district news | ஏறுமுகத்தில் மீன் விலை| Dinamalar

பொது செய்தி

தமிழ்நாடு

ஏறுமுகத்தில் மீன் விலை

Added : ஜன 09, 2013
Advertisement
 
 
Advertisement
 
 
Advertisement

சென்னை : மழை குறைந்து விட்டதாலும், விரைவில் மீன்பிடி தடை காலம் வர உள்ளதாலும், மீன்களின் விலை ஏறுமுகத்தில் செல்ல துவங்கியுள்ளது.
கடலில் மீன்வளத்தை பெருக்க, ஒவ்வொரு ஆண்டும் ஏப்ரல் மாதம் முதல், 45 நாள் மீன்பிடி தடை காலம் அமலில் இருக்கும். தற்போது, கடலில் மீன் வளம் குறைந்துள்ளதால், எதிர்பார்த்ததை விட குறைந்தளவு மீன்களே கடலில் கிடைக்கின்றன. இதனால், கடந்த வாரம் முதலே சந்தைகளில் மீன்களின் விலை உயர துவங்கியுள்ளது.
சென்னை வாசிகள் பலர், அய்யப்ப விரதத்தையும் முடித்து விட்டனர். மாட்டு பொங்கல் பண்டிகையும் வர உள்ளது. இதனால் மீன் தேவை அதிகரித்து உள்ளது.
கடந்த வாரம் காசிமேடு மொத்த விலை சந்தையில், வஞ்சிரம் மற்றும் வவ்வால் உள்ளிட்ட மீன்கள், கிலோ 500 முதல் 700 ரூபாய் வரை விற்பனையாகின.
இறால் ஒரு கிலோ, 100 முதல் 200 ரூபாய் வரை விற்பனையானது. சீலா, கொடுவா, கெழுத்தி, சங்கரா, காரப்பொடி, பன்னா, நாக்கு மற்றும் வாளை போன்ற மீன்களும் விற்பனைக்கு குறைந்தளவே இருந்தன. இதனால், அவற்றின் விலையும் அதிகமாகவே இருந்தது.
இரண்டடி நீளம் கொண்ட சீலா மீன் 300 முதல் 400 ரூபாய் வரை விற்பனையானது. வரத்து குறைவு காரணமாக ஏற்றுமதிக்கு செல்லும் வவ்வால், திருக்கை
மற்றும் கடமா உள்ளிட்ட மீன் வகைகளுக்கும் கிராக்கி ஏற்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை