DISTRICT NEWS | பரங்கிப்பேட்டையில் கேட் பராமரிப்பு எக்ஸ்பிரஸ் ரயில்கள் சீராக இயக்கம்| Dinamalar

தமிழ்நாடு

பரங்கிப்பேட்டையில் கேட் பராமரிப்பு எக்ஸ்பிரஸ் ரயில்கள் சீராக இயக்கம்

Added : ஜன 08, 2013
Advertisement
 
 
Advertisement
 
 
 
Advertisement

பரங்கிப்பேட்டை:பரங்கிப்பேட்டை அகரம் ரயில்வே கேட்டில் நேற்று பராமரிப்பு பணி நடந்ததால் எக்ஸ்பிரஸ் ரயில்கள் சீராக இயக்கப்பட்டது. பஸ் உள்ளிட்ட வாகனங்கள் புதுச்சத்திரம் வழியாக பரங்கிப்பேட்டைக்கு சென்று வந்தது.பரங்கிப்பேட்டை அகரம் ரயில்வே கேட் வழியாக சிதம்பரத்தில் இருந்து பரங்கிப்பேட்டைக்கு பஸ் உள்ளிட்ட வாகனங்கள் சென்று வருகிறது. அடிக்கடி வாகனங்கள் சென்று வருவதால் ரயில்வே தண்டவாளங்கள் கீழ் உள்ள சிலிப்பர் கட்டைகள் கீழே உட்கார்ந்து விடுவதாலும், வாகனங்கள் செல்லும் போது சிலிப்பர் கட்டைகள் முழுவதும் மண்மேடுகள் தூர்ந்துவிடுகிறது. இதனால் ரயில்கள் வேகமாக செல்லும்போது செக் ரயில் உடைந்துவிடும் என்பதால் ஆண்டுதோறும் ரயில்வே கேட்டில் பராமரிப்பு நடந்து வருகிறது.இந்தாண்டிற்கான பராமரிப்பு பணி நேற்று காலை 10 மணிக்கு துவங்கியது. அதனால் ரயில்வே கேட்டுகள் இருபக்கமும் மூடப்பட்டது.

மதியம் 2.00 மணிக்கு பராமரிப்பு பணி முடிந்தது. சிதம்பரம் ரயில்வே உதவி செயற்பொறியாளர் ஜெயராம் தலைமையில் 20க்கும் மேற்பட்ட தொழிலாளர்கள் பராமரிப்பு பணியில் ஈடுபட்டனர்.இதனால் பராமரிப்பு பணி நடக்கும் இடத்தில் சோழன் எக்ஸ்பிரஸ் சென்னை- திருச்சி, திருச்சி- சென்னை, சரக்கு ரயில், வாரனாசி - ராமேஸ்வரம் எக்ஸ்பிரஸ், விழுப்புரம் மயிலாடுதுறை பாசஞ்சர் ரயில்கள் நேற்று காலை 10 மணி முதல் 20 கிலோ மீட்டர் வேகத்தில் இயக்கப்பட்டது.அதேபோல் சிதம்பரம்- பரங்கிப்பேட்டை பஸ் உள்ளிட்ட வாகனங்கள் புதுச்சத்திரம் வழியாக பரங்கிப்பேட்டைக்கு சென்று வந்தது. இருசக்கர வாகனங்கள் மட்டும் ரயில்வே கேட் அருகே ரயில்வே பாதையில் நீளமான பலவை போடப்பட்டு அதன் மீது சென்று வந்தது. மதியம் 2.00 மணிக்குமேல் ரயில்வே கேட் வழியாக வழக்கம்போல்பஸ் போக்குவரத்து இயக்கப்பட்டது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை