district news | ஆண்டிபட்டி அருகே நோய் தாக்கி 3 மாடுகள் பலி :மேலும் பரவாமல் தடுக்க ஆந்த்ராக்ஸ் தடுப்பூசி| Dinamalar

பொது செய்தி

தமிழ்நாடு

ஆண்டிபட்டி அருகே நோய் தாக்கி 3 மாடுகள் பலி :மேலும் பரவாமல் தடுக்க ஆந்த்ராக்ஸ் தடுப்பூசி

Added : ஜன 10, 2013
Advertisement
 
 
Advertisement
 
 
 
Advertisement

ஆண்டிபட்டி : ஆண்டிபட்டி சக்கம்பட்டி அருகே மூன்று மாடுகள், இரண்டு ஆடுகள் நோய் தாக்கி பலியாகின. ஆந்த்ராக்ஸ் நோய் தாக்குதலாக இருக்கலாம் என கால்நடைதுறையினர் சந்தேகிக்கின்றனர்.
தேனி மாவட்டம் உத்தமபாளையம் அருகே கோகிலாபுத்தில் கடந்த 6 ம் தேதி சசிகுமார் என்பவருக்கு சொந்தமான 10 மாடுகள் திடீரென மயங்கி விழுந்து பலியாகின.
இந்த நிலையில் ஆண்டிபட்டி சக்கம்பட்டி காலனி பகுதியில் நூறுக்கும் மேற்பட்ட பால் மாடுகள், ஆடுகள் வளர்க்கப்படுகின்றன. நேற்று அழகுமலை என்பவர் தனது வீட்டில் வளர்த்த இரண்டு பசு மாடுகளுக்கு அதிகாலையில் தண்ணீர் விட்டு பால் எடுத்துள் ளார்.
காலை 6 மணிக்கு மீண்டும், தண்ணீர் குடித்த சிறிது நேரத்தில் இரண்டு மாடுகளும் அடுத்தடுத்து சுருண்டு விழுந்தது. சில நிமிடங்களில், துடிதுடித்த நிலையில் இரண்டு மாடுகளும் பலியாகிவிட்டது. அப்போது இறந்த மாட்டை முகர்ந்து பார்த்த ஆடுகள் இரண்டும், சுருண்டு விழுந்து சில நிமிடங்களில் துடிதுடித்து இறந்து விட்டது.
இந்த நிலையில், அதே பகுதியை சேர்ந்த மாரியப்பன் என்பவருக்கு சொந்தமான மேய்ச்சலுக்கு சென்று வந்த பசு மாடு நேற்று மதியம் 1 மணிக்கு வீடு திரும்பியது.
சிறிது நேரத்திலேயே அந்த மாடும் பலியானது.
ஆண்டிபட்டி கால்நடை துறை உதவி இயக்குனர் ஜெதீசன் தலைமையில் டாக்டர்கள் குழுவினர் இறந்த கால்நடைகளை மருத்தவ பரிசோதனை செய்தனர்.
கால்நடைகள் குடித்த குடிநீரை சோதனைக்கு எடுத்து சென்றுள்ளனர். மதுரையில் இருந்து கால்நடை நோய் புலனாய்வுப் பிரிவினர் வந்து ரத்த மாதிரிகளை சேகரித்தனர்.
கால்நடை துறை உதவி இயக்குனர் முருகேசன் கூறுகையில், ""மாடுகள் எவ்வகை நோய் தாக்கி இறந்தது என தற்போது உறுதியாக கூற முடியாது. இறந்த மாடுகளின் ரத்த மாதிரிகள் சேகரிக்கப்பட்டுள்ளது. முழுமையான பரிசோதனைக்கு பிறகு நோய் தாக்கம் குறித்து தெரிய வரும். இந்த நோய் மேலும் பரவாமல் தடுக்க மற்ற மாடுகளுக்கு ஆந்த்ராக்ஸ் நோய் தடுப்பூசி போடப்பட்டு வருகிறது. கால்நடைகளை மேய்ச்சலுக்கு அனுப்பாமல் சில நாட்கள் வீட்டில் வைத்து பராமரிக்க வேண்டும்,'' என்றார்.
பருவமழை பொய்த்து விவசாயமும் குறைந்து விட்ட நேரத்தில், கால்நடைகளும்
நோய் தாக்கி பலியாவது இந்த பகுதி விவசாயிகள் மத்தியில் பெரும் கலக்கத்தை ஏற்படுத்தியுள்ளது.

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை