Land value again increases | நில மதிப்பு மீண்டும் உயர்கிறது பத்திரப் பதிவுத் துறை "சர்வே'| Dinamalar

பொது செய்தி

தமிழ்நாடு

நில மதிப்பு மீண்டும் உயர்கிறது பத்திரப் பதிவுத் துறை "சர்வே'

Added : ஜன 10, 2013
Advertisement
 
 
Advertisement
 
 
Advertisement

கம்பம்: நிலத்திற்கு, அரசின் வழி காட்டி மதிப்பீட்டை, மீண்டும் உயர்த்த இருப்பதால், இது குறித்து சர்வே எடுத்து, அறிக்கை தருமாறு, சார் பதிவாளர்களுக்கு பத்திரப்பதிவு துறை உத்தரவிட்டுள்ளது. தமிழக அரசு கடந்த ஆண்டு ஏப்ரலில், நிலத்திற்கான வழிகாட்டி மதிப்பீட்டை (கைடு லைன் வேல்யூ) உயர்த்தியது. மார்க்கெட் விலையை காட்டிலும், அரசு மதிப்பு பல மடங்கு அதிகரித்தது. இதனால் நிலம் விற்பது, வாங்குவது குறைந்தது. பத்திர பதிவு அலுவலங்களில், 50 சதவீதத்திற்கும் மேலாக பதிவுகள் குறைந்தது. நிலங்கள் குடியிருப்பு, வணிகம், விரிவாக்கம் என பல பகுதிகளாக பிரிக்கப்பட்டுள்ளது. இதில், "விரிவாக்க' பகுதி, நிலத்தின் மதிப்பை மீண்டும் அதிகப்படுத்த, பத்திரப்பதிவு துறை முடிவு செய்துள்ளது. இது தொடர்பாக, பத்திரப்பதிவு அலுவலகங்களுக்கு அரசு உத்தரவு ஒன்றை பிறப்பித்துள்ளது. அதில், ஒவ்வொரு சார் பதிவாளர் அலுவலக கட்டுப்பாட்டில் உள்ள ஊர்களில், விரிவாக்க பகுதிகளின் அளவு, தற்போது அரசு மதிப்பு, மார்க்கெட் மதிப்பு, எவ்வளவு அதிகரிக்கலாம் உள்ளிட்ட விபரங்கள் மற்றும் சார் பதிவாளர்களின் பரிந்துரைகளை வழங்க, கேட்டுக் கொள்ளப்பட்டுள்ளது.இது குறித்த கணக்கெடுப்பு நடந்து வருகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை