம், பொன்னேரி, குடவாசல், வலங்கைமானில், தலா, 2 செ.மீ., மழை பதிவானது. கடலில், வடகிழக்கு திசையில் இருந்து, மணிக்கு, 45 முதல், 55 கி.மீ., வேகத்தில், பலமான காற்று வீசியதால், கடல் சீற்றமாக காணப்பட்டது. இதனால், ராமேஸ்வரம், பாம்பன், திருவொற்றியூர், காசிமேடு உள்ளிட்ட பல இடங்களில், மீன்பிடி துறைமுகங்களில், படகுகள் கடலுக்குள் செல்ல வில்லை. சென்னை வானிலை ஆய்வு மைய இயக்குனர் ரமணன் கூறியதாவது: வங்கக் கடலில் உருவாகியுள்ள குறைந்த காற்றழுத்த தாழ்வுநிலை, நேற்று காலை நிலவரப்படி, இலங்கை கடற்கரை மற்றும் ஆந்திராவின் தெற்கு கடற்கரை வரை, நீண்டு காணப்படுகிறது. இதன் காரணமாக, அடுத்த, 48 மணி நேரத்தில், தமிழக கடலோர மாவட்டங்கள் மற்றும் புதுச்சேரியில், அனேக இடங்களிலும், உள்மாவட்டங்களில், ஓரிரு இடங்களிலும், தென் கடலோர மாவட்டங்களில், சில இடங்களிலும், மழை பெய்யக்கூடும். சென்னை நகரில் மழை, விட்டுவிட்டு பெய்ய வாய்ப்பு உள்ளது. அடுத்த, 24 மணி நேரத்தில், தரைக்காற்று அவ்வப்போது பலமாக வீசும். இவ்வாறு, அவர் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை