Tiruppavai-Tiruvempavai | மார்கழி வழிபாடு : திருப்பாவை - திருவெம்பாவை| Dinamalar

பொது செய்தி

தமிழ்நாடு

மார்கழி வழிபாடு : திருப்பாவை - திருவெம்பாவை

Added : ஜன 10, 2013
Advertisement
 
 
Advertisement
 
 
 
Advertisement
மார்கழி வழிபாடு : திருப்பாவை - திருவெம்பாவை

மார்கழி மாதத்தில் ஆண்டாள் பாடிய திருப்பாவையையும், மாணிக்கவாசகர் பாடிய திருப்பள்ளியெழுச்சியையும் உங்கள் இனிய குரலில் பாடி மகிழுங்கள்.

திருப்பாவை

பாடல் - 26


மாலே மணிவண்ணா! மார்கழி நீராடுவான்
மேலையார் செய்வனகள் வேண்டுவன கேட்டியேல்
ஞாலத்தை யெல்லாம் நடுங்க முரல்வன
பாலன்ன வண்ணத்துன் பாஞ்ச சன்னியமே
போல்வன சங்கங்கள் போய்ப்பாடு உடையனவே
சாலப் பெரும்பறையே பல்லாண்டு இசைப்பாரே
கோல விளக்கே கொடியே விதானமே
ஆலின் இலையாய்! அருளேலோர் எம்பாவாய்.

பொருள்: பக்தர்களிடம் அன்பு கொண்டவனே! நீலக்கல் நிறத்தவனே! ஆலிலையில் மிதப்பவனே! பெரியவர்களால் வழிவழியாக மேற்கொள்ளப்படுகிறது இந்த மார்கழி நோன்பு. இதற்கு, உலகத்தையே அதிர வைக்கும் ஒலியையும், பால் சாதம் போன்ற நிறத்தையும், உன் சங்ககாகிய பாஞ்சஜன்யத்தைப் போன்ற வலம்புரி சங்குகளைக் கொடுத்து உதவு. முரசு
களையும், பல்லாண்டு பாடும் பெரியோரையும், மங்கள தீபங்களும், கொடிகளும், நோன்புக்குரிய இடமும் கொடுத்து அருள் செய்.


திருப்பள்ளியெழுச்சி

பாடல் - 6

பப்பற வீட்டிருந்து உணரும் நின்னடியார்
பந்தனை வந்தறுத்தார் அவர் பலரும்
மைப்புறு கண்ணியர் மானுடத்து இயல்பின்
வணங்குகின்றார், அணங்கின் மணவாளா
செப்புறு கமலங்கள் மலரும் தண்வயல் சூழ்
திருப்பெருந்துறையுறை சிவபெருமானே!
இப்பிறப்பறுத்து எமையாண்டு அருள்புரியும்
எம்பெருமான் பள்ளி எழுந்தருளாயே!

பொருள்: பார்வதிதேவியின் துணைவனே! செந்தாமரை மலர்கள் மலர்ந்த குளிர்ந்த வயல்கள் சூழ்ந்த திருப்பெருந்துறையில் வசிக்கும் சிவனே! உன் அருள் என்னும் பெருந்தகைமையை உள்ளத்தில் உணரும் அடியவர்கள், குடும்பம், பந்தபாசங்களை உதறிவிட்டு உன்னைத் தரிசிக்க வந்துள்ளனர். கண்ணில் மை தீட்டிய பெண்மணிகளும் மனித இயல்புக்கு ஏற்ப உன்னை வணங்க வந்துள்ளனர். எங்களின் பிறப்பை நீக்கி, ஆட்கொண்டு முக்தி நிலை தர விழித்தருள வேண்டும்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை