Court orders bank to compensate for closing account without reason | வாடிக்கையாளர் வங்கி கணக்கு முடக்கம்: நஷ்டஈடு வழங்க வங்கிக்கு உத்தரவு| Dinamalar

கோர்ட் செய்தி

தமிழ்நாடு

வாடிக்கையாளர் வங்கி கணக்கு முடக்கம்: நஷ்டஈடு வழங்க வங்கிக்கு உத்தரவு

Added : டிச 29, 2012
Advertisement
 
 
Advertisement
 
 
 
Advertisement

சென்னை: உரிய காரணமின்றி, வங்கி கணக்கை முடக்கியதால், பாதிக்கப்பட்ட வாடிக்கையாளருக்கு நஷ்ட ஈடு வழங்க, "ஸ்டாண்டர்டு சார்ட்டர்டு' வங்கிக்கு, நுகர்வோர் கோர்ட் உத்தரவிட்டது. சென்னை, கீழ்ப்பாக்கம், புதிய ஆவடி சாலையைச் சேர்ந்த சந்திரசேகர் என்பவர், மண்ணடி, ராஜாஜி சாலை, ஸ்டாண்டர்டு சார்ட்டர்டு வங்கி நிர்வாகத்திற்கு எதிராக, நுகர்வோர் கோர்ட்டில் தாக்கல் செய்த மனு: குறிப்பிட்ட வங்கியில், இரண்டு கணக்குகளை வைத்துள்ளேன். கடந்த, 2011ம் ஆண்டு, மார்ச்சில், வாடிக்கையாளர்கள் குறித்த விவரங்களை சேகரிக்கிறோம் எனக் கூறி, சில அடிப்படை தகவல் களை கேட்டனர். அத்தகவல்களை அளித்த பின்னரும், திரும்பவும் கேட்டனர். வங்கி நிர்வாகம் கேட்ட தகவல்களை, இரண்டாவது முறை பதிவு தபாலில் அனுப்பினேன். அதன் பின்னரும், முன் அறிவிப்பின்றி, 2011ம் ஆண்டு, செப்., முதல் வாரம் வரை, வங்கி கணக்கை முடக்கினர். இதனால், வெவ்வேறு நபர்களுக்கு, நான் அளித்த நான்கு காசோலைகள், திரும்ப வந்தன. வங்கி கேட்ட விவரங்களை அளித்தும், என் கணக்கை முடக்கியதற்கு, நஷ்டஈடாக, 50 ஆயிரம் ரூபாய் அளிக்க வேண்டும்.
இவ்வாறு மனுவில் தெரிவிக்கப்பட்டுள்ளது. மனுவை விசாரித்த, சென்னை (வடக்கு) நுகர்வோர் கோர்ட் நீதிபதி மோகன்தாஸ், உறுப்பினர் தயாளன் பிறப்பித்துள்ள உத்தரவில், "வங்கி நிர்வாகத்தின் அலட்சியமான செயல்பாடு, மனுதாரருக்கு நிச்சயம் மன உளைச்சலை தந்திருக்கும். இதற்காக, சம்பந்தப்பட்ட வங்கி நிர்வாகம், மனுதாரருக்கு, 15 ஆயிரம் ரூபாய் நஷ்டஈடும், வழக்கு செலவாக, 2,000 ரூபாயும் வழங்க வேண்டும்' என, தெரிவிக்கப்பட்டு உள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை