district news | ஸ்டாலினுக்கு தி.மு.க., தலைவர் பதவி? சேலம் தி.மு.க., சார்பில் ஆதரவு போஸ்டர்| Dinamalar

தமிழ்நாடு

ஸ்டாலினுக்கு தி.மு.க., தலைவர் பதவி? சேலம் தி.மு.க., சார்பில் ஆதரவு போஸ்டர்

Added : ஜன 09, 2013
Advertisement
 
 
Advertisement
 
 
Advertisement

சேலம்: தி.மு.க., தலைவர் பதவியை ஸ்டாலினுக்கு வழங்குவதற்கு, கருணாநிதி தார்மீக ஆதரவு அளித்துள்ளார். இதை வரவேற்று, சேலம் மாநகர, தி.மு.க.,வினர் போஸ்டர் ஒட்டி நன்றி தெரிவித்துள்ளனர்.
தி.மு.க.,வில், அடுத்த தலைவர் யார் என்பதை அறிய, அக்கட்சியின் நிர்வாகிகள், தொண்டர்கள் ஆர்வமாக உள்ளனர். சமீபத்தில் நடந்த பல்வேறு கட்சியினர், தி.மு.க.,வில் இணையும் விழாவில், ஸ்டாலின் அடுத்த தலைவர் என்பதற்கான ஆதரவை, தி.மு.க., தலைவர் கருணாநிதி வெளிப்படையாக அறிவித்தார். இதற்கு, அழகிரி தரப்பில் எதிர்ப்பு வலுக்கிறது.
சேலம் மாவட்டத்தில், மறைந்த வீரபாண்டி ஆறுமுகம் இருந்தவரை, கட்சியில் எந்தவித பிளவும் ஏற்படாத நிலை இருந்தது. தற்போது, எம்.பி., செல்வகணபதி, முன்னாள் எம்.எல்.ஏ., ராஜேந்திரன் மற்றும் மாநகர நிர்வாகிகள் பலர் ஸ்டாலினுக்கு ஆதரவு தெரிவித்து வருகின்றனர். தி.மு.க., தலைவர் பதவியை பொறுத்தமட்டில், உள்கட்சி தேர்தல் முடிவு அடிப்படையிலே தேர்ந்தெடுக்கப்படுவர்.
ஸ்டாலினை தலைவராக முன்மொழிந்து, கருணாநிதி அறிவித்ததற்கு நன்றி தெரிவித்து, சேலம் மாநகர, தி.மு.க., சார்பில் போஸ்டர்கள் ஒட்டப்பட்டுள்ளன. இதேபோல், மேலும் பல மாவட்டங்களிலும், பேனர்கள் வைக்கப்பட்டுள்ளன.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை