Sikh beheaded in Pakistan | பாகிஸ்தானில் சீக்கியர் தலை துண்டித்து கொலை| Dinamalar

பாகிஸ்தானில் சீக்கியர் தலை துண்டித்து கொலை

Added : ஜன 10, 2013
Advertisement
 
 
Advertisement
 
 
Advertisement

இஸ்லாமாபாத்: பாகிஸ்தானில், சீக்கியர் ஒருவர், பயங்கரவாதிகளால் தலை துண்டித்து கொல்லப்பட்டுள்ளார். பாகிஸ்தானின் கைபர் பகுதியில் உள்ள, சகாகெல் பஜாரில், மூலிகை கடை நடத்தி வந்தவர், மொகிந்தர் சிங்,40. கடந்த ஆண்டு, நவம்பரில், ஆயுதங்களுடன் வந்த மர்ம ஆசாமிகள், இவரை கடத்தி சென்றனர். இதற்கிடையே, நேற்று முன்தினம் இவரது உடல், தலை துண்டிக்கப்பட்ட நிலையில், மார்க்கெட் அருகே, வீசப்பட்டு கிடந்தது. இவரது கொலைக்கு, தாவீத் உல்-இஸ்லாம் என்ற பயங்கரவாத அமைப்பு பொறுப்பேற்றுள்ளது. இந்த அமைப்பின் எதிரியான, லஷ்கர் இ -இஸ்லாமுக்காக, மொகிந்தர் சிங், உளவு பார்த்ததால் கொல்லப்பட்டதாக, இவரது உடல் அருகே கிடந்த குறிப்பில், எழுதப்பட்டுள்ளது.
இது குறித்து, மொகிந்தர் சிங்கின் சகோதரர், தஸ்வந்த் சிங் கூறியதாவது: என் சகோதரை பற்றி தாவீத் உல் இஸ்லாம் அமைப்பிடம் விசாரித்த போது, அவர்கள், "தெரியாது' என, கூறினர். இப்போது அந்த அமைப்பினர், இவரை கொன்றுள்ளனர். மொகிந்தர் சிங்குக்கு, ஒன்பது குழந்தைகள் உள்ளனர். இதில் ஒரு குழந்தை, மாற்றுத் திறனாளியாக உள்ளது. எனவே, இந்த குடும்பத்துக்கு அரசு நிவாரண உதவி வழங்க வேண்டும். இவ்வாறு தஸ்வந்த் சிங் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை