Illegal water connection to tasmac | டாஸ்மாக் "பாருக்கு' குடிநீர் இணைப்பு : குடிமகன்களுக்கு தடையின்றி "சப்ளை'| Dinamalar

சம்பவம் செய்தி

தமிழ்நாடு

டாஸ்மாக் "பாருக்கு' குடிநீர் இணைப்பு : குடிமகன்களுக்கு தடையின்றி "சப்ளை'

Added : ஜன 10, 2013
Advertisement
 
 
Advertisement
 
 
Advertisement

திருப்புவனம்: திருப்புவனம் நரிக்குடி ரோட்டிலுள்ள டாஸ்மாக் "பாருக்கு',பேரூராட்சி ஆழ்துளை கிணறு மூலம் முறைகேடாக குடிநீர் இணைப்பு கொடுக்கப்பட்டுள்ளது. சிவகங்கை மாவட்டம் திருப்புவனம் பேரூராட்சி ஆழ்துளை கிணற்றிலிருந்து முறைகேடாக பல வீடுகளுக்கு குடிநீர் இணைப்பு கொடுக்கப்பட்டுள்ளது. குடிநீர் வரியும் வசூலாகாமல் முடங்கி உள்ளது. பல ஆண்டாக தொடரும் இம்முறைகேட்டால் பேரூராட்சிக்கு ரூ.62 லட்சம் வரை பாக்கி இருப்பதாக கணக்கு எடுக்கப்பட்டுள்ளது. உண்மையான குடிநீர் இணைப்புகளின் எண்ணிக்கையை அறிய, மாவட்டத்தின் மற்ற பேரூராட்சி பணியாளர்கள் கணக்கெடுக்கும் பணியில் ஈடுபட்டுள்ளனர். இந்நிலையில், 15 வது வார்டு, நரிக்குடி ரோட்டில் உள்ள டாஸ்மாக் பாருக்கு, சில ஆண்டாக குடிநீர் இணைப்பு கொடுக்கப்பட்டுள்ளது."பாருக்கு' கொடுத்த முறைகேடு இணைப்பு மட்டும் துண்டிக்கப்படவில்லை. இதனை இயக்கும் மோட்டார் சாவியும் "பார்' ஏலதாரர் வசமே உள்ளதால், நள்ளிரவில் கடைகளை கழுவதற்கும் இத்தண்ணீரை பயன்படுத்துகின்றனர். வார்டு மக்கள் மோட்டாரை இயக்க முடியாமல் குடிநீர் பிடிக்க முடியாமல் அவதிப்படுகின்றனர்.அதிகாரிகளுக்கு பலமுறை இப்பகுதி மக்கள் புகார் தெரிவித்தும் எந்த நடவடிக்கையும் எடுக்கவில்லை.
பேரூராட்சி நிர்வாக அதிகாரி அமானுல்லா கூறுகையில், ""முறைகேடாகத்தான் இணைப்பு கொடுக்கப்பட்டுள்ளது.நாளை (இன்று) இணைப்பை துண்டித்து விடுகிறோம்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை