Jharkhand Governor recommends for Prez rule in the state | ஜார்க்கண்டில் ஜனாதிபதி ஆட்சி மத்திய அரசுக்கு கவர்னர் பரிந்துரை?| Dinamalar

ஜார்க்கண்டில் ஜனாதிபதி ஆட்சி மத்திய அரசுக்கு கவர்னர் பரிந்துரை?

Added : ஜன 09, 2013
Advertisement
 
 
Advertisement
 
 
 
Advertisement
 ஜார்க்கண்டில் ஜனாதிபதி ஆட்சி மத்திய அரசுக்கு கவர்னர் பரிந்துரை?

புதுடில்லி: ஜார்க்கண்டில், சட்டசபையை முடக்கி வைத்து விட்டு, ஜனாதிபதி ஆட்சியை அமல்படுத்தும்படி, மத்திய அரசுக்கு, அம்மாநில கவர்னர் செய்து அகமது, பரிந்துரை செய்துள்ளார். ஜார்க்கண்ட்டில், அர்ஜுன் முண்டா தலைமையிலான, பா.ஜ., ஆட்சி நடந்தது. அர்ஜுன் முண்டா அரசுக்கு, சிபுசோரனின், ஜார்க்கண்ட் முக்தி மோர்ச்சா கட்சி, ஆதரவு அளித்தது. ஏற்கனவே செய்து கொள்ளப்பட்ட ஒப்பந்தப்படி, முதல்வர் பதவியை தங்களுக்கு விட்டுத் தராததால், பா.ஜ., அரசுக்கு அளித்து வந்த ஆதரவை, வாபஸ் பெறுவதாக, ஜே.எம்.எம்., கட்சி அறிவித்தது. முதல்வர் பதவியை ராஜினாமா செய்வதாக அறிவித்த, அர்ஜுன் முண்டா, சட்டசபையை கலைக்கும்படி, கவர்னரிடம் அறிக்கை அளித்தார். இந்நிலையில், ஜார்க்கண்ட் சட்டசபையை கலைக்காமல், தற்காலிகமாக முடக்கி வைத்து, ஜனாதிபதி ஆட்சியை அமல்படுத்தும்படி, கவர்னர் செய்யது அகமது, மத்திய அரசுக்கு பரிந்துரை அளித்துள்ளதாக தகவல் வெளியாகியுள்ளது. இதுகுறித்து, மத்திய உள்துறை அமைச்சர் சுஷில் குமார் ஷிண்டே கூறியதாவது: ஜார்க்கண்ட் கவர்னரிடம் இருந்து, முக்கிய அறிக்கை வந்துள்ளது. முடிவு எடுக்க, கால அவகாசம் தேவைப்படுகிறது. இவ்வாறு சுஷில் குமார் ஷிண்டே கூறினார். தற்போதுள்ள சூழ்நிலையில், ஜார்க்கண்ட் சட்டசபைக்கு இடைத் தேர்தல் வருவதை எந்த கட்சியுமே விரும்பவில்லை. இதனால், சட்டசபையை தற்காலிகமாக முடக்கி வைத்து, ஜனாதிபதி ஆட்சியை அமல்படுத்த, மத்திய அரசு நடவடிக்கை எடுத்து வருவதாக தகவல் வெளியாகியுள்ளது. இதற்கான அறிவிப்பு, எந்த நேரத்திலும் வெளியாகலாம்.

சிபுசோரன் முயற்சி இதற்கிடையே, காங்கிரஸ் ஆதவுடன் ஆட்சி அமைப்பதற்கான நடவடிக்கைகளை, ஜே.எம்.எம்., கட்சி முடுக்கி விட்டுள்ளது. அந்த கட்சியின் முக்கிய தலைவர்கள், டில்லியில், காங்., தலைவர் சோனியா உள்ளிட்ட தலைவர்களுடன், இதுகுறித்து பேச்சு நடத்தி வருகின்றனர். ஜார்க்கண்ட் மாநில காங்கிரஸ் தலைவர்களும், இதற்கு ஆதரவு தெரிவித்துள்ளனர்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை