HC orders to give protection to people | கோஷ்டி மோதலால் ஊரை காலி செய்த மக்கள் பாதுகாப்பு அளிக்க ஐகோர்ட் உத்தரவு| Dinamalar

கோர்ட் செய்தி

தமிழ்நாடு

கோஷ்டி மோதலால் ஊரை காலி செய்த மக்கள் பாதுகாப்பு அளிக்க ஐகோர்ட் உத்தரவு

Added : ஜன 09, 2013
Advertisement
 
 
Advertisement
 
 
 
Advertisement

மதுரை: நிலக்கோட்டை அருகே விளாம்பட்டியில் (முத்தாலபுரம்) திருவிழா கோஷ்டி மோதலின்போது, மக்கள் ஊரை விட்டு வெளியேறியதாக தாக்கலான வழக்கில், அங்கு போலீசார் தகுந்த பாதுகாப்பு அளிக்க மதுரை ஐகோர்ட் கிளை உத்தரவிட்டது.
மதுரை மாவட்டம் முள்ளிப்பள்ளம் வக்கீல் ஜெயக்குமார் தாக்கல் செய்த மனு: எனது சொந்த ஊர் நிலக்கோட்டை அருகே விளாம்பட்டி(முத்தாலபுரம்). அங்கு 2012 ஏப்.,14 ல் முத்தாலம்மன் கோயில் திருவிழா நடந்தது. ஒரே சமூகத்தை சேர்ந்த இரு கோஷ்டிகளிடையே தகராறு ஏற்பட்டது. ஒரு கோஷ்டியை சேர்ந்த 3 பேர் கொலை செய்யப்பட்டனர். 10 பேர் காயமடைந்தனர். பதினெட்டாம்படியான் புகார்படி, விளாம்பட்டி போலீசார் 36 பேர் மீது வழக்குப் பதிவு செய்தனர். 24 பேர் கைது செய்யப்பட்டனர். பிரச்னையால், 100 குடும்பங்களை சேர்ந்தவர்கள் ஊரைவிட்டு வெளியேறிவிட்டனர். நகை, பணம் கொள்ளையடிக்கப்பட்டது. மாணவர்கள் பள்ளிகளுக்கு செல்ல முடியவில்லை. இயல்பு நிலையை ஏற்படுத்த வேண்டும். கலெக்டரிடம் புகார் செய்தும் நடவடிக்கை இல்லை. ஊரை விட்டு வெளியேறியவர்களை, மீண்டும் ஊருக்குள் நுழைய அனுமதிக்க வேண்டும். போலீஸ் பாதுகாப்பு வழங்க உத்தரவிட வேண்டும். இவ்வாறு குறிப்பிட்டுள்ளார்.
நீதிபதிகள் கே.என்.பாஷா, பி.தேவதாஸ் கொண்ட பெஞ்ச் முன்னிலையில், மனு விசாரணைக்கு வந்தது. மனுதாரர் வக்கீல் ஜின்னா, அரசு சிறப்பு வக்கீல் கோவிந்தன் ஆஜராகினர். நீதிபதிகள்," ஊர்மக்களுக்கு, தகுந்த பாதுகாப்பு அளிக்க போலீஸ் அதிகாரிகள் நடவடிக்கை எடுக்க வேண்டும். அரசுத்தரப்பில் ஜன., 22 ல் விரிவான அறிக்கை தாக்கல் செய்ய வேண்டும்,' என உத்தரவிட்டனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை