E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
பதிவு செய்த நாள் : ஜனவரி 09,2013,22:58 IST
கருத்துகள் (160)  கருத்தை பதிவு செய்ய
எழுத்தின் அளவு:

புதுடில்லி: பத்தாண்டுகளுக்கு பிறகு, பயணிகள் ரயில் கட்டணங்கள் உயர்த்தப்பட்டுள்ளன. பயணிகளை அதிகம் பாதிக்காத வகையில், உயர்த்தப்பட்டுள்ள கட்டணங்கள் மூலம், 6,600 கோடி ரூபாய் திரட்ட, ரயில்வே நிர்வாகம் முடிவு செய்துள்ளது. கூடுதலாக கிடைக்கும் தொகை மூலம், மிக மோசமான நிலையில் இருக்கும், ரயில் சேவைகள் இனியாவது மேம்படுமா என, பயணிகள் எதிர்பார்க்கின்றனர்.ரயில்வே துறை, 16 ஆண்டுகளுக்கு பிறகு, காங்கிரஸ் கட்சிக்கு கிடைத்ததும், அமைச்சராக நியமிக்கப்பட்ட, காங்கிரஸ் மூத்த தலைவர்களில் ஒருவரான பவன்குமார் பன்சால், "கட்டணங்கள் உயர்த்தப்படும்' என, அடிக்கடி அறிவித்தபடி இருந்தார்."பிப்ரவரி அல்லது மார்ச் மாதத்தில், பார்லிமென்டில் தாக்கல் செய்யப்படும், ரயில்வே பட்ஜெட்டில், ரயில் கட்டணங்கள் உயர்த்தப்படலாம்' என, எதிர்பார்க்கப்பட்ட நிலையில், நேற்று அதிரடியாக கட்டணங்கள் உயர்வு அறிவிப்பு வெளியானது. பார்லிமென்ட் கூட்டம் முடிந்த பின், கட்டண உயர்வு அறிவிக்கப்பட்டுள்ளது.
21ம் தேதி முதல்...
டில்லியில் நேற்று மதியம், பத்திரிகையாளர்களை சந்தித்த, அமைச்சர் பவன்குமார் பன்சால், கட்டண மாற்றங்களை அறிவித்தார். அவர் கூறியதாவது:ரயில் பயணிகள் கட்டணம் மட்டுமே, இப்போது உயர்த்தப்பட்டுள்ளன. சரக்கு கட்டணங்களில், எந்த மாற்றமும் செய்யப்படவில்லை. வரும் ரயில்வே பட்ஜெட்டில், பயணிகள் கட்டண உயர்வு இருக்காது. புதிய கட்டணங்கள், இம்மாதம் 21ம் தேதி முதல் அமலுக்கு வருகிறது.கட்டண உயர்வால், ரயில்வே துறைக்கு, ஆண்டுக்கு, 6,600 கோடி ரூபாய் கூடுதல் வருவாய் கிடைக்கும். ஜன., 21 முதல் மார்ச், 31 வரையிலான காலகட்டத்தில் மட்டும், 1,200 கோடி ரூபாய் கூடுதல் வருவாய் கிடைக்கும்.புறநகர் சாதாரண, இரண்டாம் வகுப்பு கட்டணம், கி.மீ.,க்கு, 2 பைசாவும், புறநகர் இல்லாத இடங்களில், கி.மீ.,க்கு, 3 பைசாவாகவும் கூடுதலாக உயர்த்தப்பட்டுள்ளன. இரண்டாம் வகுப்பு மெயில் அல்லது எக்ஸ்பிரஸ் ரயில் கட்டணம், கி.மீ.,க்கு, 4 பைசாவாகவும், இரண்டாம் வகுப்பு படுக்கை வசதி ரயில்களில், 6 பைசாவாகவும் கூடுதல் கட்டணம் இருக்கும்.
"ஏசி' சேர் கார் மற்றும் "ஏசி' மூன்றடுக்கு பெட்டிகளில், கி.மீ.,க்கு, கூடுதலாக 10 பைசா கொடுக்க வேண்டியிருக்கும். அதே போல், முதல் வகுப்பு கட்டணத்தில், 3 பைசா, "ஏசி' இரண்டடுக்கு பயணத்திற்கு, 6 பைசா, "ஏசி' முதல் வகுப்புக்கு, 10 பைசா என, கூடுதலாக நிர்ணயிக்கப்பட்டுள்ளது.
மோசமான நிலையில் துறை
பயணிகள் கட்டண உயர்வு,

நீண்டகாலமாக மேற்கொள்ளாததால், மிகவும் மோசமான நிதி நிலையில் உள்ள ரயில்வே நிர்வாகத்தை மேம்படுத்த, கட்டணங்கள் இப்போது உயர்த்தப்பட்டுள்ளன.இவ்வாறு, அமைச்சர் பன்சால் கூறினார்.ரயில் பயணிகள் கட்டணம் அவ்வப்போது உயர்த்தப்பட்டு வந்த போதிலும், ஒரே நேரத்தில், அனைத்து வகுப்பு கட்டணங்களும் உயர்த்தப்பட்டது, பத்தாண்டுகளுக்கு பிறகு, இதுவே முதல் முறை. கூட்டணி அரசு காரணமாக, ரயில் கட்டண உயர்வு அமலாகாத நிலை மாறி, காங்கிரஸ்அமைச்சர் பன்சால் இதற்கான வழியை காட்டி விட்டார்.பயண கட்டணம் உயர்த்தப்பட்டுள்ள நிலையில், பிளாட்பார டிக்கெட் கட்டணம் உயர்த்தப்படவில்லை. தொடர்ந்து, 5 ரூபாயாக நீடிக்கும்.முதல் வகுப்பு, "ஏசி' இரண்டடுக்கு மற்றும் "ஏசி' முதல் வகுப்பு எக்சிகியூடிவ் கட்டணங்கள், கி.மீ.,க்கு, முறையே, 10 பைசா, 15 பைசா மற்றும், 30 பைசா என்ற அளவில், நடப்பு ரயில்வே பட்ஜெட்டில் உயர்த்தப்பட்டது குறிப்பிடத்தக்கது.

சரக்குக் கட்டணமும் உயரும்
சரக்கு கட்டணங்கள், வரும் ரயில்வே பட்ஜெட்டில் உயர்த்தப்படலாம் என எதிர்பார்க்கப்படுகிறது.ஏற்கனவே டிக்கெட் எடுத்தவர்கள், 21ம் தேதிக்கு பிறகு பயணம் செய்யும் போது, கட்டணத்தின் வித்தியாசத்தை, டிக்கெட் பரிசோதகர்களிடம் கொடுத்து கொள்ளலாம். மக்கள் அதிகம் பயன்படுத்தும் ரயில் சேவை, மிகவும் மோசமான நிலையில் உள்ளது. அதை சீர்செய்து, மக்களுக்கு நல்ல சேவை தர, ரயில்வே நிர்வாகம், அடுத்தடுத்த முயற்சிகளை மேற்கொள்ளாத வரை, கட்டண உயர்வு என்பது சுமையாகவே கருதப்படும்.
ரியாக்ஷன்
கட்டண உயர்வு தவிர்க்க முடியாதது என்ற நிலை ஏற்பட்டதால், வேறு வழியின்றி, உயர்த்தியுள்ளோம். இதற்காக, கட்சி தலைவர், சோனியாவின் அனுமதியை கேட்க தேவையில்லை. ஏனெனில், கட்சி வேறு; ஆட்சி வேறு.- காங்., செய்தி தொடர்பாளர், ரஷீத் ஆல்வி.
""மக்களுக்கு எதிரான முடிவு. விலைவாசியை கட்டுப்படுத்த தவறிய மத்திய அரசு, அனைத்து பொருட்களின் விலையும் மேலும் அதிகரிக்கும் வகையில், ரயில் கட்டணங்களையும் உயர்த்தியுள்ளது. இதை வன்மையாக கண்டிக்கிறோம்.''- குருதாஸ் குப்தா, இந்திய கம்யூனிஸ்ட்.-
-
நாட்டின் சாமானிய மக்கள், விலையேற்றத்தால், கடுமையாக பாதிக்கப்பட்டுள்ள நிலையில், ரயில்வேகட்டணங்களும் உயர்த்தப்பட்டுள்ளதால், மேலும் பாதிக்கப்படுவது

-

Advertisement

பொதுமக்கள் தான். உயர் வகுப்புகள் தவிர்த்து, பிற கட்டணங்கள் குறைக்கப்பட வேண்டும். - மார்க்சிஸ்ட் கம்யூனிஸ்ட்
----
""ரயில்வே துறையை மேம்படுத்த, முன்னேற்ற பாதையில் முன்னெடுத்துச் செல்ல, கட்டண உயர்வு அவசியமானது. ரயில்வே உள்கட்டமைப்பு மிகவும் மோசமாக உள்ளது; பெருகும் நஷ்டத்தை தவிர்க்க, கட்டண உயர்வு மிகவும் தேவையானதே.''
- இந்திய தொழில் கூட்டமைப்பு
ரயில்வே துறை என்பது, சமுதாயத்திற்கு தொண்டாற்றும் பொறுப்பு வாய்ந்தது. லாப நோக்கில், கட்டணங்களை உயர்த்துவது நியாயமில்லை. பார்லிமென்ட்டில் இல்லாமல், வெளியே அறிவிப்பு வெளியிட்டுள்ளது கண்டனத்திற்குரியது.- ரயில்வே முன்னாள் அமைச்சரும், திரிணமுல் காங்., தலைவர்களில் ஒருவருமான, முகுல் ராய்.

கருணாநிதி (தி.மு.க.,): மக்களை பாதிக்கும் எந்த விஷயத்தையும், தி.மு.க., ஆதரிக்காது.
பணவீக்கத்தால் சாதாரண மக்கள் கடும் பாதிப்பில் உள்ள நிலையில், ரயில் பயணிகள் கட்டணத்திலும், 20 சதவீதம் உயர்வு செய்துள்ளது, ஜனநாயக விரோத செயல். உயர்த்தப்பட்ட கட்டணங்கள், வாபஸ் பெற வேண்டும். - பாரதிய ஜனதா
.பயணிகள் கட்டண உயர்வு, நீண்டகாலமாக மேற்கொள்ளாததால், மிகவும் மோசமான நிதி நிலையில் உள்ள ரயில்வே நிர்வாகத்தை மேம்படுத்த, கட்டணங்கள் இப்போது உயர்த்தப்பட்டுள்ளன.பன்சால்ரயில்வே அமைச்சர்

பெட்ரோல், டீசல், காஸ் விலை உயர்வு என்ற வரிசையில், தற்போது ரயில் கட்டணங்களை, ரயில்வே பட்ஜெட்டிற்கு, முன்னதாகவே, மத்திய அரசு உயர்த்திருப்பது வெந்த புண்ணில் வேல் பாய்ச்சுவது போல், அமைந்துள்ளது. கட்டண உயர்வை உடனடியாக திரும்பப் பெற வேண்டும்.ஜெயலலிதா,தமிழக முதல்வர்




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (160)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Tamilan - Chennai,இந்தியா
12-ஜன-201310:23:48 IST Report Abuse
Tamilan toilet clean பண்ணுங்க ஒழுங்கா
Rate this:
0 members
0 members
3 members
Share this comment
Cancel
திருமகள்கேள்வன் - chennai,இந்தியா
10-ஜன-201322:11:04 IST Report Abuse
திருமகள்கேள்வன் இதே ஆண்டில் முதல் வகுப்பு கட்டணம் மூன்றாவது முறையாக உயர்ந்துள்ளது... 30 km வரை 500 ரூபாய் இருந்த முதல் வகுப்பு கட்டணம் 555 மற்றும் 570 வரை முன்பே இரண்டுமுறை உயர்தபட்டுவிட்டது... இனி அது 600 ரூபாயாக உயரக்கூடும்.. புறநகர் மின்சார ரயிலில் முதல் வகுப்பு பெட்டி கவலை அளிக்கும் நிலையிலேயே உள்ளது... அதிலும் குறிப்பாக சென்னை- அரக்கோணம் வழி மின்சார ரயில்களில் பேருக்குதான் முதல் வகுப்பு பெட்டி.... புறா பொந்து கூட பெரியதாக இருக்கும்... மேலும் இரண்டாம் வகுப்பு சீசன் ஹோல்டேர்ஸ் கூட ரயில்வே யூனியன் பெயர் வெளியில் தெரியும்படி வைத்து பயணம் செய்வர்... இவர்கள் பயணம் செய்வதோடு அல்லாமல் இவர்களின் நண்பர்களையும் அருகில் அமர்திககொள்வர்... டிக்கெட் பரிசோதகர் இவர்களை கண்டுகொள்ளாமல் யாராவது வடஇந்திய நபர்களையோ, தெலுங்கு மற்றும் வெளிமாநில நபர்களை பிடிப்பார்...தெரிந்தே தினமும் பயணம் செய்பவர் இருக்க தெரியாமல் பயணம் செய்பவரை பிடித்து வைத்துகொண்டு இவர்கள் செய்யும் அலப்பரை இருக்கிறதே அப்பப்பா... இன்னொரு கூத்து இரவு நேரங்களில் முதல் வகுப்பு பெட்டியில் பயணம் செய்யும் நபர்களில் பலபேர் குடித்துவிட்டு பயணம் செய்கின்றனர்.... இந்த குடிகாரர்களின் அட்டுழியம் தாங்க முடியாததாக உள்ளது.... இரவு நேரத்தில் டிக்கெட் பரிதோதனை செய்பவர்கள் வருவதே இல்லை... இப்பொழுதெல்லாம் முதல் வகுப்பில் பயணம் செய்வதே ஒரு பெரிய தண்டனை ... இதில் கட்டண உயர்வு வேற... கடவுளே....
Rate this:
1 members
0 members
0 members
Share this comment
Cancel
Justin Dhas - Chennai,இந்தியா
10-ஜன-201321:40:07 IST Report Abuse
Justin Dhas We accepted all bus ticket rate and milk hike. when compared to all this train ticket hike is reasonable. we should think some situation they should increase the fare.they increased little only..
Rate this:
0 members
0 members
1 members
Share this comment
Cancel
venkatramana rao - chennai,இந்தியா
10-ஜன-201321:17:49 IST Report Abuse
venkatramana rao மரியா அல்போன்சே பாண்டியன் 22 தேதிக்கு பிறகு ஒரு 500 கி மீ தூரம் sleeper வகுப்பில் சென்று வரட்டும் தெரியும். அது சரி ரயில் கட்டண உயர்வு செய்தியை முழுமையாக படிக்கவில்லையா .பன்சாலுக்கு உதவியாளர் மாதிரி கடிதங்களை எழுதி இருக்கிறார் .மதுரையிலிருந்து இரண்டாம் வகுப்பு உறங்கும் வசதி பெட்டியில் செல்பவர் சுமார் ரூ.150 அதிகம் கொடுத்துசெல்லவேண்டும் என்பதை அறிவாரா.
Rate this:
1 members
0 members
0 members
Share this comment
Cancel
v.sundaravadivelu - Tiruppur,இந்தியா
10-ஜன-201321:01:57 IST Report Abuse
v.sundaravadivelu ரயில் கட்டண உயர்வை மட்டும் உடனே திரும்பப் பெறவேண்டும் என்று கூக்குரலிடுகிற நம்ம ஜெ., பஸ் கட்டண உயர்வை அத்தனை பேர்கள் போர்க்கொடி தூக்கியும் அசைந்து கொடுக்காதது முரணாகப் படுகிறது... தன்னுடைய கட்டுப்பாட்டில் பிடிவாதமாக ஒரு காரியத்தை செய்கிற நமது முதலமைச்சர், மத்திய அரசின் ஓர் நடவடிக்கைக்காக எதிர்ப்புத் தெரிவிப்பது என்பது தமிழ்நாட்டு மக்களை என்னவோ செயற்கையாக உணர வைக்கிறது..
Rate this:
0 members
0 members
3 members
Share this comment
Cancel
Ramacahandran - chennai,இந்தியா
10-ஜன-201319:57:21 IST Report Abuse
Ramacahandran கடந்த பத்து ஆண்டுகளாக ஆண்டுக்கு கொஞ்சம் என்று கட்டணத்தை அதிகரித்து இருந்தால் மக்களுக்கும் பாரம் இல்லாமல் இருந்து இருக்கும் . அதை விட்டு விட்டு வாக்கு அரசியலுக்காக சுத்தமாக கட்டணத்தை கூட்டாமலே விட்டு விட்டார்கள். இந்த பத்து ஆண்டுகளில் டீசல் மற்றும் மின்சார கட்டணம் எத்தனை உயந்து இருக்கிறது? ரயில்வே ஊழியர்களுக்கு ஆறாம் ஊதிய குழு மற்றும் எத்தனை முறை ஆறு மாதத்துக்கு ஒருமுறை அகவிலைப்படி உயர்த்தப்பட்டுள்ளது? இதற்கெல்லாம் பணம் எங்கிருந்து வரும்? அவர்களுக்கு கொடுக்க பயணிகளின் அடிப்படை வசதிகளிலேயே கை வைத்து விட்டார்கள். நாங்கள் உங்களை நியாயமான கட்டண உயர்வு வேண்டாம் என்று சொல்ல வில்லை. அய்யா .. வாங்குகிற காசுக்கு நல்ல நியாயமான வசதி செய்து தாருங்கள் என்றுதான் கேட்கிறோம். எலிகளும் கரப்பான் பூச்சிகளும் ஏ சி கோச்சையே விட்டு வைக்கத பொது மற்ற சாதாரண வகுப்பை பற்றி கேட்க வேண்டுமா?
Rate this:
1 members
0 members
0 members
Share this comment
Cancel
சு கனகராஜ் - chennai -33,இந்தியா
10-ஜன-201319:32:17 IST Report Abuse
சு கனகராஜ் கருணாவின் ராஜினாமா கடிதம் உண்ணாவிரதம் போல இதிலும் எதாவது ஸ்டண்டு அடிக்க viyathaana ?
Rate this:
1 members
0 members
2 members
Share this comment
Cancel
Basheer Ahamed - Dubai,ஐக்கிய அரபு நாடுகள்
10-ஜன-201319:23:56 IST Report Abuse
Basheer Ahamed இதேபோல் தான் தமிழ் நாட்டிலும் பல வருடங்களுக்கு பிறகு பஸ் கட்டணத்தை உயர்த்திய போது வானத்திற்கும் ,பூமிக்கும் எகிறி குதித்த மரியா அல்போன்ஸ் போன்ற யோக்கியர்கள் இன்று பச்சோந்திகளை போன்று நொண்டி சாக்கு சொல்கிறார்கள். கேட்டால் இந்த உயர்வு பஸ் கட்டணத்தை போல் உயரவில்லை என மக்களை முட்டாள் ஆக்க நினைக்கிறார்கள். 50 பேர் பயணம் செய்ய கூடிய பஸ்சும், பல ஆயிர கணக்கான மக்கள் ஒரே நேரத்தில் பயணம் செய்ய கூடிய ரயிலும் ஒன்றா. உண்மையில் இவர்கள் மற்றவர்களை முட்டாள் ஆக்க நினைக்கிறார்களா அல்லது இவர்கள் எப்போவுமே இப்படிதானா
Rate this:
2 members
0 members
1 members
Share this comment
Cancel
purachipuyal - TIRUPUR,இந்தியா
10-ஜன-201318:49:36 IST Report Abuse
purachipuyal இது வேறயா
Rate this:
0 members
0 members
0 members
Share this comment
Cancel
g.s,rajan - chennai ,இந்தியா
10-ஜன-201318:19:07 IST Report Abuse
g.s,rajan Make all the people to get the tickets and travel,other than South India and also the Politicians should Pay for tickets and travel .g.s.rajan,chennai.
Rate this:
0 members
0 members
1 members
Share this comment
Cancel

உங்கள் கருத்தைப் பதிவு செய்ய :
Login :
( OR )Login with
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.