Advertisement
பதிவு செய்த நாள் : ஜனவரி 03,2013,23:56 IST
கருத்துகள் (180)  கருத்தை பதிவு செய்ய
எழுத்தின் அளவு:

சென்னை : விரைவில், நடக்கவுள்ள உட்கட்சித் தேர்தலில், தி.மு.க., தலைவர் பதவிக்கு, ஸ்டாலின் போட்டியிடுவார் என்ற எதிர்பார்ப்புக்கு, நேற்று கருணாநிதி முற்றுப்புள்ளி வைத்தார்.ஸ்டாலினுக்கு இப்போதைக்கு தலைவர் பதவி இல்லை என்றும், வாழ்நாள் முழுவதும், தமிழ் சமுதாய மேன்மைக்காக, நான் பாடுபடுவேன்; எனக்கு பின், ஸ்டாலின் பாடுபடுவார் என, தி.மு.க., தலைவர் கருணாநிதி நேற்று திட்டவட்டமாக அறிவித்தார்.

தி.மு.க.,வில் உட்கட்சித் தேர்தல் விரைவில் துவங்கவுள்ளது. புதுப்பிக்கப்பட்ட மற்றும் புதிய உறுப்பினர்கள் சேர்க்கை அட்டை, மாவட்டம் வாரியாக வழங்கப்பட்டு வருகிறது. இந்த ஆண்டு, ஜூன் மாதம், 3ம் தேதி, கருணாநிதிக்கு, 90வது வயது பிறக்கிறது. பிறந்த நாள் விழாவை முன்னிட்டு, கட்சியின் பொதுக்குழுக் கூட்டம், சென்னையில் நடக்கிறது.

அக்கூட்டம் கூடுவதற்கு முன், உட்கட்சித் தேர்தலை நடத்தி முடிக்க, தேர்தல் பணிக் குழு முடிவு செய்துள்ளது. பொதுக் குழுவில், தலைவர் மற்றும் பொதுச் செயலர், பொருளாளர், துணைப் பொதுச் செயலர்கள், மூன்று பேர் கொண்ட நிர்வாகிகள் தேர்ந்தெடுக்கப்படவுள்ளனர்.கட்சித் தலைவராக, மீண்டும் கருணாநிதி போட்டியிடுவாரா அல்லது பொருளாளர் ஸ்டாலினை தலைவராக்கி விட்டு, கட்சியின் வழிகாட்டுதல் குழுத் தலைவர் பொறுப்பை கருணாநிதி ஏற்பாரா என்ற கேள்வி, தொண்டர்கள் மத்தியில் நீண்ட நாட்களாக நிலவுகிறது.

அவ்வாறு, ஸ்டாலினுக்கு வழி விடுவதை, மத்திய அமைச்சர் அழகிரி, எம்.பி., கனிமொழி ஆகி‌யோர்ஒப்புக்கொள்வரா என்ற பரபரப்பும் தி.மு.க., வட்டாரத்தில் தொடர்ந்து வருகிறது. இதை உறுதிப்படுத்தும் வகையில், சில மாதங்களுக்கு

முன், மத்திய அமைச்சர் அழகிரி, "தலைவர் பதவிக்கு, நான் போட்டியிடத் தயார்' எனக் கூறி, பரபரப்பை அதிகரித்தார்.
இதனால், தி.மு.க., தலைவர் கருணாநிதி, தன் பதவியை விட்டுக் கொடுத்தால், அந்த பதவிக்கு, அழகிரி, ஸ்டாலின் மத்தியில் போட்டி உருவாகுமா என்ற கேள்வியும் கட்சியினர் மத்தியில் எழுந்தது. சென்னையில் உள்ள தி.மு.க., தலைமை அலுவலகத்தில், வேலூர் மேற்கு மாவட்ட, பா.ம.க., செயலர் சாமுவேல் செல்லபாண்டியன் தலைமையில், 2,000 பேர், அக்கட்சியிலிருந்து விலகி, தி.மு.க.,வில் நேற்று இணைந்தனர். இந்த விழாவில் ‌பேசிய கருணாநிதி, அடுத்த தலைவர் யார் என்பதை வெளிப்படையாக அறிவித்தார்.

அழகிரி - கனிமொழி ஆதரவாளர்கள் அதிர்ச்சி :
விழாவில், கருணாநிதி பேசும் போது, ""இந்த சமுதாய மேன்மைக்காக, எழுச்சிக்காக, என் ஆயுள் இருக்கிற வரை பாடுபடுவேன். அப்படியானால், அதற்கு பின் என்ற கேள்விக்குப் பதில், இங்கே அமர்ந்திருக்கிற ஸ்டாலின் என்பதை, நீங்கள்

Advertisement

மறந்து விடக் கூடாது,'' என தெளிவுபடுத்தினார்.கருணாநிதியின் இந்த அறிவிப்பால், அழகிரி மற்றும் கனிமொழி ஆதரவாளர்கள் அதிர்ச்சி அடைந்துள்ளனர். அதே நேரத்தில், பொதுக் குழு கூட்ட முடிவில், ஸ்டாலினுக்கு தலைவர் பதவி கிடைக்கும் என்று எதிர்பார்த்திருந்த அவரது ஆதரவாளர்களும் அதிர்ச்சி அடைந்துள்ளனர்.




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (180)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
mahesh - san jose,யூ.எஸ்.ஏ
14-மார்-201306:30:51 IST Report Abuse
mahesh ஆஹா இது அல்லவோ கருணா நாமம். முதலில் 6 கோடி தமிழருக்கு போட்டார். பின்பு கட்சி தொண்டர் ஆஹிய உடன் பிறப்புக்கு போட்டார். இப்போது தன்னுடைய சொந்த ரத்தத்துக்கு போடுஹிறார். பதவிக்கு என்ன வேண்டுமானாலும் செய்வார். தானை தலைவர். தன்மான சிங்கம். எங்கள் தலைவர் கருணா
Rate this:
0 members
0 members
0 members
Share this comment
Cancel
VIDHURAN - VILLUPPURAM,இந்தியா
13-மார்-201311:43:23 IST Report Abuse
VIDHURAN தி. மு. க. அப்பிடின்னா திராவிட முன்னேற்ற கழகம் அப்பிடின்னு நீங்க நெனைச்சா அது உங்க தப்பு. தி.மு.க. ன்னா திருவாரூர் மு. கருணாநிதி ன்னு விளங்கிக்கோங்க. அதேமாதிரி தமிழ் சமுதாயம் அப்பிடின்னா கருணாநிதியோட குடும்பமும் மேற்படி குடும்பத்தோட சம்பந்தப்பட்ட சமுதாயமும் அப்படின்னு அர்த்தம். அந்த பெரிய தமிழ் குடும்ப சமுதாயத்துக்கு தி.மு.க. தான் நிரந்தர தலைவர். யுப்போ புரிஞ்சுதா?
Rate this:
0 members
0 members
0 members
Share this comment
Cancel
c.nagarajan - chennai,இந்தியா
05-ஜன-201300:20:12 IST Report Abuse
c.nagarajan என்னதான் இருந்தாலும் ஒரு குடும்பத்தில் கடைக்குட்டி மீதுதான் பாசம் இருக்கும் என்பதை பகுத்தறிவு பகலவன் விளக்கியுள்ளார். தனக்கு பின் தனது செல்லப்பிள்ளை ஸ்டாலின்தான் தலைவராக வரவேண்டும் என்ற தனது விருப்பத்தை கூறியுள்ளார். இதில் தவறு ஏதும் இல்லை, ஆனால் அவர் தனது சொத்திற்கு தலைமை ஏற்றுக் கொள்ளலாம் என்று கூறியிருந்தால் பரவாயில்லை, தி.மு.க. என்ற ஒரு கட்சிக்குத் தலைமை ஏற்பார் என்று கூறுவதுதான் வியப்பாக இருக்கிறது. தி.மு.க.வை இவரா தோற்றுவித்தார். அறிஞர் அண்ணா அப்படி நினைத்திருந்தால் தனது குடும்ப வாரிசுக்கு அல்லவா இந்த கழகம் சென்றிருக்கும். பகுத்தறிவு பேசும் இந்த பெரியவருக்கு இது தெரியவில்லையா? அல்லது மனசில்லையா? தி.மு.க. என்பது ஒரு பொதுசொத்து, எத்தனை உடன்பிறப்புக்கள் இக்கட்சிக்காக உழைக்கின்றனர். அவர்களில் யாருக்கும் தலைவராகும் தகுதி இல்லையா? இந்த வயதிலும் இக் கட்சிக்கு தலைவராக இருப்பதே பெரிய குற்றம். கட்சிக்காக பாடு பட்ட ஒரு நபரை தலைவராக்கி இவர் அந்தக் கட்சியின் தொண்டாக மாறியிருந்தால் இவர் பகுத்தறிவுவாதி என்று பாராட்டலாம், ஆனால் பல கோடிபேர் வளர்த்த கட்சியை தனக்கு பின் தன் தனையன் என்று அறிவித்தது மானக்கேடான விஷயம், இந்த விஷயத்தில் ம.தி.மு.க. எவ்வளவோ மேல், இதுவரை வைகோவின் உறவினர்கள் கட்சியின் எந்த பொறுப்பிற்கும் வராதது. உண்மையில் உண்மையான ஒரு தலைவன் என்ற பெயரை வைகோவிற்கு பெற்றுத்தரும்.
Rate this:
0 members
0 members
7 members
Share this comment
Cancel
சு கனகராஜ் - chennai -33,இந்தியா
04-ஜன-201318:36:42 IST Report Abuse
சு கனகராஜ் அப்படியானால் அஞ்சாநெஞ்சன் மற்றும் கனியின் நிலை ? அதிர்ச்சியில் உடன் பிறப்புகள் ?
Rate this:
0 members
0 members
13 members
Share this comment
Cancel
Peria Samy - chennai,இந்தியா
04-ஜன-201318:21:52 IST Report Abuse
Peria Samy அழகிரிரியைவிடவும் கனிமொழியை விடவும் திமுக தலைவர் பதவிக்கு ஸ்டாலின் தகுதியானவர் என்று மு.க. நினைக்கிறார்.ஸ்டாலினை விடவும் தகுதியானவர்கள் அக்கட்சியில் இல்லையா/ இருந்தும் தலைவர் பதவியை தன குடும்பத்தைவிட்டு வெளியாட்களுக்குக் கொடுக்க மனமில்லையா? அப்பதவி என்ன கருணாவின் குடும்ப சொத்தா ,சரிசரி இது அவர்கள் உள்கட்சிப் பிரச்சினை.அவர்களே பேசித்தீர்த்து ஒரு முடிவுக்கு வரட்டும்.வெளியாட்கள் ஏன் தேவையில்லாமல் மூக்கை நுழைக்கவேண்டும் அவர்கள் தலைவரை அவர்களே தேர்வு செய்யட்டும் ,அவர் முதல்வர் பதவிக்கு தகுதியானவர்தானா என்பதை பொதமக்கள் முடிவு செய்யட்டும்.
Rate this:
1 members
1 members
13 members
Share this comment
Cancel
RaviKumar - Chennai,இந்தியா
04-ஜன-201317:41:30 IST Report Abuse
RaviKumar சகோதர யுத்தம் .... இப்போ சகோதரியும் யுத்தத்திற்கு தயார்...... முற்பகல் செய்யின் பிற்பகல் வளையும்
Rate this:
1 members
0 members
18 members
Share this comment
Cancel
Susil - dubai,ஐக்கிய அரபு நாடுகள்
04-ஜன-201316:26:47 IST Report Abuse
Susil சாகும் வரை பதவி எனக்கே என்று சொல்லுவதிலேயே பதவி வெறி தெரிகிறது , மத்தபடி தமில்சமுதயம் என்பதெல்லாம் சும்மா , குடும்ப நன்மை என்பதை மாற்றி சொல்லிவிட்டார் , மன்னியுங்கள்., செத்தாலும் இவரது ஆவியே அங்கு தலைவர், இதுவரை தலைவர் பயன் படுத்திய அணைத்து செருப்புகளையும் பொருக்கி வைத்து கொள்ளுங்கள், அவர் காலத்திற்கு பிறகு எல்லோரும் தலையில் வைத்து ஆட்சி நடத்த வசதியாய் இருக்கும்.
Rate this:
3 members
0 members
35 members
Share this comment
Cancel
Jeyakumar - Singapore,சிங்கப்பூர்
04-ஜன-201316:19:19 IST Report Abuse
Jeyakumar ஸ்டாலின் சிறு வயது முதல் கட்சியில் ஈடு பட்டு உள்ளார். கிட்டத்தட்ட 40 ஆண்டுகளுக்கும் மேலாக கட்சிக்காக உழைத்து இருக்கிறார். அவர் அந்த பதவிக்கு வருவதில் தப்பில்லை. அவர் ஒன்றும் நேற்று கட்சியீல் சேரவில்லை. அவர் மட்டும் தான் அந்த பதவிக்கு சரி யானவர்... அவரை விட யாரும் திறமையானவர் தி மு க வில் இல்லை... மத்த எல்லாரும் அல்லக்கை தான்... சொம்பு... கட்சி கொஞ்சம் action எடுத்தால், பல்டி அடிக்கும் அல்லகைகள்...எனவே, ஸ்டாலின் தான் கரெக்ட் சாய்ஸ்... நான் தி மு க இல்லை... நடு நிலையான ஆள்
Rate this:
17 members
0 members
16 members
Share this comment
Cancel
g.s,rajan - chennai ,இந்தியா
04-ஜன-201316:05:16 IST Report Abuse
g.s,rajan இந்தியாவுல இன்னும் மன்னராட்சி முடியல ஜி,எஸ்.ராஜன் சென்னை ,
Rate this:
0 members
0 members
27 members
Share this comment
Cancel
g.k.natarajan - chennai,இந்தியா
04-ஜன-201315:54:32 IST Report Abuse
g.k.natarajan இவங்க சண்டைக்காக எத்தனை பேர் நேரம் வீணாகிறது...? நடராசன்.
Rate this:
0 members
0 members
12 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.