- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- கனிமொழி வெற்றிக்காக தி.மு.க.,தீவிரம் : சோனியாவை சந்தித்தார் டி.ஆர்.பாலு: கருணாநிதியை சந்தித்து ம.ம.க., ஆதரவு ஜூன் 20,2013
- காங்., - புதிய தமிழகம் ஆதரவு: விஜயகாந்த் புது வியூகம் ஜூன் 20,2013
- அமைச்சர் வைகை செல்வன் மீண்டும் மீண்டும் "சொதப்பல்! ஜூன் 20,2013
- ஒரு ஜோடி காண்டாமிருகம் தேவை: அசாம் முதல்வருக்கு ஜெ., கடிதம் ஜூன் 20,2013
- காலண்டர் வரை கணக்கு பார்த்த காங்., குழு: சுதர்சன நாச்சியப்பனுக்கு அடித்தது "லக்' ஜூன் 20,2013
- இன்று
- கடந்த வாரம்
- கடந்த மாதம்
மதுரை: திண்டுக்கல்லில், பஸ்சில் மாணவர்கள் படிக்கட்டில் தொங்கியவாறு பயணம் செய்தது குறித்து, நேற்று, "தினமலர்' நாளிதழ் முதல் பக்கத்தில் போட்டோ வெளியானது. இதை ஆதாரமாகக் கொண்டு, தானாக முன்வந்து வழக்கை விசாரணைக்கு ஏற்ற மதுரை ஐகோர்ட் கிளை பெஞ்ச், கோர்ட் அவமதிப்பு நடவடிக்கையாகக் கருதி, உள்துறை செயலாளர் விளக்கம் அளிக்க உத்தரவிட்டது. நேற்று, "தினமலர்' நாளிதழ் முதல் பக்கத்தில், படிக்கட்டில் மாணவர்கள் தொங்கியவாறு பயணிப்பது குறித்து, படம் வெளியானது. இதை வழக்கறிஞர், என்.எஸ்.பொன்னையா, மதுரை ஐகோர்ட் கிளை நீதிபதிகள் எஸ்.தமிழ்வாணன், டி.ராஜா கொண்ட, "பெஞ்ச்' முன்னிலையில் குறிப்பிட்டார்.
கமிஷனருக்கு, பெஞ்ச் உத்தரவு:
இதை ஆதாரமாகக் கொண்டு, தானாக முன்வந்து வழக்கை விசாரணைக்கு எடுத்துக் கொண்ட நீதிபதிகள் பிறப்பித்த உத்தரவு:
இதுபோல் ஏற்கனவே, சென்னையில் பஸ் படிக்கட்டில் பயணம் செய்த மாணவர்கள், நான்கு பேர் பலியாயினர். இதை, பத்திரிகைகளில் வெளியான செய்திகளின் அடிப்படையில், தானாக முன்வந்து, 2012 டிச., 11ல், ஐகோர்ட் முதன்மை பெஞ்ச் விசாரணைக்கு எடுத்துக் கொண்டது.பள்ளி, கல்லூரி மாணவர்கள் படிக்கட்டில் பயணம் செய்வதை தடுக்க நடவடிக்கை எடுக்குமாறு, சென்னை போக்குவரத்து கமிஷனருக்கு, பெஞ்ச் உத்தரவிட்டது. பஸ் படிக்கட்டில், 20க்கும் மேற்பட்ட மாணவர்கள் படிக்கட்டில் தொங்கியவாறு பயணம் செய்வது பற்றி, நேற்று, "தினமலர்' நாளிதழில் போட்டோ பிரசுரமாகியுள்ளது. ஏற்கனவே, சென்னையில் பஸ் படிக்கட்டில் பயணம் செய்த நான்கு மாணவர்கள் பலியானது போன்ற சம்பவங்கள், இனியும் தொடரக் கூடாது.
முதன்மை பெஞ்ச் உத்தரவின் வழிகாட்டுதல் படி, இதை தடுக்க நடவடிக்கை எடுக்காத உள்துறை செயலர், டி.ஜி.பி., மற்றும் ஐ.ஜி., மீது, கோர்ட் அவமதிப்பு நடவடிக்கையாகக் கருதி, நடவடிக்கை ஏன் எடுக்கக் கூடாது என்பதற்கு விளக்கம் அளிக்க, நோட்டீஸ் அனுப்ப, இந்த பெஞ்ச் உத்தரவிடுகிறது.
ஜன., 24 தேதி, மீண்டும் விசாரணை:
ஏற்கனவே பிறப்பித்த உத்தரவுப்படி, சம்பந்தப்பட்ட அதிகாரிகள், கலெக்டர்கள், போலீஸ் அதிகாரிகள் உரிய நடவடிக்கை எடுக்குமாறு, உள்துறை செயலர் உத்தரவிட வேண்டும். மூன்று வாரங்களுக்குள் அறிக்கை தாக்கல் செய்ய வேண்டும். இவ்வழக்கு, ஜன., 24 தேதி, மீண்டும் விசாரணைக்கு எடுத்துக் கொள்ளப்படும்.இவ்வாறு, நீதிபதிகள் உத்தரவிட்டனர்.
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
ஸ்கூல் டைம்ல இன்னும் கொங்சம் பஸ் அதிகமா விட்ட இவங்க ஏன் தொங்கிக்கிட்டு போக போறாங்க ? எனக்கு தெரிஞ்சு ஸ்கூல் பசங்கள எதிக்கமா பஸ் ஸ்டாப்ல நிக்காம பொண்ண பஸ் தான் அதிகம்
எல்லா பள்ளிகளும் 3 கிலோ மீட்டர் குள் இருக்கும் மாணவர்களை மட்டும் பள்ளியில் சேர்க்க வேண்டும்
இளங்கன்று பயமறியாது, மாணவர் மீது பாதி தவறு மீதி அரசு மீது ,பேருந்துகள் போக்குவரத்து நெரிசலினால் வரிசையாக வருகிறது இல்லை என்றல் கிடையாது, இதை முதலில் சரிசெய்யவேண்டும்
தனியார் பேருந்துகளிலும் இலவச பயணம் அனுமதிக்கலாம் அப்போது கூட்டம் குறைய வாய்ப்பு ஏற்படும். மேலும் ஷிப்ட் முறையில் பள்ளிக் கல்லூரி, என வெவேறு நேரத்தில் வகுப்புகளைத் தொடங்கலாம். காலை 7.30 மணி, 11.00 மணி, மாலை 5 மணி என்று பிரித்து வகுப்புகளை ஆரம்பிக்கலாம். இப்படி செய்தால் கூட்டத்தை மூற்று பங்காகக் குறைக்கலாம் மேலும் தனியார் பேருந்துகளில் பயணம் செய்ய அனுமதித்தால் அரசுப் பேருந்துகளின் வருமானம் கூடும். பேருந்துக் கட்டணம் உயர்த்தும்போது தனியார் பேருந்துகளும் தங்கள் கட்டணத்தை உயர்த்துகின்றனவே? லாபம் மட்டும் தனியாருக்கு நஷ்டம் அரசுப் பேருந்துகளுக்கா? கேரளாவில் தனியார் பேருந்துகளில் தான் மாணவர்கள் அனுமதிக்கப் படுகின்றனர். அதுவும் குறைந்த கட்டணத்தில். இலவசமாக அனுமதிப்பதில்லை.
அட போங்கப்பா ஒரு சத்தம் போட்டா டிரைவர் உடனே வண்டிய நிறுத்திடுவாறு அதுக்கு போய் இந்த பில்டப் கொடுக்குரின்களே நாங்கல்லாம் ரயிலிலேயே புட் போர்டு அடிப்போம். பேருந்தை விடவும் ரயில் மிகவும் ஆபத்தானது அதற்காக சொல்கிறேன்.
சரி சார் நீங்க புட் போர்டு அடிபிங்க, உங்க மட தன தால கீழ வீழுந்து இறந்துபோன மறியல் பண்ணுவிங்க கேட்டா நீங்க காலேஜ் ஸ்டுடென்ட்....
பஸ் கிராபிக்ஸ் பண்ண மாதிரி இருக்கு... பஸ்சுக்கு முன்னாடி ஏதோ டிப்பர் லாரி மாதிரி இருக்கு. பஸ் வலமிருந்து இடம்மா போய்ட்டு இருக்கு. ஆனால் பஸ் முன் பக்க டயர் இப்படி உள் வாங்கி இருக்காது..எனக்கு கொஞ்சம் டவுட்டா இருக்கு...
எல்லா நகரபேருந்துக்கும் கதவு அவசியம் என்று சட்டம் போட்டால், படிக்கட்டில் தொங்குவது தடுக்கப்படும். இதனால் மாணவர்கள் மட்டும் அல்ல எல்லா பயணிகளும் பயன் அடைவார்கள் என்று நம்புகிறேன்.
கதவுள்ள வண்டிகளில் கதவே படிக்கட்டில் தொங்குகிறது அந்த லட்சநித்தில் தான் நமது பொறியியல் திறமை உள்ளது....
படிகளில் பயணம் செய்யும் மாணவர்களை இடை நீக்கம் செய்யலாம் என்றால் அவர்களுக்கு சரியான பேருந்து வசதி இருந்தால் ஏன் அவர்கள் தொங்கி கொண்டு போக போகிறார்கள் என்னை கேட்டால் மகளிர் மட்டும் பேருந்து என்பது போல் பள்ளிக்கு மட்டும் என்று தினம் காலை ஐந்து ,மாலை ஐந்து என்று ஒரு ரூட் கு பேருந்து விட வேண்டும் அப்படி செய்து அதையும் மீறி படியில் தொங்கினால் நடவடிக்கை எடுக்கலாம்
தினமலருக்கு நன்றி .......
தனிப்பட்ட நபரை தலையில் வைத்து கூஜா மற்றும் ஆகா ஓகோ என ஜால்ரா அடிக்கும் அடிமை (போக்குவரத்து) அமைச்சர்கள் இதைப்பற்றி வாய திறக்க காணோம் ?
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
Copyright © 2013 Dinamalar - No :1 Tamil News Website. Designed and Hosted by Web Division,Dinamalar. | Contact us