Rare treatment at chennai GH | ரசாயன உயிர்கொல்லி அருந்திய இளைஞர் காப்பாற்றினர் அரசு மருத்துவமனை டாக்டர்கள்| Dinamalar

பொது செய்தி

தமிழ்நாடு

ரசாயன உயிர்கொல்லி அருந்திய இளைஞர் காப்பாற்றினர் அரசு மருத்துவமனை டாக்டர்கள்

Added : ஜன 10, 2013
Advertisement
 
 
Advertisement
 
 
 
Advertisement
ரசாயன  உயிர்கொல்லி அருந்திய இளைஞர் காப்பாற்றினர் அரசு மருத்துவமனை டாக்டர்கள்

சென்னை: ரசாயன உயிர்க்கொல்லியை குடித்து, உயிருக்கு போராடிய இளைஞரை, அரசு மருத்துவமனை மருத்துவர்கள் காப்பாற்றி உள்ளனர். சென்னை, நெற்குன்றம் பகுதியை சேர்ந்த, 21 வயது இளைஞர் ஒருவர், ரசாயன உயிர்கொல்லியை குடித்து, தற்கொலைக்கு முயன்றார். உயிருக்கு ஆபத்தான நிலையில், சென்னை, ராஜிவ்காந்தி அரசு பொதுமருத்துவமனையில் சேர்க்கப்பட்ட அவரை, மருத்துவர்கள் காப்பாற்றி உள்ளனர்.

இதுகுறித்து, மருத்துவமனையின் இரைப்பை, குடல் அறுவை சிகிச்சை துறை தலைவர் சந்திரமோகன் கூறியதாவது: ஏ.சி., - குளிர்சாதன பெட்டிகளுக்கு பயன்படுத்தப்படும், "ஐசோசைனேட்', "பாலிஆயில்' ஆகிய ரசாயனங்களை குடித்ததால் வயிறு மற்றும் நெஞ்சுவலியுடன், அவர் மருத்துவமனையில் அனுமதிக்கப்பட்டார்.
பரிசோதனையில், அவர் உட்கொண்ட ரசாயனங்கள், அவரது உணவு குழாய் மற்றும் இரைப்பை பகுதியில், கட்டியாக மாறி தங்கியிருந்தது தெரியவந்தது. நச்சு நீக்கியியல் துறை மருத்துவர்களுடன் இணைந்து, உணவு குழாயில், "எண்டோஸ்கோப்பி' முறையிலும், இரைப்பை பகுதியில், அறுவை சிகிச்சை மூலமும், 200 கிராம் அளவு, பந்து போல் இருந்த ரசாயன பொருளை அகற்றினோம். தற்போது அவர் நலமாக உள்ளார். இவ்வாறு சந்திரமோகன் கூறினார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை