Forest dept to implant electronic plate on Elephant to stop accidents | வனப்பகுதியில் ரயில் விபத்துகளை தடுக்க திட்டம் யானைகளுக்கு மின்னணு தகடு பொருத்த முடிவு| Dinamalar

பொது செய்தி

இந்தியா

வனப்பகுதியில் ரயில் விபத்துகளை தடுக்க திட்டம் யானைகளுக்கு மின்னணு தகடு பொருத்த முடிவு

Added : ஜன 10, 2013
Advertisement
 
 
Advertisement
 
 
Advertisement

புதுடில்லி: வனப் பகுதியை ஒட்டி ரயில் பாதைகளில், யானைகள் ரயிலில் அடிபட்டு உயிர் இழக்கும் சம்பவங்கள், சமீப நாட்களாக அதிகரித்து உள்ளன. இதையடுத்து, யானைகள் உடலில் மின்னணு தகடு பொருத்தவும், வனத்துறை அதிகாரிகளை, ரயில்வே கட்டுப்பாட்டு அறையில் பணியமர்த்தவும், முடிவு செய்யப்பட்டுள்ளது. சமீபத்தில், ஒடிஷா மற்றும் மேற்கு வங்கத்தில், வனத்தை ஒட்டியுள்ள ரயில் பாதைகளில், யானைகள் மோதி விபத்துக்குள்ளாவது அதிகரித்து உள்ளது. கடந்த மாதம், ஒடிஷாவில் நடந்த விபத்தில், ஆறு யானைகள் பலியாயின. இதனால், ரயில் போக்கு வரத்தும் பாதிக்கப்பட்டது. "வனப் பகுதிகளில் இயக்கப்படும் ரயில்களின் வேகத்தை குறைக்க வேண்டும்' என, சுற்றுச்சூழல் அமைச்சகம், ரயில்வே அமைச்சகத்திடம் முறையிட்டது. யானைகள் உயிர் இழக்கும் சம்பவம், கவலையளிப்பதாக உள்ளது என, எம்.பி.,க்கள் சிலரும், பார்லிமென்ட்டில் கவலை தெரிவித்தனர். இந்நிலையில், வனத்தை ஒட்டியுள்ள ரயில் பாதைகளில், யானைகள் நடமாட்டத்தை அறிந்து கொள்ளும் வகையில், யானைகளுக்கு மின்னணு தகடு பொருத்த, சுற்றுச்சூழல் அமைச்சகம் முடிவு செய்துள்ளது. யானைகள் உடலில் மின்னணு தகடு பொருத்தப்பட்டால், அதன் மூலம், நடமாட்டத்தை கண்காணித்து, ரயில்வே அதிகாரிகளுக்கு தெரிவித்து, ரயில் டிரைவர்களுக்கு எச்சரிக்கை கொடுத்து, விபத்துகளை தடுக்கலாம். மேலும், இதற்காக யானைகள் நடமாட்டம் உள்ள வனப் பகுதிகளை கண்டறிந்து, அங்குள்ள ரயில்வே கட்டுப்பாட்டு அறைகளில், அதிகாரிகளை நியமிக்கவும் முடிவு செய்யப்பட்டுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை