4 arrested for kidnapping | கடனை திருப்பி கொடுக்காதவர் கடத்தல் : திருப்பூரை சேர்ந்த நால்வர் கூடலூரில் கைது| Dinamalar

சம்பவம் செய்தி

தமிழ்நாடு

கடனை திருப்பி கொடுக்காதவர் கடத்தல் : திருப்பூரை சேர்ந்த நால்வர் கூடலூரில் கைது

Added : ஜன 10, 2013
Advertisement
 
 
Advertisement
 
 
Advertisement

கூடலூர்: கடனை திருப்பி கொடுக்காத நபரை காரில் கடத்தி சென்றதாக, திருப்பூரை சேர்ந்த நான்கு பேர், கூடலூரில் கைது செய்யப்பட்டனர். நீலகிரி மாவட்டம், மேல்கூடலூர் பகுதியை சேர்ந்தவர் அஜீஸ், 28. இவர், கோவை தனியார் மருத்துவமனையில் பணியாற்றி வருகிறார். இரு மாதங்களுக்கு முன்பு, திருப்பூர் அனுப்பர்பாளையத்தை சேர்ந்த நாகராஜ், 29, என்பவரிடம், 60 ஆயிரம் ரூபாய் கடன் பெற்றுள்ளார். பல முறை பணம் திருப்பி கேட்டும், நாகராஜுக்கு அஜீஸ், பணத்தை தரவில்லை என்று கூறப்படுகிறது. நேற்று முன்தினம் இரவு நாகராஜ் உட்பட நான்கு பேர் கூடலூரில் உள்ள அஜீஸ் வீட்டுக்கு வந்துள்ளனர். அஜீஸ் அங்கு இல்லை என்பதை அறிந்து, ஏமாற்றமடைந்த அவர்கள், கூடலூரில் தங்கி கண்காணித்துள்ளனர். நேற்று காலை 6.30 மணியளவில், அஜீஸ் மற்றும் அவர் தயார் அல்போன்ஸ் ஆகியோர், கேரளாவுக்கு செல்வதற்காக, பழைய பஸ் ஸ்டாண்டில் காத்திருந்தனர். அங்கு வந்த நாகராஜ் குழுவினர், அஜீஸை பிடித்து, தாங்கள் வந்த இண்டிகா காரில், (டி.என்.39-ஒய்- 6717) கடத்தி சென்றனர். அஜீசின் தயார், கூடலூர் போலீசில் புகார் கொடுத்தார். இன்ஸ்பெக்டர் நீலகுமார் தலைமையில் போலீசார், துரத்தி சென்று, தமிழக- கர்நாடக எல்லையான கக்கனல்லா அருகே, காரை மடக்கி பிடித்தனர்; அதிலிருந்த அஜீசை மீட்டனர். இது தொடர்பாக, நாகராஜ் மற்றும் அவருடன் வந்த திருப்பூரை சேர்ந்த ஜனார்த்தனன், 23; ஸ்டீபன், 30; சங்கர் 27; ஆகியோரை கைது செய்து, காரையும் பறிமுதல் செய்தனர். விசாரணை நடந்து வருகிறது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை