bomb gift to xmas | கிறிஸ்துமஸ் பரிசு மூலம் வெடிகுண்டு கண்டுபிடிப்பு | Dinamalar

கிறிஸ்துமஸ் பரிசு மூலம் வெடிகுண்டு கண்டுபிடிப்பு

Added : டிச 29, 2012
Advertisement
 
 
Advertisement
 
 
Advertisement

லண்டன்: கிறிஸ்துமசுக்கு பரிசாக கிடைத்த மெட்டல் டிடெக்டர் மூலம், பிரிட்டன் சிறுவன், இரண்டாம் உலக போர் காலத்து வெடிகுண்டை கண்டுபிடித்து உள்ளான்.பிரிட்டனின், நோர்போல்க் பகுதியைச் சேர்ந்தவன், சோனி கேட்டர், 7. கிறிஸ்துமசையொட்டி, இவரது தந்தை, மெட்டல் டிடெக்டர் ஒன்றை பரிசாக அளித்தார். இவர்கள் வீட்டை சுற்றி, வயல்வெளி உள்ளது. தற்போது விடுமுறை என்பதால், சோனியும், அவனது சகோதரனும், மெட்டல் டிடெக்டரை வைத்து விளையாடினர். ஒரு இடத்தில், இந்த மெட்டல் டிடெக்டர், "பீப்' சத்தம் எழுப்பியது.சத்தம் வந்த இடத்தில், ஒரு உலோக குமிழ் கிடந்தது. சகதி படிந்து கிடந்த அந்த உலோகத்தை, சிறுவர்கள் வீட்டுக்கு எடுத்து வந்தனர். இதை பார்த்த, சிறுவர்களின் தந்தைக்கு சந்தேககம் ஏற்பட்டது. தன்னுடைய ராணுவ நண்பரை அழைத்து, உலோக குண்டை காட்டினார்.ராணுவ நண்பர், அதை வெடிகுண்டு என, உறுதி செய்தார். இதையடுத்து, போலீசாரிடம் அந்த வெடிகுண்டு ஒப்படைக்கப்பட்டது. இரண்டாம் உலக போரின்போது, இந்த வெடிகுண்டு பயன்படுத்தப்பட்டது தெரியவந்தது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை