HC orders to presence vijayakanth | அவதூறு வழக்கு: விஜயகாந்த் பிப்., 12ல் ஆஜராக உத்தரவு| Dinamalar

கோர்ட் செய்தி

தமிழ்நாடு

அவதூறு வழக்கு: விஜயகாந்த் பிப்., 12ல் ஆஜராக உத்தரவு

Added : ஜன 10, 2013
Advertisement
 
 
Advertisement
 
 
Advertisement

விழுப்புரம்: அரசு தொடர்ந்த அவதூறு வழக்கில், தே.மு.தி.க., தலைவர் விஜயகாந்த், பிப்., 12ம் தேதி, விழுப்புரம் கோர்ட்டில், ஆஜராக வேண்டும் என, நீதிபதி உத்தரவிட்டார். தே.மு.தி.க., தலைவர் விஜயகாந்த் பிறந்தநாளையொட்டி, விழுப்புரம் நகராட்சி மைதானத்தில், நலத்திட்ட உதவிகள் வழங்கும் விழா, கடந்தாண்டு ஆகஸ்ட் மாதம் நடந்தது. விழாவில், முதல்வரை அவதூறாக பேசியதாக, அரசு தரப்பில் விஜயகாந்த் மீது, அவதூறு வழக்கு தொடரப்பட்டது. விழுப்புரம் மாவட்ட முதன்மை அமர்வு நீதிமன்றத்தில், கடந்த, 13ம் தேதி விஜயகாந்த் மீதான புகார் மனுவை, மாவட்ட அரசு வழக்கறிஞர், பொன்சிவா தாக்கல் செய்தார். இவ்வழக்கை விசாரித்த நீதிபதி, ஆவடி தியாகராஜமூர்த்தி, நேற்று, விஜயகாந்த் கோர்ட்டில் ஆஜராக உத்தரவிட்டிருந்தார். இந்த வழக்கில், விஜயகாந்த் நேரில் ஆஜராவதற்கு தடை உத்தரவு கேட்டு, சென்னை ஐகோட்ர்டில் மனு தாக்கல் செய்யப்பட்டது. இம்மனு குறித்து, இரண்டு வாரத்தில் பதில் மனு தாக்கல் செய்யுமாறு, அரசு தரப்புக்கு ஐகோர்ட் உத்தரவிட்டுள்ளது. விழுப்புரம் மாவட்ட முதன்மை அமர்வு நீதிமன்றத்தில், அவதூறு வழக்கின் விசாரணை, நேற்று நடந்தது. தடை உத்தரவு கோரிய வழக்கு ஐகோர்ட்டில் நிலுவையில் இருப்பதால், இவ்வழக்கு தொடர்பாக விஜயகாந்த், பிப்., 12ம் தேதி நேரில் ஆஜராக வேண்டும் என, மாவட்ட அமர்வு நீதிபதி ஆவடி தியாகராஜமூர்த்தி உத்தரவிட்டார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை