Golden idol missing at Agobila mutt | அகோபில மடத்தில் தங்க சிலை மாயம் : வழக்கு பதிவு செய்ய ஐகோர்ட்டில் மனு| Dinamalar

கோர்ட் செய்தி

தமிழ்நாடு

அகோபில மடத்தில் தங்க சிலை மாயம் : வழக்கு பதிவு செய்ய ஐகோர்ட்டில் மனு

Added : ஜன 10, 2013
Advertisement
 
 
Advertisement
 
 
 
Advertisement

சென்னை: சென்னை, சேலையூரில் உள்ள அகோபில மடத்தில், தங்க சிலைகள் உள்ளிட்ட கோடிக்கணக்கான மதிப்புடைய பொருட்கள், மாயமானது குறித்து அளித்த புகாரை, பதிவு செய்யக் கோரி, சென்னை ஐகோர்ட்டில், மனுத் தாக்கல் செய்யப்பட்டுள்ளது. மனுவுக்கு, இரண்டு வாரங்களில் பதிலளிக்கும்படி, உத்தரவிடப்பட்டுள்ளது.

மும்பையைச் சேர்ந்த, கே.வி.ரமணி என்பவர் தாக்கல் செய்த மனு: சென்னை, சேலையூரில் உள்ள அகோபில மடத்துக்கு, கடந்த, 20 ஆண்டுகளில், 30 கோடி ரூபாய் வரை, நன்கொடை வழங்கியுள்ளேன். அகோபில மடத்தில், தங்க நகைகள், வெள்ளிப் பொருட்கள், தங்கத்திலான கருட சிலைகள் திருடு போனது குறித்தும், புகார் அளித்தேன். இவைகள் கோடிக்கணக்கில் மதிப்புடையவை. திருடு போன பொருட்கள் குறித்து, மடத்தில் உள்ள நிர்வாகிகளிடம் விசாரித்தேன். தகவல்களை தர, அவர்கள் மறுத்து விட்டனர். தங்க மண்டபத்தில் வைக்கப்பட்டிருந்த, தங்க கருட சிலைகளை பற்றியும், தகவல் தெரிவிக்கவில்லை. தங்க மண்டபத்தை, நன்கொடையாக நான் அளித்திருந்தேன். பொருட்கள் காணாமல் போனது குறித்து, கடந்த ஆண்டு, நவம்பரில், சென்னை மாநகர போலீஸ் கமிஷனர் மற்றும் சேலையூர் போலீஸ் இன்ஸ்பெக்டருக்கு, புகார் அனுப்பினேன். எந்த நடவடிக்கையும் இல்லை. எனவே, எனது புகாரை பதிவு செய்து, நடவடிக்கை எடுக்க, சேலையூர் போலீஸ் இன்ஸ்பெக்டருக்கு உத்தரவிட வேண்டும். இவ்வாறு, மனுவில் கூறப்பட்டுள்ளது.
மனுவை, நீதிபதி ஆறுமுகசாமி விசாரித்தார். மனுதாரர் சார்பில், வழக்கறிஞர் ஜெ.ரமேஷ் ஆஜரானார். மனுவுக்குப் பதிலளிக்க, அரசு வழக்கறிஞர் "நோட்டீஸ்' பெற்றுக் கொண்டார். விசாரணையை, இரண்டு வாரங்களுக்கு, நீதிபதி ஆறுமுகசாமி தள்ளிவைத்தார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை