Kanchipuram Kalingambal temple Jewel box opened after 16 years | காஞ்சிபுரம் காளிகாம்பாள் கோவிலில் இரும்பு பெட்டகம்: 16 ஆண்டுகளுக்கு பின் திறப்பு| Dinamalar

பொது செய்தி

தமிழ்நாடு

காஞ்சிபுரம் காளிகாம்பாள் கோவிலில் இரும்பு பெட்டகம்: 16 ஆண்டுகளுக்கு பின் திறப்பு

Added : டிச 29, 2012
Advertisement
 
 
Advertisement
 
 
 
Advertisement

காஞ்சிபுரம்: காஞ்சிபுரத்தில், ஆதிகாமாட்சி என, அழைக்கப்படும், காளிகாம்பாள் கோவிலில், 16 ஆண்டுகளாக திறக்கப்படாமலிருந்த இரும்பு பெட்டகம், அதிகாரிகள் முன்னிலையில் திறக்கப்பட்டு, அதிலிருந்த நகைகள் மதிப்பீடு செய்யப்பட்டன. காஞ்சிபுரம் காமாட்சியம்மன் கோவில் பின்புறம், 1,000 ஆண்டுகள் பழமை வாய்ந்த, ஆதி பீட பரமேஸ்வரி காளிகாம்பாள் கோவில் உள்ளது. இக்கோவில், இந்து சமய அறநிலையத் துறை கட்டுப்பாட்டில் உள்ளது. கோவில் உற்சவர் சன்னிதி மண்டபத்தில், இரும்பு பெட்டம் ஒன்று இருந்தது. இப்பெட்டகத்தின் சாவி, 25 ஆண்டுகளுக்கு முன், தக்கராக இருந்த திருநாவுக்கரசுவிடம் இருந்தது. அவர், 1996ம் ஆண்டு இறந்தார். அவரது மறைவிற்கு பின், சாவி எங்கிருக்கிறது என்ற விவரம் தெரியவில்லை. அவரது மனைவிக்கும் தெரியவில்லை. இதனால் இரும்பு பெட்டகம் திறக்கப்படாமலே இருந்தது. அதில், விலை உயர்ந்த நகைகள் இருக்கலாம் என, சந்தேகிக்கப்பட்டது. அதை திறந்து பார்க்க வேண்டும் என, பக்தர்கள் கோரிக்கை விடுத்தனர். அதைத் தொடர்ந்து, இந்து சமய அறநிலையத் துறை துணை ஆணையர் (நகை சரிபார்ப்பு) வீரபத்திரன் தலைமையில், செயல் அலுவலர் விஜயன், கிராம நிர்வாக அலுவலர் சேகர் மற்றும் காவல் துறையினர் முன்னிலையில், நேற்று மாலை 3:00 மணிக்கு, இரும்பு பெட்டகம் திறக்கப்பட்டது.அதில், தாயாருக்கு அணிவிக்கப்படும் பித்தளை கவசம், சூலாயுதம், தங்க மாங்கல்யம், சந்திர பிறை, பெரிய பொட்டு, வெள்ளி கிரீடம், தகடுகள், காசு மாலை, ஜடைமாட்டி போன்றவை இருந்தன. அனைத்து நகைகளும் கணக்கெடுக்கப்பட்டு, பதிவேட்டில் பதிவு செய்யப்பட்டன. இதுகுறித்து, கோவில் செயல் அலுவலர் விஜயன் கூறுகையில், ""பதிவேட்டில் குறிப்பிடப்பட்டிருந்த பொருட்கள் அனைத்தும், இரும்பு பெட்டகத்தில் இருந்தன. இப்பொருட்களின் அப்போதைய மதிப்பு, 56 ஆயிரம் ரூபாய். தற்போதைய மதிப்பு, ஐந்து லட்சம் ரூபாய்'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை