trichy: temple land abse | திருச்சி அருகே ரூ.50 கோடி கோவில் நிலம் "ஸ்வாகா| Dinamalar

சம்பவம் செய்தி

தமிழ்நாடு

திருச்சி அருகே ரூ.50 கோடி கோவில் நிலம் "ஸ்வாகா

Added : டிச 29, 2012 | கருத்துகள் (22)
Advertisement
 திருச்சி அருகே ரூ.50 கோடி கோவில் நிலம் "ஸ்வாகா

திருச்சி: இந்து சமய அறநிலைத்துறையின் கட்டுப்பாட்டில் உள்ள, 50 கோடி ரூபாய் மதிப்புள்ள, கோவில் மானிய நிலம், "ப்ளாட்' போட்டு விற்பனை செய்யப்பட்டு வருவதை, அறநிலைத்துறை அதிகாரிகள் கண்டுகொள்ளாமல் இருப்பது, பக்தர்கள் மத்தியில் அதிர்ச்சியை ஏற்படுத்தியுள்ளது.

திருச்சி மாவட்டம், துவரங்குறிச்சியில் குருநாத கோவிலுக்கு சொந்தமான கோவில் உள்ளது. இந்து சமய அறநிலைத்துறையின் கட்டுப்பாட்டில் உள்ள, இக்கோவில் பூசாரிகளாக சாமிநாதன், அர்ச்சுனன் ஆகியோர் உள்ளனர்.கோவிலுக்கு சொந்தமாக, துவரங்குறிச்சியில், 18 ஏக்கர் நிலம் உள்ளது. இந்த நிலத்தின் இன்றைய மதிப்பு, 50 கோடி ரூபாய்.

கோவில் பூசாரிகளாக இருக்கும் சாமிநாதன், அர்ச்சுனன் ஆகியோர் அனுபவத்தில் கோவில் நிலம் இருந்து வருவதால், அவற்றை, 1990ம் ஆண்டு முதல், "ப்ளாட்' போட்டு விற்பனை செய்து வருகின்றனர். இது கோவிலை நிர்வகிக்கும் அறநிலைத்துறை அதிகாரிகளுக்கு தெரிந்தும், கண்டு கொள்ளாமல் உள்ளனர்.

துவரங்குறிச்சி குருநாத கோவிலுக்கு சொந்தமான, 3.5 ஏக்கர் நிலமும் ப்ளாட் போட்டு விற்பனை செய்யப்பட்டு, அந்த பகுதி முழுவதும் வீடுகள் கட்டப்பட்டு விட்டன. அந்த வீடுகளுக்கு பொன்னம்பட்டி டவுன் பஞ்சாயத்து நிர்வாகம் அனுமதி அளித்து, வீட்டு உரிமையாளர்களிடம் சொத்து வரியும் வசூலித்து வருகிறது.இதேபோல், கோவிலுக்கு சொந்தமான மற்ற நிலங்களும் ப்ளாட் போட்டு விற்பனை செய்யப்பட்டுள்ளது.

இந்து சமய அறநிலைத்துறை கட்டுப்பாட்டில் உள்ள கோவில் நிலங்கள், ப்ளாட் போட்டு விற்பனை செய்யப்பட்டது குறித்து, அறநிலைத்துறை அதிகாரிகளுக்கு பல்வேறு புகார்கள் சென்றும், இதுவரை எவ்வித நடவடிக்கையும் எடுக்கப்படவில்லை.கோவில் நிலங்களை விற்பனை செய்ய, சில அரசியல்வாதிகளும், இந்து சமய அறநிலைத்துறையில் உள்ள முக்கிய அதிகாரிகள் சிலரும் உடந்தை என்பதால், இது தொடர்பாக எத்தனை புகார் சென்றாலும், கண்டு கொள்ளாமல் உள்ளனர்.

தமிழகம் முழுவதும், அறநிலைத்துறை கட்டுப்பாட்டில் உள்ள கோவில் நிலங்கள் ஆக்கிரமிக் கப்பட்டிருந்தால், அவற்றை கைப்பற்றி, ஆக்கிரமிப்புகளை அகற்ற, முதல்வர் ஜெயலலிதா கடுமையான உத்தரவு பிறப்பித்துள்ள நிலையில், திருச்சி மாவட்டத்தில் கோவில் நிலம் ப்ளாட் போட்டு விற்பனை செய்யப்பட்டிருப்பது, பொதுமக்கள் மற்றும் பக்தர்கள் மத்தியில் கடும் அதிர்ச்சியை ஏற்படுத்தியுள்ளது.

கோவில் நிலத்தை விதிமுறைகளை மீறி விற்பனை செய்தவர்கள் மீதும், அதற்கு உடந்தை யாக இருந்த இந்து சமய அறநிலைத்துறை அதிகாரிகள் மீதும் கடும் நடவடிக்கை எடுக்கவும், விற்கப்பட்ட கோவில் நிலத்தை மீட்கவும் நடவடிக்கை எடுக்க வலியுறுத்தி, பல்வேறு அமைப்புகள் போராட்டம் நடத்த தயாராகி வருகின்றன. அப்போது, இந்த விவகாரம் விஸ்வரூபம் எடுக்கும் என, தெரிகிறது..

Advertisement

இதையும் தவறாமல் படிங்க ...



Advertisement

வாசகர் கருத்து (22)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Raj Kumar - Cuddalore,இந்தியா
30-டிச-201216:44:53 IST Report Abuse
Raj Kumar கோயில் நிலம் ஆக்கிரமிப்பு : இப்படியாக கோயில் நிலம் முழுவதும் பிளாட் போடப்பட்டு விற்று ஏப்பம் விட்டால் கோவிலில் இருக்கின்ற சாமி நடுதெருவுக்கு வந்து விடும். இப்பவே விநாயகர் மரத்துக்கடியிலதான் இருக்கிறார். பிறகு விஷ்ணு, சிவன், அம்மன், முருகன் , இப்படி எல்லாரும் வீதிக்கும் நடுதெருவுக்கும் வந்துட்டா அறநிலைய துறை இல்லாமலே போய்டும். அரசாங்க வேலைதானே வேற வேலை கொடுக்காமலா போய்டுவாங்க. கடவுளுக்கே இந்த நிலைமை என்றால் ஏன் 2012 ல உலகம் அழியுதா இல்ல 2013 ளையான்னு பயந்துகிட்டு கடக்குறோம். அப்புறம் விஷ்ணு பூபிய பிளந்துகிட்டு போனா நில நடுக்கமும், கடலுல போனா சுனாமியும், சிவன் கோபபட்டா எரிமலை சீற்றமும் ஏற்படாது.
Rate this:
Share this comment
Cancel
praven.dr@gmail.com - UK,யுனைடெட் கிங்டம்
30-டிச-201212:48:20 IST Report Abuse
praven.dr@gmail.com ம்
Rate this:
Share this comment
Cancel
Nandu - Chennai,இந்தியா
30-டிச-201208:05:35 IST Report Abuse
Nandu முதல்வரே உங்கள் மீது முழு நம்பிக்கை வைத்திருக்கிறேன். தமிழக மக்களும் அப்படித்தான். இந்த வீட்டு மனை போடுகிறவர்களை அவர்களின் செயல்களை தடுத்து நிறுத்துங்கள். விளைநிலங்கள், ஏறி குளங்கள் என அனைத்தையும் ஒழித்துக்கட்டாமல் அவர்கள் விடமாட்டார்கள். அவர்களை விட்டால் ஒரு நெர்ச்செடி விளைவதற்கான நிலம் கூட இந்த மண்ணில் இருக்காது.
Rate this:
Share this comment
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
30-டிச-201212:36:57 IST Report Abuse
மதுரை விருமாண்டிஏன் அவர் அடிச்சுப் பிடுங்கி சகோதரி கிட்டே கொடுக்கவா ?? பூசாரி கொள்ளை அடிக்கிறான் என்று பூச்சாண்டி கிட்டே முறையிடுகிறீர்கள்.. நல்லா நோண்டிப் பார்த்தால் அந்த பூசாரிகள் கோபால் ரியல் எஸ்டேட், ஜெயராம் டெவலப்பர்ஸ், ஜெயா அண்டு சசி கம்பெனி பினாமிகளாக இருப்பார்கள்.....
Rate this:
Share this comment
Cancel
NavaMayam - New Delhi,இந்தியா
30-டிச-201207:46:50 IST Report Abuse
NavaMayam பூசாரி கோவிலில் இறைவனுக்கு இறை தொண்டு ... வெளியில் தன வயிற்றுக்கு இரை தொண்டு ...
Rate this:
Share this comment
Cancel
ராம.ராசு - கரூர்,இந்தியா
30-டிச-201206:27:57 IST Report Abuse
ராம.ராசு எல்லாம் அவன் செயல்.
Rate this:
Share this comment
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
30-டிச-201212:44:38 IST Report Abuse
மதுரை விருமாண்டிஅவள் செயலாகவும் இருக்கலாம்... 1990 இலேயே ஆட்டையைப் போட ஆரம்பிச்சுட்டா.....
Rate this:
Share this comment
Cancel
rajan - kerala,இந்தியா
30-டிச-201205:42:23 IST Report Abuse
rajan அரசு அதிகாரிகளை தவறு செய்ய தூண்டுவதே இந்த அரசியல்வாதிகளுக்கு வாடிக்கை.
Rate this:
Share this comment
Cancel
jayabalan - chennai ,இந்தியா
30-டிச-201205:40:21 IST Report Abuse
jayabalan சொர்க்க வாசல் பற்றிய விரிவான ஆராய்ச்சிக் கட்டுரை ஒன்றை எதிர் பார்க்கலாமா?
Rate this:
Share this comment
Cancel
தமிழ்வேல் - முகப்பேர் மேற்கு ,இந்தியா
30-டிச-201204:27:42 IST Report Abuse
தமிழ்வேல் இதன் மேல் யாரும் வழக்கு பதிவு செய்யவில்லையா ?
Rate this:
Share this comment
Cancel
ksathish - chennai,இந்தியா
30-டிச-201203:32:21 IST Report Abuse
ksathish Government officials should be punished severely by our cm.
Rate this:
Share this comment
தமிழ்வேல் - முகப்பேர் மேற்கு ,இந்தியா
30-டிச-201204:30:59 IST Report Abuse
தமிழ்வேல் இப்போதிக்கு நடக்காது...// பல்வேறு அமைப்புகள் போராட்டம் நடத்த தயாராகி வருகின்றன.// போராட்டம்னு ஒன்னு நடந்தால் ஏதாவது நல்லது நடக்கலாம்.......
Rate this:
Share this comment
Cancel
vaaimai - Appleton, WI ,யூ.எஸ்.ஏ
30-டிச-201203:17:59 IST Report Abuse
vaaimai இப்படியெல்லாம் நடக்கும் என்று 1967 ஆம் ஆண்டே அறிவாளிகளுக்குத் தெரியும்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை