Lenin image in Mobile phone ad: People protest in Poland | மொபைல்' போன் விளம்பரத்தில் லெனின் போலந்து நாட்டில் கடும் எதிர்ப்பு| Dinamalar

மொபைல்' போன் விளம்பரத்தில் லெனின் போலந்து நாட்டில் கடும் எதிர்ப்பு

Added : ஜன 10, 2013
Advertisement
 
 
Advertisement
 
 
Advertisement

வார்சா: போலந்தில், மொபைல் போன் நிறுவனம் ஒன்று, ரஷ்ய கம்யூனிஸ்ட் தலைவர், லெனினின் கார்ட்டூன் படத்தை, தன் விளம்பரத்திற்காக பயன்படுத்தியதற்கு, அந்நாட்டில் பலத்த எதிர்ப்பு கிளம்பியுள்ளது. போலந்தில் உள்ள, "போல்ஸ்கா பெலிபோனியா சைப்ரோவா' என்ற, மொபைல் போன் நிறுவனம், தன் வாடிக்கையாளர்களுக்கு, "குறைந்த செலவில் பேசும் வசதி கிடைக்கும், பேசுங்கள்' என்ற தன் விளம்பரத்தில், ரஷ்ய கம்யூனிஸ்ட் தலைவர் லெனினின் கார்ட்டூனை பயன்படுத்தி, "டிவி'யிலும், போஸ்டர் மூலமும் விளம்பரப்படுத்தியது. இதற்கு, போலந்தில் பலத்த எதிர்ப்பு கிளம்பியது. இரண்டாம் உலகப் போருக்குப் பின், போலந்து மக்களின் விருப்பத்திற்கு மாறாக, சோவியத் ரஷ்யாவால், கம்யூனிசம் திணிக்கப்பட்டது என்ற கருத்து நிலவுகிறது. கம்யூனிஸ்ட்களின் ஆட்சியில் நடைபெற்ற குற்ற செயல்களை, புலனாய்வு செய்யும், தேசிய அமைப்பின் இயக்குனர், லுகாஸ் காமின்ஸ்கி, மொபைல் போன் நிறுவனத்திற்கு வெளிப்படையாக எழுதியுள்ள கடிதத்தில், "இந்த, 20ம் நூண்றாண்டின் மிகப் பெரிய "கிரிமினல்'களில் லெனினும் ஒருவர். இந்த விளம்பரம், இளைஞர்களை நேரடியாக சென்று சேருவதால், லெனின் மேல் அவர்களுக்கு வேறு விதமான அபிப்ராயம் ஏற்படும்' என, தெரிவித்து உள்ளார். அது போல், லெனின் கார்ட்டூனுக்கு எதிராக, மொபைல் போன் நிறுவனத்திற்கு, 1,000க்கும் மேற்பட்ட கடிதங்கள் அனுப்பப்பட்டு உள்ளன. இதையடுத்து, லெனினின் கார்ட்டூனை நீக்க, சம்பந்தப்பட்ட மொபைல் போன் நிறுவனம் முடிவு செய்துள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை