district news | ஒன்றிய கூட்டத்தில் வாக்குவாதம்:அ.தி.மு.க., கவுன்சிலர்கள் வெளிநடப்பு| Dinamalar

பொது செய்தி

தமிழ்நாடு

ஒன்றிய கூட்டத்தில் வாக்குவாதம்:அ.தி.மு.க., கவுன்சிலர்கள் வெளிநடப்பு

Added : ஜன 10, 2013
Advertisement
 
 
Advertisement
 
 
 
Advertisement

ராஜபாளையம் : அரசு ஒதுக்கிய நிதி, அதற்கான பணிகளை தெரிவித்துவிட்டு, கவுன்சில் கூட்டத்தை நடத்தகோரி, ராஜபாளையம் ஒன்றிய கூட்டத்தில் வலியுறுத்த,வாக்குவாதம் ஏற்பட்டது.இதை தொடர்ந்து அ.தி.மு.க., கவுன்சிலர்கள் 8 பேர் வெளிநடப்பு செய்தனர்.
ஒன்றிய கவுன்சில் கூட்டம் தலைவர் பொன்னுத்தாய் தலைமையில், நேற்று காலை 11.10 மணிக்கு துவங்கியது. ஒன்றிய மேலாளர்கள் சுந்தரம், மீனாட்சி முன்னிலை வகித்தனர்.
அஜென்டாவில் முதல்பொருள் வாசிக்க துவங்கியவுடன், அரசு ஒதுக்கிய நிதி, அதற்கான பணிகளை தெரிவித்துவிட்டு, கூட்டத்தை நடத்துமாறு ,அ.தி.மு.க., கவுன்சிலர்கள் பெரியாண்டவர், ஆறுமுகசாமி, பெரியசாமி வலியுறுத்தினர். ""கூட்ட முடிவில், தெரிவிப்பதாக,'' தலைவர் கூறினார். இதற்கிடையே, கவுன்சிலர் குருசாமி, சமரசம் பேசியபோது, வாக்குவாதம் ஏற்பட்டது.
கூட்ட முடிவில், தெரிவிப்பதாக மேலாளர் சுந்தரம் கூறியபோது, அ.தி.மு.க., கவுன்சிலர்கள் கவுன்சிலர்கள் பெரியாண்டவர், பெரியசாமி, ஆறுமுகசாமி, பொன்னுலட்சுமி, தவம் பெற்றாள், உமா மகேஸ்வரி, முருகேஸ்வரி வெளிநடப்பு செய்தனர். இதை தொடர்ந்து, 11.25 மணிக்கு கூட்டமும் முடிந்தது.
தலைவர் பொன்னுத்தாய் கூறியதாவது: பாரபட்சமில்லாமல், முக்கிய பணிகள் நடக்கின்றன. கடந்த ஆண்டில் 1.50 கோடியில் வார்டுகளில் பணிகள் நடந்து உள்ளன.
இதில், உமா மகேஸ்வரி வார்டில் 9 லட்சத்து 76 ஆயிரம் ரூபாய், பெரியாண்டவர் வார்டில் 5 லட்சம், ஆறுமுகசாமி வார்டில் 9 லட்சம், பொன்னுலட்சுமி வார்டில் 5 லட்சம், தவம் பெற்றாள் வார்டில் 10 லட்சத்து 22 ஆயிரத்திற்கான பணிகள் நடந்து உள்ளன. மற்றவர்கள் வார்டிலும் இதுபோல நடந்து உள்ளன,'' என்றார்.
கவுன்சிலர்பெரியசாமி, ""வார்டின் முக்கிய பணிகள் நடக்கவில்லை. வார்டுகளில் கவுன்சிலர்கள் பல பிரச்னைகளை சந்திக்கிறோம்.
பசுமை வீடு, இந்திரா குடியிருப்பு திட்டங்கள் முறையாக நடக்கவில்லை,'' என்றார்.
பெரியாண்டவர், ""முதல்வர் ஜெயலலிதாவின் ஆட்சிக்கு களங்கம் ஏற்படும் வகையில், ராஜபாளையம் ஒன்றியத்தில் செயல்படுகின்றனர். நிதி ஒதுக்கீடு, அடிப்படை வசதி பணிகளுக்காக கூட்டத்தில் பேசியும் பயனில்லை.
இதை கண்டித்து வெளியேறினோம்,'' என்றார்.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை